Passe 120 apontaments a clamaran dongje inte capitâl furlane ancje tancj visitadôrs di di là dal confin. Une ocasion impuartante par meti in mostre lis ecelencis dal Friûl-Vignesie Julie e destagjonalizâ la ufierte turistiche regjonâl.

Ospit: Sergio Emidio Bini, assessôr regjonâl aes Ativitâts produtivis e Turisim

Il progjet inovatîf, promovût di Melius e Cooperative Cramars, al è stât sperimentât inte comunitât de Val Resie, duà che a vivin cun pôcs servizis a disposizion e distantis dai centris urbans principâi e dai servizis publics.

Ospit: Maurizio Ionico, aministradôr unic imprese sociâl Melius

Fuartece tai timps passâts di vuere, cumò e devente fuartece di tutele dai bens artistics, stant che e je stade sielte tant che un dai cinc lûcs talians di ricovar des oparis di art dentri dal plan dal PNNR sot dal progjet “Recovery Art”. Une citât che in chest periodi e continue ancje cu lis grandis fiestis dal “Otubar Palmarin”.

Al cjape dentri la storie, la nature, lis preziositâts naturalistichis, materiâi e imateriâi dal paisaç e de comunitât di Fors. Une aplicazion che si pues scjamâ a facil e che e permet di movisi cun libertât e ben vuidâts te cognossince di une perle de tiere furlane. Scuviertis e aventuris adatis a dutis lis etâts. Interviste a Donatella De Rin Chiantre de Pro Loco di Fors Disore.

Su la riviste uficiâl de Polizie di Stât, i fumuts a son nassûts cun chê di dialogâ cui zovins, di pandi la culture de legalitât e de sigurece tra i fantats midiant di un imprest di comunicazion ae lôr puartade.

Ospit: Tullia Galliussi, prime dirigjente Polizie di Stât

Un event speciâl chel di vinars ai 14 di Otubar, cuntun conciert che al presente il restauri straordenari dal storic pianoforte screât de associazion tal 1961 e sunât di grancj pianiscj. Interviste a un dai membris di Piano Team di Udin, Ulisse Tonon, dentri di une scuadre vuidade di Lorenzo Cerneaz, mestri furlan di grande nomee.

Dai 14 ai 22 di Otubar, tra Gurize e Nova Gorica, si davuelzarà il Festival transfrontalîr. Cun ospits e sogjets cualificâts si fevelarà di cemût trasformâ il model socioeconomic fasintlu plui just e sostignibil, atent al ambient e aes relazions umanis. Ospit: Veronica Rossi, ProDES FVG

Visitis, reâls e virtuâls, tal viert e dentri, aprofondiments, laboratoris, percors tematics, une schirie di propuestis ben taradis daûr dai diviers nivei scolastics: infanzie, primarie e secondarie di prin e secont grât. Tra lis plui interessantis lis visiti al Gjeoparc des Alps Cjargnelis e la mostre “Lis imagjinis de fantasie”. Interviste a Cristiana Agostinis dal ufici culture de Comunitât di Mont de Cjargne.

La fieste e je tornade te Val di Sofumberc, il borc di Faedis aes rivis de mont Sant Laurinç, rivade ae 41e edizion in graciis dal impegn dai tancj volontaris de Pro Loco, la plui piçule di Italie, che e à rivât a fâ tornâ a vivi il paîs midiant de promozion de bielece paisagjistiche, des tradizions e dai savôrs.

Ospit: Giorgio Dri, Pro Loco Val di Sofumberc

Il libri di Stella, che al à concuistade la seconde edizion, al è pront a jessi presentât in diviersis ocasions. Il volum di 250 pagjinis al fronte daûr variis tematichis: la storie, la vite, la societât, la int, i cambiaments dal cuartîr di San Roc, par informazions gjavadis di studis, ricercjis di archivi, gjornâi, leiendis, ricuarts e testemoneancis diretis. Interviste al autôr.