X21 - Kosningahlaðvarp RÚV

Helga Thorberg er leikkona, garðyrkjufræðingur og oddviti Sósíalistaflokksins í Norðvesturkjördæmi. Henni finnst orðin sósíalismi og sósíalisti full af von.

Við hittum formennina í græna herberginu, spáum í spjarir og framkomu þeirra ásamt Sóla Hólm og Sirrý Arnarsdóttur og rýnum að leik loknum í leiðtogaumræðurnar ásamt Láru Ómarsdóttur og Andrési Jónssyni.

Jódís Skúladóttir lögfræðingur og sveitastjórnarfulltrúi í Múlaþingi situr í öðru sæti á framboðslista Vinstri hreyfingarinnar - græns framboðs í Norðausturkjördæmi. Hún hefur ekki myndað sér skoðun á því hvort hún vilji sjá sömu ríkisstjórn eftir kosningar.

Nú þegar flokkarnir hafa flestir gefið út stefnumál sín með formlegum eða óformlegum hætti er tímabært að kíkja í hattinn og sjá hvað flokkarnir ætla að galdra fram á næsta kjörtímabili. Fanney Birna Jónsdóttir og Þórður Snær Júlíusson spá í spilin.

Kristrún Mjöll Frostadóttir hagfræðingur leiðir lista Samfylkingarinnar í Reykjavík suður. Hún segir kosningarnar í ár ekki snúast um Covid-19.

Við förum yfir vikuna sem leið en beinum síðan sjónum okkar að einum afmörkuðum málaflokki. Er loftslagsvandinn eitt af stóru kosningamálunum? Hvað vilja sérfræðingarnir sjá næstu ríkisstjórn gera í umhverfismálum?

Ólafur Þ. Harðarson, prófessor í stjórnmálafræði segir kosningarnar framundan þær mest spennandi í langan tíma. Hann fer yfir sjónarsviðið með umsjónarmönnum þáttarins, frá hægri til vinstri og allt um kring. Við heyrum í nokkrum kjósendum á Akureyri og í Kringlunni í Reykjavík og síðast en ekki síst lítur Valgeir Örn Ragnarsson, ritstjóri kosningaumfjöllunar RÚV við og segir frá því sem framundan er.