La Associazion dai arlevadôrs dal F-VJ e je intun moment di emergjence, parcè che tantis aziendis storichis dal nestri teritori a stan decidint di sierâ: in riferiment ae zone dal glemonàs, tra il 2020 e il 2021 il numar des vacjis di arlevament al è lât jù di 1419 a 1311. Lis causis a son tantis e soredut a fasin riferiment al aument dai coscj de energjie e dal gasoli, tant che chel dal mangjine pes bestiis.

Ospit: Renzo Livoni, President dai Arlevadôrs dal F-VJ.

Daspò misdì//"Vôs de Etiopie" al è il titul dal apontament in program ai 10 di Mai a Udin cha al smire a sensibilizâ sui progjets agricui, sanitaris e educatîfs fats intal Paîs african.

Di simpri l'incjant pai misteris dal cosmi al stice la creativitât di sienziâts e artiscj. De union di fisiche e musiche al è nassût l'album "Qubit" dal violicelist e compositôr furlan Riccardo Pes che, adun cul fisic Fabrizio Coccetti, al sarà ai 10 di Mai a Triest.

Rivâ a fâ cjaminâ in cubie i doi concets di sport e di sociâl: chest al è un dai obietîfs de boxe, e il Palaç di vie Marangoni di Udin al è un dai ponts di riferiment in regjon. Il President Leonardo Zalateu al cîr di tirâ su i zovins di talent te art de boxe e magari fâ in maniere di tirâju ancje fûr di situazions sociâls delicadis e a risi.

Ospits: Gianni Stroppolo, maestri de pugjilistiche udinese e Alessandro Zuliani, coordenatôr de ativitât pugjilistiche regjonâl e colaboratôr de pugjilistiche udinese.

La Risierve naturâl regjonâl dal lât di Curnin- dulà che i grifons a àn cjatât protezion e un ambient ideâl par vivi e riprodusisi - e je pronte a tornâ a dâ acet al public. Dopo i doi agns di ferme la Risierve e propon un program siôr di iniziativis. Prin apontament domenie ai 8 di Mai, zornade dedicade al "Planet aghe, tra storie e gjeologjie".

E torne a Tavagnà le fieste dai Sparcs, dopo dôi agns di ferme par vie dal Covid. Di doman ai 7 di Mai e par tre fin setemane, si podaran tornâ a cerçâ tantis buinis robis a base di sparcs blancs, in tal rispet di une tradizion che si ripet dal 1935.

Ospits: Lorenzo Piccini, Press. Cooperativa asparagi Agricoop Tavagnacco e Aleesandr Salvin, Pres. del Ducato dei Vini.

Plui che un libri di ricetis, un libri di storiis di cusine: la cusine di cjase, chel patrimoni coletîf che al cambie di une famee a chê altre. Lucia Pertoldi lis conte intal volum "Mama moja. Cent ricetis plui une", che al met dongje cuatri agns di corsîfs domenicâi pe trasmission radiofoniche "Vita nei campi", plui une storie, chê de gubane e de pinze.

Le tutele da marilenghe e po permeti la salvece des classis di scuele, sore dut jenfri chei istitûts a risi, par vie dai pocs fruts presints. Une oportunitât di no lassâsi scjampâ, almancul di chest a je cunvinte la assemblee da Comunitât linguistiche furlane, che di risint e a inviât une informative ai sidics.

Ospit: Claudio Romanzin, funzionario amministrativo ACLIF.

Dai 5 ai 15 di Mai, la "Setemane de culture furlane", inmaneade de Societât Filologjiche Furlane e propon une schirie di events e manifestazions par promovi il patrimoni storic, linguistic e artistic de Patrie. In calendari apontaments sul teme dai confins e la assegnazion dal Premi Maqôr Rusticitas a cuatri corâls fondadis o ispiradis di pre Gjilbert Pressacco.

Miorâ la tutele par i operadôrs forestâi e la lôr eficience jenfri i cantîrs: son chescj i obietîfs plui impuartants dal progjet "Boschi Sicuri", inviât cun sucès da cooperative "Legno Servizi" di Tumieç e a cui si son za zontadis oltri 10 aziendis.

Ospit: Carlo Piemonte, Pres. Cooperativa LegnoServizi e Dir. Cluster Arredo.