Send a text

HbA1c ကို glycated haemoglobin A1c လို့လည်းခေါ်ပါတယ်။ သွေးနီဥထဲရှိ အောက်စီဂျင်သယ်ဆောင်တဲ့ ဟေမိုဂလိုဘင် လေးတွေမှာ ‌glucose လို့ခေါ်တဲ့ သကြားဓာတ် ကပ်ညှိတာကို HbA1c လို့ခေါ်ပါတယ်။ သွေးချိုဆီးချိုရှိသူများအနေနဲ့ မိမိရဲ့ သွေးတွင်းသကြားဓာတ်ကို ဘယါလောက်ထိန်းညှိနိုင်လဲ သိဖို့ HbA1c ကို စစ်ဆေးပေးဖို့လိုပါတယ်။ HbA1c  နေ့စဥ်လက်ထိပ်ဖောက်စစ်တဲ့ သွေးတွင်းသကြားဓာတ်ပမာနဲ့ မတူပါဘူး။ လက်မောင်းကနေ သွေးနမူနာယူရလေ့ရှိပြီး ပြီးခဲ့တဲ့ ၂လ သို့မဟုတ် ၃လအတွင်း ပျမ်းမျှ သွေးတွင်းသကြားဓာတ်ကို ဖော်ပြပေးတာဖြစ်ပါတယ်။
 ကမ္ဘာ့ကျန်းမာရေးအဖွဲ့အစည်း (WHO) အရ

•  ၄၂ mmol/mol (၆%) အောက်ကို ပုံမှန်လို့သတ်မှတ်ပါတယ်။
•  ၄၂-၄၇ mmol/mol (၆%-၆.၄%) ကိုတော့ ကနဦးဆီးချိုလို့သတ်မှတ်ပါတယ်။
•  ၄၈ mmol/mol (၆.၅ %)နှင့် အထက်ကိုတော့ ‌သွေးချိုဆီးချိုလို့သတ်မှတ်ပါတယ်။

Send a text

 ဆီးချိုအကြိုရှိနေသူများ ခံစားရလေ့ရှိတဲ့ လက္ခဏာများကတော့

•  ရေမကြာခဏဆာခြင်း
•  ဆီးမကြာခဏသွားခြင်း
•  မောပန်းနွမ်းနယ်ခြင်း
•  အမြင်အာရုံဝေဝါးခြင်း
•  ဗိုက်မကြာခဏာဆာခြင်း တို့ပဲဖြစ်ပါတယ်။

 
 ဆီးချိုအကြိုခံစားရနိုင်ချေရှိတဲ့လူအုပ်စုကတော့ 

•  အသက် ၄၅ နှစ်အထက်ရှိသူများ
•  အထိုင်များသူများ
•  ကိုယ်လက်လှုပ်ရှားမှုမရှိသူများ
•  သ္ဂေးချိုဆီးချိုမျိုးရိုး ရှိသူများ
•  အဝလွန်သူများနှင့် ခါးလုံးပတ်အရွယ်အစားများသူများ (အမျိုးသမီးများ ၃၅လက်မနှင့်အထက်၊ အမျိုးသားများ ၄၀လက်မနှင့်အထက်)
•  အသင့်စားအစားအစာများနှင့် အချိုရည် သောက်သုံးမှုများသူများပဲဖြစ်ပါတယ်။

Send a text

၁။ စားသောက်မှုပုံစံ
အမျိုးအစား (၂) သွေးချိုဆီးချိုရှိသူများအတွက် သွေးတွင်းသကြားဓာတ်ထိန်းရာတွင် စားသောက်မှုပုံစံက ၂၅% အရေးပါပါတယ်။ 

 ၂။ ကိုယ်လက်လှုပ်ရှားမှု
 အမျိုးအစား(၂) သွေးချိုဆီးချို ဖြစ်ပွားရခြင်းရဲ့ အကြောင်းတွေထဲမှာ အထိုင်များခြင်း၊ အဝလွန်ခြင်း စတဲ့ အချက်တွေလည်းပါဝင်ပါတယ်။

၃။ ‌ဆေးဝါးနှင့် ကျန်းမာရေးစောင့်ရှောက်မှု
သွေးချိုဆီးချိုရှိသူများဟာ အချိန်နှင့်တစ်ပြေးညီ သောက်သုံးနေရသော ဆေးဝါးများကို ဆရာဝန်နှင့် တိုင်ပင်ကာ ထိန်းညှိရန်လိုအပ်သလိုဆီးချိုနှီးနွယ် နောက်ဆက်တွဲများကို အချိန်မှီသိရှိရန် ကျန်းမာရေးစစ်ဆေးမှုများလည်း ပြုလုပ်ရန်လိုပါတယ်။ 

၄။ စိတ်ကျန်းမာရေး
 သွေးချိုဆီးချိုဟာ တစ်ခဏအတွင်းကုသပျောက်ကင်းတဲ့ ရောဂါမျိုးမဟုတ်ပဲ ရေရှည် ယှဥ်တွဲနေထိုင်ရမှာဖြစ်တာကြောင့် စိတ်ပိုင်းဆိုင်ရာ အထောက်အပံ့ ခွန်အားများကလည်း တော်တော်လိုအပ်ပါတယ်။ 

Send a text

ဆီးချိုရောဂါသည်တွေဘာလို့ မူးဝေတတ်ကြသလဲကြည့်ရမယ်ဆိုရင် ...

( ၁)သွေးပေါင်ကျလို့ပါ။

ရုတ်တရက်အထိုင်အထတွေမှာသွေးပေါင် မငြိမ်မသက်ဖြစ်သွားတဲ့အတွက်မူးဝေတာ ဖြစ်ပါတယ်။

(၂)ရေဓာတ်ချို့တဲ့လို့ပါ။

ဆီးချိုသမားတွေမှာသွေးတွင်းအချိုဓာတ်များတဲ့အတွက်အလိုလိုနေရင်း ရေဓာတ် ခမ်းခြောက်တတ်ပါတယ်။ရေဓာတ်ခမ်းခြောက်တာကိုဦး နှောက်က ပြုပြင်ဖို့ကြိုးစားရင်းနဲ့မူးဝေလာတာ ဖြစ်ပါတယ်။ဆီးချို ထိုးကျတဲ့အခါလည်းမူးတတ်ပါတယ်။

သွေးပေါင်ကျတာနဲ့ ဆီးချိုအတက်အကျဟာမူးဝေခြင်းဖြစ်စေနိုင်တဲ့အဓိက အကြောင်းအရင်းတွေဖြစ်တယ်လို့ အမေရိကန် ဆီးချိုသွေးချို သုတေသီတွေကထောက်ပြခဲ့ပါတယ်။ 
သင့်တော်လျောက်ပတ်စွာစားသောက်ခြင်းကျန်းမာရေးညီညွတ်စွာရွေးချယ်၍စားသောက်ခြင်းဟာလည်းအရေးကြီးတဲ့အချက်တွေပဲဖြစ်ပါတယ်။သွေးပေါင်ပုံမှန်ချိန်ခြင်းဖြင့်သွေးပေါင်အတက်အကျကိုအစဉ်သတိထားရပါမယ်။

Send a text

ဆီးလမ်းကြောင်းပိုးဝင်ခြင်းရဲ့ လက္ခဏာများ

• ကိုယ်အပူချိန်မြင့်တက်ခြင်း
•  ဆီးမကြာခဏသွားခြင်း
•  ဆီးသွားစဥ်ဗိုက်အောင့်ခြင်း
•  ဆီးသွားစဥ်နာကျင်ခြင်း
•  ဆီးပူခြင်း
•  ဆီးအနံ့မကောင်းခြင်း

 
 ဆီးလမ်းကြောင်းပိုးဝင်နိုင်ချေလျော့နည်းအောင် ဘယ်လိုနေထိုင်မလဲ?

• သွေးတွင်းသကြားဓာတ်ကို ပုံမှန်ပမာဏအတွင်းရှိအောင် ထိန်းသိမ်းနေထိုင်ပါ။ 
•  ရေဓာတ်ပြည့်ဝနေပါစေ။ 
•  ဆီးသွားချင်စိတ်ဖြစ်လာတဲ့အခါ မအောင့်ထားပါနဲ့။ 
•  လက်ကိုသေချာစွာ ဆေးပါ။ 
•  ဆေးလိပ်သောက်တတ်သူဖြစ်ပါက ဆေးလိပ်ဖြတ်ပါ။ 

Send a text

• ကိုယ်ဝန်ဆောင်များအတွက် အသင့်တော်ဆုံး ကိုယ်လက်လေ့ကျင့်ခန်း‌ကတော့ အေရိုးဗစ်အားကစားပါ။  
• လမ်းလျှောက်ခြင်း၊ စက်ဘီးစီးခြင်းနဲ့ မပြင်းထန်တဲ့ အေရိုးဗစ်လှုပ်ရှားမှုလေးတွေပြုလုပ်ပေးပါ။  
• တစ်နေ့ကို ၁၅မိနစ်မှ မိနစ်၃၀၊ ၄၅ မိနစ်ထိ လုပ်နိုင်ပါတယ်။  
• တစ်ပတ်ကို ၃ရက်မှ၅ရက် ပြုလုပ်ပေးသင့်ပါတယ်။ 

သတိပြုသင့်သည်များမှာ... 

• ကြွက်တက်ခြင်း၊ အ‌ကြောတင်းခြင်းများမှ ရှောင်ကြဥ်နိုင်ရန် အားကစားမပြုလုပ်မီ ၅မိနစ်ခန့် အကြော‌လျှော့ခြင်း နှင့် သွေးပူလေ့ကျင့်ခန်းပြုလုပ်ပေးပါ။  
• ပေါ့ပါးလွတ်လပ်၍ လေဝင်လေထွက်လေဝင်လေထွက်ကောင်းသော အဝတ်အစားများဝတ်ဆင်ပါ။ 
• ကိုယ်လက်လေ့ကျင့်ခန်းမလုပ်မီ ဂလူးကိုစ့် ပမာဏတိုင်းရန်နှင့် အဆာပြေစာစားထားပါ။ 
• အလေးမ အားကစားမျိုး  ရှောင်ပါ။  
• ချွေးထွက်လွန်စေသာ နေပူပူထဲတွင် လှုပ်ရှားခြင်းရှောင်ပါ။  
• မူးဝေခြင်း၊ ရင်တုန်ခြင်းများခံစားရပါက လေ့ကျင့်ခန်းကို ချက်ချင်းရပ်တန့်ပါ။  
•  ရေလုံလောက်စွာသောက်ပါ။ (ကော်ဖီ၊ လက်ဘက်ရည်များမပါဝင်ပါ) 

Send a text

 သဘာဝကရတဲ့ အသီးအနှံ၊ ဟင်းသီးဟင်းရွက်၊ အစေ့အဆံများကို အဓိကထား စားသုံးခြင်းဟာ နာတာရှည်ရောဂါများထဲက တစ်ခုဖြစ်တဲ့ သွေးချိုဆီးချို ထိန်းညှိရာမှာလည်း များစွာအထောက်အကူပြုပါတယ်။ အပင်ကရတဲ့ အစားအစာတွေဟာ ပြည့်ဝဆီနည်းခြင်း၊ အမျှင်ဓာတ်များခြင်း၊ ဗီတာမင်၊ သတ္တုဓာတ်နဲ့ ဓာတ်တိုးဆန့်ကျင်ပစ္စည်းတွေကြွယ်ဝခြင်းတို့ကြောင့် သွေးချိုဆီးချိုရှိသူများနဲ့ သင့်တော်ပါတယ်။ သို့သော်လည်း ချက်ပြုတ်စားသောက်ရာမှာ ဆား၊ သကြား၊ အဆီ စတာတွေ လွန်ကဲစွာထည့်မိရင်တော့ ကောင်းကျိုးထက် ဆိုးကျိုးသာပိုများစေမှာပါ။ ဒီ့အပြင် သွေးချိုဆီးချိုရှိသူများဟာ မျှတတဲ့ စားသောက်မှုပုံစံ စားသောက်ဖို့ လိုအပ်တာကြောင့် သတ်သတ်လွတ်စားပေမယ့် အာဟာရစုံအောင် ရွေးချယ်စားပေးဖို့ အရေးကြီးပါတယ်။ အသားဓာတ်ရဖို့ ပဲအမျိုးမျိုး၊ ပဲနို့၊ အစေ့အဆံများ၊ ဗီတာမင်များပါဝင်သော ဟင်းသီးဟင်းရွက်များ၊ သံဓာတ်ပါဝင်သော အသီး‌ခြောက်၊ အစေ့အဆံ၊ ပေါင်မုန့်များ၊ ကယ်လ်ဆီယမ် ပါဝင်သော လိမ္မော်သီး၊ ကိုက်လံ၊ အယ်လ်မွန်စေ့များ စသည်ဖြင့် မျိုးစုံပါဝင်အောင် စားပေးရမှာပါ။ ဒါပေမယ့် သွေးချိုဆီးချိုရှိသူများအနေနဲ့ သတ်သတ်လွတ်စားသောက်မှုပုံစံမစားခင်မှာ ပြသနေတဲ့ ဆရာဝန်နဲ့တိုင်ပင်ပြီး ဆရာဝန်ခွင့်ပြုမှသာ ‌စားသင့်ပါတယ်။

Send a text

ဆီးချိုသမားများအသက်ရှည်ကျန်းမာစွာနေထိုင်နိုင်ဖို့ လုပ်သင့်တဲ့အဓိက အချက် (၉)ချက်

(၁) ၀ိတ်လျှော့ပါ။

(၂) သွေးတွင်းသကြားဓာတ်ကို ပုံမှန်စစ်ဆေးပါ။

(၃) HbA1C ကိုစစ်ဆေးပါ။

(၄) ထိန်းထိန်းသိမ်းသိမ်းစားသောက်ပါ။

(၅) သွေးပေါင်ချိန်နှင့် သွေးတွင်းအဆီဓာတ်ကို ထိန်းသိမ်းပါ။

(၆) လေ့ကျင့်ခန်းပုံမှန်လုပ်ပါ။

(၇) အိပ်ရေးဝအောင် အိပ်စက်ပါ။

(၈) စိတ်ဖိစီးမှုကင်းဝေးအောင် နေထိုင်ပါ။

(၉) ဆရာဝန်နှင့်ပုံမှန်ပြသစစ်ဆေးပါ။

Send a text

                                             ကျန်းမာတဲ့ အစားအသောက် ပုံစံဖြစ်အောင် အစားအုပ်စု ၃ခုလုံး ညီညွတ်မျှတအောင် စားသုံးပေးရပါမယ်။ လူကြီးမင်းတို့ တနပ်စာ စားသောက်မှုပုံစံတွင် အရည်သောက် ဟင်းချိုတစ်ခွက်၊ အသားဟင်းတစ်ခွက် နှင့် အရွက်ကြော် သို့မဟုတ် အသုတ်တစ်ပွဲ ပါဝင်အောင် ပြင်ဆင်စားသုံးခြင်းသည် အာဟာရပြည့်ဝသော စားသောက်မှုပုံစံကို ရရှိနိုင်မှာ ဖြစ်ပါတယ်။ အစားအစာ ပြင်ဆင်ချက်ပြုတ်ရာတွင်လည်း အငန်ဓာတ်များခြင်း၊ အရသာမှုန့်များခြင်းနှင့် အဆီများလွန်းခြင်းတို့ကို ရှောက်ကြဉ်ရပါမယ်။

Send a text

                                    လူတယောက်အတွက် ကျန်းမာရေးသည် အလွန်အရေးကြီးလှပါတယ်။ ကျန်းမာမှ အရာရာကို စွမ်းဆောင်နိုင်မှာ ဖြစ်ပါတယ်။ 
 ခုအစီအစဉ်မှာ အလေ့အကျင့်ကောင်းများ မည်သို့ ဖန်တီးပြုမူသင့်လဲဆိုတာ ပြောပြသွားမှာ ဖြစ်ပါတယ်။

• လေ့ကျင့်ခန်းအချိန်ကို တသတ်မတ်တည်း ထားပါ။
• တစ်နေ့တာလုံး လေ့ကျင့်ခန်း ပြုလုပ်ချိန်အတွက် အနည်းဆုံး ၁၀ မိနစ်ကို သပ်သပ်ဖယ်ထား  ပေးပါ။
• စိတ်သက်တောင့်သက်သာရှိသော နေရာ ဖန်တီးပါ။
• မိမိနှင့် သက်တောင့်သက်သာရှိသော စိတ်ပျော်ရွှင်မှုရှိသော နေရာတွင် လေ့ကျင့်ခန်း လုပ်ပေးပါ။ ထိုမှသာ ကိုယ်ခန္တာ ကျန်းမာရုံသာမက စိတ်ဖိစီးမှု လျော့ကျမှာ ဖြစ်ပါတယ်။
•  မိမိနှင့် သင့်တော်သော လေ့ကျင့်ခန်းကိုသာ ပြုလုပ်ပါ။
• မိမိ၏ ကိုယ်ခံအားနှင့် ကိုက်ညီသော အားကစားကိုသာ ပြုလုပ်သင့်ပါတယ်။ ပြင်းပြင်းထန်ထန် လေ့ကျင့်ခန်းများသည် ကျန်းမာရေးကို ထိခိုက်နိုင်တတ်ပါတယ်။