ونسة برمجة

كيف ممكن نشوف المستقبل؟ و هل اصلا ممكن نشوف المستقبل؟ دا موضوعنا اليوم "علم البيانات" او Data Science 🔥.

 ضيفتنا اليوم دكتوره. أمل بخاري وكيل عمادة البحث العلمي للابتكار وريادة الأعمال - جامعة جدة وخبيرة في مجال علم البيانات، حا نتكلم عن كيف تدخل في المجال من البداية، ونشوف الفرق بين تحليل البيانات و علم البيانات، و حا ناخد نظرة عن مستقبل المجال خلال ال٥ سنوات القادمة 🥰.

في الحلقة دي إستضفنا باش مهندس: علي الهاشمي عشان يكلمنا عن مستقبل الذكاء الاصطناعي، وبعد داك إتكلمنا عن معالجة اللغات الطبيعية أو Natural Language Processing، و التكنلوجيا المعاصرة، في النهاية إتكلمنا عن اللغة العربية في عهد الذكاء الاصطناعي و تطبيقات الذكاء الاصكناعي في السودان.

الثورة الصناعية الرابعة و مستقبل الروبوتات كلمات ومفاهيم كبيرة حاولنا نبسطها بي لغة سآهلة مع ضيفنا باش مهندس محمد صالح، حا نتكلم عن الثورة الصناعية الجديدة البنشاهدها في العالم، وكمان كيف الروبوتات بدت تآخد وظائف و أشغال جديدة ما كنا فآكرين ليها.

المبرمج لا يولد خآرق - مع المهندس: أيمن الشيخ، حا نتكلم عن رحلة أيمن الشخصية مع البرمجة، ونتمنى إنكم تستفيدو منها.

أيمن من الشباب القرو في إسكول وكان شغال في نفس الوقت مع شركات كبيرة في السودان زي قو Go وغيرها، بعد داك سافر إلى الإمارات وحآليا شغال مع شركة uqudo. أيمن كمان طوّر واحدي من أكتر الألعاب العربية إنتشارا زي "حيوان - جماد"

في الحلقة دي المهندس أحمد إبراهيم حا يآخدنا في رحلة حول تقنية البلوك-جين و إستخدامتها في العالم، حا نركز بي صورة أساسية على السودان، حا نجاوب على سؤال: إذا إنت حآبي  تخش المجال شنو المهارات المحتاج ليها؟ و أخيرا نصائح لي كل المستثمرين في مجال العملات الرقمية و البتكوين.

المصمم المبدع حسن اتكلم لينا عن التصميم الجرافيكي وكيف قدر يبدأ لغاية ما وصل للخبرة في انتاج مهام التصميم.

في الونسة دي "محمد الرشيد" اتكلم لينا عن الحوسبة السحابية وشهادات مايكروسوفت والكتاب الألفو كمان وممكن تستفيدو منو خالص.

كان معانا في الونسة دي الشريكين "عبدالرحمن وأحمد تبن" واتكلمو لينا عن بوت معروف والفكرة كيف بدت وقدرو يتجاوزو المشاكل وعن تأسيس التطبيق.

بوت معروف : هو بوت لو عايز تعرف رقمك مسجل عند الناس بي اسم منو او في رقم اتصل بيك وعايز تعرف هو منو، ببساطة بترسل رقم التلفون للبوت والبوت حا يرد عليك بإسم الزول.

برنامج تك ووركس مقدم من قبل سافانا اتكلمنا فيهو عن التجربة الجديدة الخاضوها المقبولين وكيف قدرو يتعاملو مع التيم والمسابقات في الهاكثون.

انترنت الأشياء 🔥

مع إيمان يونس 😍♥️