Ancje in Friûl-Vignesie Julie al cres l'ingrès ai marcjâts di Campagna Amica, la organizazion di distribuzion de Coldireti che e jude l'incuintri de ufierte e de domande. Il mudament, però, si è vût ancje su chescj marcjâts, sedi in tiermins di domande che di ufierte. Cun cualis prospetivis?.

Manifestazion musicâl trasversâl che e insiore lis ativitâts culturâls de citadine medievâl dal pordenonês, al propon une stagjon vivarose che e met in viste soredut il talent dai zovins intun contest internazionâl. Interviste al diretôr artistic Domenico Mason e al president de associazion Sante Fronasier.

Pensât de Cooperative Cramars, e cjape dentri i Comuns di Muimans, Remanzâs e Buri, par condividi lis ideis in cont di svilup sostignibil di un teritori che al cjapi dentri plui comuns, midiant di finanziaments di nivel regjonâl, nazionâl e european. Cuatri i grups di vore, che a rapresentin ognidun un troi, par vinci la disfide dal doman: zovins, formazion e identitât; turisim, culture e patrimoni; lavôr e impresis; vivi il paîs e la socialitât.

Si à tornât a dâ lûs e vôs a testemoneancis di grant significât realizadis cincuante agns fa di bande di Olivia Averso Pellis e di Andreina Nicoloso Ciceri. Ricercjadoris che tai agns Setante a vevin realizât vot documentaris su lis tradizions popolârs furlanis. Interviste a Marta Pascoli e Marco D’Agostini.

Lis aziendis di furniments a domandin chestis figuris dai tapecîrs, ma no si cjatin. Tant che scuele e je une struture dute gnove e plene di machinaris une vore modernis, che a judin une profession fate ancjemò in grant part a man. Dut chest al è cjapât dentri tal progjet che al è stât screât te Cjase Imaculade di Udin, cu la colaborazion dal Cluster Len Aredament, di 8 impresis, de Fondazione Friuli e de Regjon.

Al ven di Buie il futûr de armoniche, il strument musicâl tant amât di bande dai furlans e no dome, adat a ducj i gjenars musicâls, dal popolâr ae contemporanie. Interviste al inventôr.

Di une desene di dîs in ca, e si larà indevant cussì fintremai ai 3 di Fevrâr, tal teritori comunâl di Buri, di miezegnot e mieze e fintremai a lis cin e mieze di buinore, no si impiin lis lûs in buine part dal Comun. Cemût staial lant chest esperiment? E, no cate dutis lis atenzions, Buri e tancj altris comuns sono in pericul di sierâ il belanç di chest an in ros?

Cu la segretarie de fondazion sinfoniche Mia Fiorencis, o lin a cognossi i apontaments di chi a Dicembar dant un cuc a lis specialitâts de lôr ativitât vivarose.

A puedin fâ personis che a son a medi e alt riscjo, che a àn vût malatiis pesantis, tant che un infart, un tumôr - e magari a son ancjemò sot cure - o altris malatiis cussì. Si cjate a Glemone, dulà che a lavorin laureâts in Siencis motoriis cu la supervision dai miedis dai ospedâi, une des realtâts positivis dal sisteme sanitari dal Friûl-Vignesie Julie.

Un teme di grande atualitât che al vignarà tratât in cuatri apontaments, fin ai 20 di Zenâr dal 2023, cun vôs credibilis, testemonis e protagoniscj cetant atîfs tal mont de tutele e de protezion dal ambient. Une iniziative de Associazion di Promozion Sociâl pe Costituzion di San Denêl.