Dal prossim 1n di Jugn a Lignan al tornarà a plen il servizi di vuardie mediche turistiche, dutun cul pont di prin intervent, une vore impuartant soredut in Istât. La vuardie mediche turistiche e sarà indreçade aes personis che a son a Lignan tant che turiscj. Cun di plui, in tai mês di Lui e Avost si zonte ancje il servizi di emodialisi, gjestît de Struture "Nefrologjie e Dialisi" di Tisane. Ospite: Silla Stell, che e fâs di diretore dal Distret sanitari di Lignan e Tisane.

E vignarà screade ai 26 di Mai, inte glesie di Sante Marie dai Batûts a Cividât, la gnove mostre di artesanât artistic volude des Confartigianato dal Friûl-Vignesie Julie par promovi e valorizâ lis impresis dal teritori. A ispirâ lis oparis in mostre al è il libri di Italo Calvino “Le città invisibili”, che al da ancje il titul ae esposizion.

Sul teme de scuele, in F-VJ a cressin lis adesions pe lenghe furlane cun dâts pardabon impuartants, soredut intes scuelis dai plui piçui e tes elementârs. Un teme, chel de istruzion, che no par nuie al è un dai ponts centrâi dal "Plan gjenerâl di politiche linguistiche pe lenghe furlane 2021-2025" aprovât de Regjon su propueste de ARLeF. Ospit: William Cisilino, diretôr de ARLeF

Par dute la vite, cun costance e rigôr, al à cirût justizie, veretât, avualitât, pâs, condivision. A une setemane de muart, o ricuardìn pre Pierluigi Di Piazza, predi di frontiere e fondadôr dal Centri di acet e di promozion culturâl “Ernesto Balducci” di Çuian, che al à dât acet a rifugjâts e migrants di dut il mont. Une des ultimis vôs profetichis dal nestri timp.

Un progjet di comunicazion turistiche partecipade, che al cjape dentri lis comunitâts di mont in percors di narazion e di scolte dal propri teritori. Al è chest il principi di "L'Altra Montagna", un dai nûf sistemis cjapâts dentri di "Bene Dolomiti Unesco". A Setembar dal an passât e je partide la tierce fase dal progjet, coordenade de Universitât dal Friûl, cul jutori economic de Regjon e il supuart de Fondazion Dolomiti Unesco. Ospit: Prof. Mauro Pascolini, coordenadôr dal progjet pe Universitât dal Friûl

E torne ae Galarie Harry Bertoia di Pordenon une mostre cun lis tapis principâls de passion pal balon di Pier Paolo Pasolini. Une storie lungje une vite, contade traviers di 120 fotografiis, ogjets, filmâts e scrits, pe plui part inedits.

Fantats che ancje chest an a saran protagoniscj dal premi Oscar Green di Coldiretti par valorizâ il lavôr di tancj zovins che a àn sielt di promovi une agriculture sane e di rivâ a otignî la sovranitât alimentâr. E cumò lis juriis a podaran valutâ lis candidaturis di ogni regjon e sielzi lis miôr par ogni categorie. Ospite: Vanessa Orlando, Coldiretti F-VJ.

"Strade maestre": un percors straordenari di educazion e cressite, dulà che cjaminant si impare. Il progjet educatîf al propon di fâ un an scolastic itinerant a zovins che a àn di iscrivisi ae tierce classe del liceu sientific.

Il consorzi al è nassût par inviâ un percors strategjic di consolidament e disvilup dal sisteme de filiere dal lat di vacje e dai soi prodots di chenti. Lis aziendis a doprin dutis lat furlan, cun furniduris che a vegnin di cirche il 30% des stalis in ativitât. Ospits: Francesco Ciani, project manager dal Consorzi e Renato Zampa, soci.

"Lezioni di volo" al è il titul dal gnûf lavôr dal duet "Rivocs", formât di doi musiciscj zovins, Laura Giavon e Marco D'Orlando, che a cjapin de tradizion e de lenghe sunôrs e imagjinis, dantjur une vieste gnove, atuâl e vive.