ونسة برمجة

في الحلقة دي كان معاي المهندس فيصل الضويحي، عالم بيانات في الهيئة السعودية للبيانات والذكاء الاصطناعي (سدايا) وخبير في مجال علوم البيانات والذكاء الاصطناعي.

تناقشنا في مخرجات أكبر مؤتمر ومعرض تكنلوجي في هذه السنة بالممكلة العربية السعودية LEAP23، كما تطرقنا الى كيف يغير الذكاء الاصطناعي من واقعنا العالمي و العربي الآن.

و أخيرا نآقشنا علم تحليل البيآنات وكيف يمكن الدخول في مجال تحليل البيآنات وبعض النصائح لكل المهتمين بهذا المجال.

رابط حساب فيصل الضويحي: https://www.linkedin.com/in/faisal-aldhuwayhi/

في هذه الحلقة حا نستعرض بصورة عامة كيف أن الذكاء الإصطناعي يؤثر اليوم و الان في تحويل وتشكيل حياتنا، وكيف أصبح متكاملاً بسلاسة في روتيننا اليومي بدون أن نشعر.

في هذه الحلقة أيضا اشرنا الى ورشة الذكاء الاصطناعي المجانية لروآد الاعمال، المدراء، و القوآد الذين يريدون أن يستفيدوا من قوة الذكاء الاصطناعي، يمكنكم التسجيل من خلال هذا الرابط:

https://www.eventbrite.com/e/fashion-20-ai-for-uae-fashion-leaders-tickets-641396924467

كل العلآمات التجارية العآلمية زي آبل، كوكاكولا، و قوقل و الدآخلية زي قو، بنك الخرطوم، سوق السودآن ورآها في شغل جبار جديد وتحليل و تصميم و عملية إبدآعية كآملة.

الليلة حا نتكلم عن "إنترنت الاشياء" من البداية، حا نبدأ بي تعريف الكلمة الغريبة بتاعت "إنترنت الاشياء" يعني شنو؟ كيف ممكن تدخل في المجال دا بي خطوات عملية؟ كيف بنقدر نستفيد من الحآجة دي في حيآتنا اليومية؟ وحآ نتعرف كيف كمال الدين بدأ الشركة دي من مشروع في جآمعة السودان.

هل مرة حسيت إنو إنت تعبت خلاص من البتعمل فيهو دا، رغم إنو قبل سنة، أو شهر أو حتى إسبوع كنت بتحبوا جدا؟

هل مرة حسيت إنو بتفكر كتير في موضوع أو مشكلة معينة، وبقت دائما شاغلة تفكيرك؟

هل قدر ما قريت وإتعلمت لسه حآسي إنو إنت ما قدر الشغل أو الوظيفة البتحلم بيها؟

رغم إنو لمن تجي للواقع بتلقى عندك كل الصفات و المهارات المحتاجها؟

إذا إجآبتك كآنت نعم لي أي من الاسئلة الفاتت دي، أو حابي تعرف أكتر عن التحديات النفسية في مجال البرمجة فهذة الحلقة مناسبة لك مع سآرة زروق، خبيرة في مجال تحليل البيانات.

دي حلقة عملية جدا وبنتكلم فيها عن شنو هي الخدمات الجاهزة المبنية على الذكاء الاصطناعي وممكن تستخدمها من الان، إستضفنا باشمهندس محمد عثمان الخبير في مجال الذكاء الاصطناعي و الحوسبه السحابية، حلقة كانت مختصرة جدا وفيها معلومات كتيرة جدا.

باشمهندس مصعب حا يتكلم لينا عن كيفية تصميم تجربة وواجهة المستخدم، وكيف انو تجربة المستخدم من أهم الحاجات المفروض تركز عليها اذا حابي تبني اي تطبيق، حا نجاوب بعد داك على الادوات المتاحة عشان تقدر تصمم تجربة وواجهة المستخدم، و كيف تقدر تنجح فيها.

في حلقة اليوم اتكلمنا عن صناعة البرمجة وبيئتها في السودان، اخدنا تجربة الهند بي صوره عميقة وكيف ممكن نستفيد منها، إتكلمنا بسيط برضو عن الشهادات في مجال البرمجة وشنو ممكن تكون انسب واحدي ليك حاليا.

إستضفنا د.طارق أحمد، واحد من كبار الخبراء في مجال التدريس و تحليل البيانات في السودان، بخبرة اكتر من ٢٥ سنة.

لمن بدينا في كود سودان بدينا نعالج مشكله تدريس البرمجه في الجامعات، وكيف انو خلى مجال التكلنوجيا في السودان من المجالات ذات النمو الضعيف، و خلي كل شبابنا السوداني يفكر يسافر بره السودان.

الليله حا نناقش المشكله من داخل المجال الاكاديمي من وجهة نظر الجامعات و المحاضرين، نتمنى انو تكون مفيده ليكم.

كيف ممكن نشوف المستقبل؟ و هل اصلا ممكن نشوف المستقبل؟ دا موضوعنا اليوم "علم البيانات" او Data Science 🔥.

 ضيفتنا اليوم دكتوره. أمل بخاري وكيل عمادة البحث العلمي للابتكار وريادة الأعمال - جامعة جدة وخبيرة في مجال علم البيانات، حا نتكلم عن كيف تدخل في المجال من البداية، ونشوف الفرق بين تحليل البيانات و علم البيانات، و حا ناخد نظرة عن مستقبل المجال خلال ال٥ سنوات القادمة 🥰.