Dopo passe 40 agns de prime publicazion, Glesie Furlane e à tornât a publicâ "Lis flabis di Esopo" voltadis in lenghe furlane di Antoni Beline, predi, scritôr, gjornalist e tradutôr adun cun pre Checo Placerean, de Bibie par furlan, mancjât 15 agns indaûr. Inte gnove edizion, lis flabis e i lôr protagoniscj a son ilustrâts in mût ironic e fantasiôs de dissegnadore Elisabetta Ursella.

Usgnot in television su Rai 3 Bis, canâl 810 as 21.50 e larà in onde la seconde part dal film "Pozzis Samarcanda" dal regjist furlan Stefano Giacomuzzi. Le pelicule che pe prime part a je za lade in onde ai 26 di Avrîl a pene passat, a je une produzion "Uponadream Studios" fate cul jutori dal Font audiovisîf dal FVG, il contribût de ARLeF e da FVG Film Commission.

Ospit: Stefano Giacomuzzi, regjist.

Al è di simpri un dai puescj furlans plui cognossûts sul Tiliment, un paradîs pal cuarp e pe ment, dulà polsâ a contat cu la nature: o fevelìn de Tabine di Vilunce, tal comun di Ruvigne. In graciis de sô posizion une vore biele e di une tratorie cetant frecuentade, e je simpri plui preseade tant che zone turistiche "alternative", dal sigûr di int di chenti ma ancje dal Nord Europe, che a vuelin vê un contat strent cu la nature.

Ospit: Matteo Variati, titulâr de Tabine beach di Viluce di Ruvigne.

Une cjaminade ae scuvierte de Roie milenarie di Pradaman e di altris lûcs interessants a soreli jevât di Udin, intune zone di confin tra citât e campagne, plene di segns antîcs e di une presince gruesse dal om, ma ancjemo caraterizade a fuart di ruralitât e nature.

Le inmanee Legambiente FVG cul Circul "Laura Conti", in viste de firme dal Contrat di flum de Roie di Pradaman.

Cussì come confermât di risint ancje da Ass. des Pro Loco dal FVG, la nestre regjon a je le miôr di dutis a nivel italian in merit a la racuelte diferenziade in tes sagris. Une biele gnove di cui vê une vore di braùre insome, cun di plui in chest periodi di riprese par tancj events, a tacâ propite da Fieste des Pro Loco, ven a stai "Sapori Pro Loco" che e torne in te suaze di Vile Manin a Codroip il prossim fin setemane ai 14 di Mai.

Ospit: Valter Pezzarini Pres. UNPLI FVG

I efiets de pandemie e de vuere in Ucraine continuin a fasi sintî e il lavôr al preocupe la societât civîl e lis fameis. Chest an, daspò doi agns di stop, la Fieste dal Lavôr si fasarà di gnûf in presince. No mancjaran, in Regjon, i tratôrs in place e il tradizionâl corteu dai lavoradôrs e dai sindacâts.

La Aziende agrarie universitarie "Servadei" e slargje la produzion di vueli extravergjin di ulive. Tal câs di une buine anade pe produzion des ulivis, il 2022 al sarà il prin an dulà che la Aziende de Universitât dal Friûl e podarà ufrî al public il so prodot.

Ospit: Piergiorgio Comuzzo, diretôr deAziende agrarie universitarie.

Al è stât presentât il progjet "Primis" pe valorizazion de culture furlane intal teritori di Puart, in Venit, in clâf turistiche.

Cualis sono lis impresis dal Friûl-Vignesie Julie che a rivin miôr a deventâ internazionâls ancje in graciis dal lôr profiîl finanziari? E po, il trasferiment des cognossincis tra Universitât e imprenditorie funzionial? A son pocjis des domandis che a àn vuidât une ricercje fate de Universitât dal Friûl.

Ospit: Josanco Floreani, professôr di Finance aziendâl al Dipartiment di Sciencis economichis de Universitât dal Friûl.

Dal confront tra gnovis e vecjis gjenerazions, tra tradizion e inovazion, al è nassût il concors "La peraule dal cûr", iniziative promovude di bande dal Città Fiera, cul patrocini de Arlef, par promovi la culture e la cognossince de lenghe furlane.