WING PODCAST

Ном унших нь зүгээр нэг хичээлдээ сайн болох, мэдлэгтэй болох гэхээсээ илүүтэйгээр өөрийгөө удирдах, сэтгэл хөдлөлөө удирдах, анхаарлаа төвлөрүүлэх, зорилго, мөрөөдөлдөө хүрэхэд нь туслах гэх мэт маш олон ѳгѳѳжтэй сайн талуудыг хүүхдэд суулгаж ѳгдѳг. Энэхүү ном нь дөнгөж төрсөн балчираас эхлээд өсвөр насны хүүхдүүдийг хэрхэн чиглүүлж ном унших дуртай болгох вэ гэдэг талаар өгүүлсэн. Хүчилж ном уншуулж сургахаасаа илүүтэйгээр номонд дуртай хүнийг хэрхэн бий болгох вэ гэсэн ерөнхий агуулгатай. 

Superpowered: transform anxiety into courage, confidence, and resilience  буюу  Агуу эрч хүч ба сэтгэлийн дарамт санаа зоволтоо хэрхэн зориг, өөртөө итгэх итгэл, сэтгэлийн хат, хатуужил болгож өөрчилөх вэ гэдэг ном. Энэ номыг сонгох болсон шалтгаан гэвэл аливаа юмны хойно гарч чаддаг, амьдралд унаж алдсан ч бууж өгдөггүй шантардаггүй, алдаа гаргалаа ч тэрнээсээ болж өөрийгөө зэмлээд дахин юм хийхээс зүрхшээгээд байдаггүй тийм сэтгэлийн хаттай чанарыг “ Resilience” хүүхдүүддээ сургах юмсан гэдэг үүднээс сонгосон.  Номын зохиолчид бол Shefali Tsabary, Renee Jain гэдэг хүмүүс байгаа. Тэд клиникийн сэтгэл судлаачид ба олон хүүхдүүдтэй ажиллаж судалгаа хийж өөрийн болон бусдын туршлагад үндэслэж бичсэн ном байгаа. Ном нь өсвөр насны хүүхдүүдэд хандаж бичсэн боловч аль ч насны хүнд үр өгөөжөө өгөх ном санагдсан.

Баян аав, ядуу аав гэдэг нийт 51 хэл рүү орчуулагдаж, 40 сая орчим борлуулагдсан номын зохиолч Роберт Киёоcaки бичсэн. Эцэг эхчүүд хүүхдүүдээ гадаад ертөнцөөс хамгаалахын оронд эртнээс хүүхэддээ санхүүгийн боловсрол аль болох эртнээс өгвөл хүүхэд тань насанд хүрээд санхүүгийн асуудалд ордог хүн болохгүй. Санхүүгээ зөв удирдахын тулд орлого нь зарлагаасаа өндөр байх, таны халаасанд мөнгөн урсгал оруулж ирэх хөрөнгөтэй болох л чухал зэрэг үнэтэй зөвлөгөөнүүдийг өгсөн байгаа. Та тухлан сууж сонсохыг хүсье.

Бүтээлч сургууль гэдэг нь төсөөлөх, төсөөллөө бодит зүйл болгох чадварыг хүүхдүүдэд заадаг сургуулийг хэлнэ. Бид боловсролын зорилгоо эргэн харж, боловсролын хувьсгал хийх ёстойг энэхүү номоороо бидэнд анхааруулж байна. Одоогийн боловсрол хүүхдэд бодит чадварыг суулгах хэрэгтэй байгаа талаар өгүүлсэн бас нэгэн ном.  

#7 Адел фабер, Элин Мазлиш нарын бичсэн Тэмцэлдээнгүй ахан дүүс буюу Siblings without rivalry номын эмхэтгэл. 

Зохиолчид маань эцэг эхчүүд хүүхэдтэйгээ хэрхэн харилцах, харилцаагаа зохицуулж сурахад нь туслахаар шийдээд энэ номыг гаргасан.

Нидерланд дахь йогын багш Алтанцэцэг, Монгол дахь Stay Premium Yoga Center-ийн бясалгалын багш Цогзолмаатай йога, бясалгалын талаар, хүүхэд хүмүүжүүлэх, өөрийгөө танин мэдэхэд йога, бясалгал хэрхэн тусалдаг талаар ярилцлаа.  

#5 "You win in the locker room first: 7 C's to build a Winning team in Business, Sports, and life" by Jon Gordon & Mike Smith, 2015 /Амжилт хувцас солих өрөөнөөс эхэлнэ/

Америкийн үндэсний хөл бөмбөгийн лигийн дасгалжуулагч Майк Смит 2008 онд Атланта Фалконс багт дасгалжуулагчаар ирснээр маш олон жил сураггүй байсан баг гэнэт цойлон гарч ирдэг. Тэрээр "Energy Bus" номын зохиолч Жон Гордонтой хамтран агуу багийг бүтээх 7 зарчмыг гаргаж ирсэн бөгөөд энэ 7 зарчмыг өдөр тутамдаа хэрэгжүүлснээр агуу багийг бүтээж чаджээ. 7 зарчимд  Culture-Соёл, Contagious-Нөлөөлөл, Consistent-Хувиршгүй /Тууштай байдал, Communicate-Харилцаа, Connect-Холбоо, Commitment-Бие сэтгэлээ зориулах, Care-Санаа тавих орно. Дэлгэрэнгүйг подкастаас сонсоно уу. 

#4 "Most likely to succeed: Preparing Our Kids for the Innovation Era" by Tony Wagner & Ted Dintersmith, 2016 /Амжилтанд хүрэх замнал/

Энэхүү номоор 21-р зуунд шаардлагатай чадвар болох бүтээлч байдал, харилцаа, шүүмжит сэтгэлгээ, хамтран ажиллах (Creativity, Communication, Critical thinking, Collaboration) чадваруудыг эзэмшүүлэх зайлшгүй шаардлага тулгараад байгааг, мөн яаж хэрэгжүүлэх зөвлөмжийг зарим хэрэгжүүлж эхэлсэн сургуулийн туршлага дээр үндэслэн номоор хүргэх болно.   

“The whole brain child” буюу Бүтэн тархитай хүүхэд. Зохиолч Доктор Даниэл Сийгли, Доктор Тина Пэйн Брайсон нар бичсэн.

Бүтэн тархи гэхээр гайхаж магадгүй юм. Товч тайлбарлавал хүний тархийг баруун, зүүн, дээд, доод гэсэн үндсэн 4 хэсэгт хувааж болдог. Зохиолчид маань баруун зүүн тархийг, дээд доод тархийг, цаашилбал ил далд ухамсрыг хооронд нь нэгтгэн ажиллуулах замаар тархины шинжлэх ухаан дээр үндэслэн хүүхдээ хүмүүжүүлэх аргыг танилцуулдаг. Тархиа хооронд нь нэгтгэж ажиллуулахыг бүтэн тархины арга гэж нэрлээд байгаа юм. Хүүхддээ багаас нь бүтэн тархины аргыг эзэмшүүлж чадвал хүүхэд өөрийгөө ойлгодог буюу сэтгэл хөдлөлөө удирдаж чаддаг, бусдыг ойлгодог, бусадтай харилцах чадвартай, аз жаргалтай хүүхэд болон хүмүүжиж болох зөвлөмжүүдийг өгдөг ном байгаа.

#2 "Little soldiers" by Lenora Chu, 2018 /Бяцхан цэргүүд/

Хятад гаралтай Америк сэтгүүлч эмэгтэй Шанхай хотын алдартай хятад цэцэрлэгт 3 настай хүүгээ оруулснаар хятад, америкийн боловсролын ялгаа, тэдгээрийн онцлогийн талаар өөрийн биеэр олж мэддэг. Хятадын боловсролын системийн талаар ямарваа нэгэн шинэ зүйлтэй учрах бүртээ тэрийгээ биеэр очиж ажиглалт хийх, багш, боловсролын салбарын эрдэмтэдтэй уулзах, судалгаа, статистикийг лавшруулан судлах зэргээр баяжуулж бичигдсэн ном юм. Хятад, Америкийн боловсролын системээс бид юуг авч, юуг гээх талаар бодож тунгаахад хэрэгтэй болов уу.