Dâ a lis personis i imprescj par che a metin in cantîr azions in stât di mudâ un pôc la situazion, almancul tes consecuencis sul teritori: chest al è l'intindiment di Spes, la Scuele di politiche e etiche sociâl de diocesi di Udin che, juste in chestis zornadis, e à inviât il so an di ativitât partin de «tragjedie de vuere e lis stradis de pâs».

In chescj dîs a Tumieç, ricercjadôrs, istituzions e imprenditôrs dai traspuarts par mieç dai furgons e dai camions, si son confrontâts su la disfide peade ae mobilitât e ai traspuarts, par cirî di butâ tal aiar mancul porcarie pussibil par no fâ incressi la temperadure. L'intindiment al è chel di viodi ce che si pues fâ par rivâ tal 2050 ae neutralitât carboniche.

Dilunc dal mês di Avost, e po e va indevant fintremai in Otubar, par vie dai cjalts che a fasin madurî prin cualchi varietât di ue coltivade in Friûl-Vignesie Julie. Dut câs, cumò tai vignâi no son plui raps e tes cantinis a son in bulidure i brentiei, stant che “par san Martin ogni most al à di jessi vin”. Cemût ise cambiade la vendeme par vie dal timp e cemût ise lade chê di chest an?

In coproduzion cu la Storiche Societât Operarie di Pordenon, il spetacul al larà in sene in anteprime ai 29 di Otubar a Pordenon e in prime nazionâl ai 3 di Novembar a Udin. Un test di grant significât, cetant origjinâl tal contâ il Pasolini autonomist daûr di une liende personâl che e devente coletive.

Par che a puedin deventâ protagonistis ativis e positivis inte comunitât, chest al è chel che si propon il progjet “Leadership al feminin” ideât de associazion “SeNonOraQuando?” Udin, che al è daûr a movi i prins pas operatîfs, cjapant dentri 30 fantatis di 5 scuelis superiôrs dal cjâf lûc furlan.

Ospit: Rosalba Perini, “SeNonOraQuando?” Udin

Publicât dal mensîl “La Patrie dal Friûl”, il libri al è la continuazion di “Patriarcjis fûr dal ordenari” e al conte in maniere une vore apassionant e origjinâl, daûr di un stîl naratîf biel e facil di lei, la storie di personaçs impuartants, protagoniscj de nestre Patrie.

Un fenomen somerzût, duncje, che al va analizât par capî cemût creâ lis cundizions di vore par che chescj episodis no si verifichin. Al è il sens dal progjet imbastît di Legacoop F-VJ traviers di une azion di sensibilizazion, di informazion e di promozion di buinis pratichis. Ospit: Livio Nanino, president Legacoop F-VJ

Il prin al rivuarde la notizie che la lenghe furlane e je stade sielzude tra lis lenghis dal video promozionâl de Comission europeane su la Zornade Europeane des Lenghis. La seconde e conte de esperience di vincj gjornaliscj che a àn vude la certificazion dopo vê frecuentât il prin cors di lenghe furlane a lôr dedicât. Interviste al presidente de ARLeF Eros Cisilino, a Federico Benedet, il zovin tal video dedicât, e a Michele Calligaris, docent di lenghe e culture furlane.

Il manifest al jentre intal progjet “Percors instreçâts” e al met adun lis ideis par une future gjestion dal Tiliment valorizantlu ancje tant che risorse culturâl.

Ospit: Sandro Cargnelutti, president Legambiente F-VJ

Rivade ae sô 19e edizion, si davuelzarà a San Danêl dilunc dut l’Iniver fin in Primavere, par un totâl di sîs apontaments. Un format colocuiâl e libar, cun diviers ospits e ospitis dai cjamps de scriture, de musiche e dal sport, par contâ e condividi esperiencis e emozions. Interviste al diretôr artistic, il dramaturg e scritôr Paolo Patui.