辛福台

By sunfokchannel

辛福台：你無睇錯，我無寫錯，不是幸福，而是辛福。有人話教會傳的「福音」是「幸福音」，查實我們傳的是「辛福音」：福音，既辛辣，又辛苦，你頂得順，就知乜嘢係福音真義。... more

Download on the App Store

Download on the App Store

Get it on Google Play

FAQs about 辛福台:

How many episodes does 辛福台 have?

The podcast currently has 95 episodes available.

辛福台 episodes:

May 06, 2021 [2021-04-12] 香港教牧網絡 - 守望香港祈禱會/ 主持：馬保羅牧師講員: 江彩鳳傳道, 黃國維博士
香港教牧網絡
守望香港祈禱會
日期：2021年4月12日
時間：2000-2130（Fb Live)
主持：馬保羅牧師
經文：馬太福音14章22-33節
題目：企穩
講員：江彩鳳傳道
經文：詩篇1章1-6節
題目：企定
講員：黃國維博士
...more
1h 9min
March 30, 2021 [2021-03-30] 辛福台最後一集 : 完結，唔係完蛋，仲有彩蛋！/ 嘉賓主持：辛福台仝人
辛福台最後一集
《完結，唔係完蛋，仲有彩蛋！》
2021年3月30日（二）Facebook Live 9:30pm
嘉賓主持：
辛福台仝人（邊個來到邊個出場）
嗱嗱嗱，
天下無不散之筵席，
一早講咗開了就能關，
見好就收，
好過畀人厭棄至收檔。
辛福台一定是香港教會這兩年重要的歷史記錄，
把很多過去不肯公開討論的議題，攤開來講。
得罪了多少人？唔知道。
造就了多少人？肯定唔少！
成日話真理愈辯愈明，但又成日諸多避忌，
終於有個平台，肆無忌憚，
讓人知道信仰不是個失聲的辯士，
我們對這個世代真的有話要說，有話可說。
無錯，講咗好似都無乜用，
時勢愈來愈惡，
但最少我們辯明
福音不只是幸福音，
福音可以是個辛福音，
因為「天國近了，你們應當悔改！」
沒有是非對錯，何須悔改？
我們不是被禁聲，
多嘴的人不能不講話。
但復仇者聯盟幾多集都好，
都要有個階段性的結局。
呢一集，就係最後一集。
就如荷里活片，
無論有冇續集，
都要加隻彩蛋，
留條後路，
可以忽然復活，
可以忽然顯現，
甚至無限復活。
沒有復仇者聯盟的日子點算好？
唔緊要，啱啱正義聯盟就重生咗。
有人，就有好戲繼續上演。
...more
1h 40min
March 23, 2021 [2021-03-23] 海外耀榮光天涯若比鄰/ 嘉賓主持王少勇牧師、王礽福先生、陳盈恩小姐、洪國謙牧師、春麗台長
在海外開香港人教會，
到底係有需要定攞黎搞？
當地無華人教會咩？
融入當地教會唔得咩？
在教會範圍搞「小香港」「唐人街」
會否變得民粹主義，與當地教會產生張力？
又用《香港福音宣言2020》，
又叫「榮光」教會，
是否把政治扯進教會，
使福音不純、靈魂不安？
你班友，到底想搞教會定搞乜嘢？
其實乜嘢叫香港人教會，
講廣東話、食蛋撻就叫延續香港精神？
香港教會又有乜精神？
到底想延續香港教會啲乜嘢？
...more
1h 23min
March 17, 2021 [2021-03-16] 跨代共融，邊個溶咗邊個？ / 嘉賓主持：江彩鳳姑娘、梁國全傳道、陳盈恩小姐、陳皓揚傳道
嘉賓主持：
江彩鳳姑娘、梁國全傳道、
陳盈恩小姐、陳皓揚傳道
代溝問題，講咗幾十年，
溝完一代又一代，
點解仲好似水溝油咁，
溝來溝去，消耗了能量，
但繼續各有各講？
近年換個詞彙講共融，
但真係可以黃加藍變咗綠，
還是繼續儀式性自我感覺良好？
「嗱，你睇我地傾得幾投契，
幾互重尊重，幾融洽！」
「做咗嘢」就真係「做到嘢」？
到底融咗啲乜嘢？邊個想溶咗邊個？
你們表演完，世界繼續亂。
老老實實，溝唔埋、融唔到，
世界繼續轉，社會繼續亂。
同埋，真係世代差距咁簡單？
我見你果代都笠笠亂、嘈嘈閉，
到底幾時先至討論價值觀的差距？
今日教會，仲講青少年問題out唔out啲？
不如倒過來講下老化、僵化的問題，
總係覺得問題在別人、年輕人身上，
到底香港社會教會今日搞成咁，
真係因我地少不更事做成？
咁你地老成持重、見多識講白混的？
唔好話挑機，唔挑邊度有節目做？
唔挑唔通又等你地覺得自己紆尊降貴來同我地溝下通？
...more
1h 16min
March 09, 2021 [2021-03-09] 英華沉浮，洋溢八福——英國教會的港人事工近貌 / 嘉賓主持：趙偉初牧師、杜念甘牧師、曹子光牧師、楊建強牧師
嘉賓主持：
趙偉初牧師（曼徹斯特宣道會）、杜念甘牧師（基督教諾誠啟道堂）、曹子光牧師（生命之弦列斯華人福音堂）、楊建強牧師

半年前辛福台做過一集《等著你移民（英倫篇）》，
請來英國華人教會教牧
分享他們為即將出現的移民潮所作的籌措。
隨著BNO 5＋1簽證的起動，
潮漲了！
經過半年，
這些香港移民的事工有何進展？
有哪些當初沒有想到的問題出現了？
半年前提及過的住屋、教育、工作等問題，
仍然是問題嗎？還是成了移民者一到埗就得面對的危機？
傳統英國華人教會真的承載得了這一浪移民潮嗎？
移民的除了未信者、已信者，還有教牧，
他們能否成為港人事工的生力軍，
英國華人教會是否有足夠資源吸納他們？
他們將如何改變英國華人教會的生態？
...more
1h 25min
March 02, 2021 [2021-03-02] 香港二二八 / 嘉賓主持：馬保羅牧師、劉志雄牧師、洪國謙牧師、陳建榮傳道、王礽福先生
何解一場君子協定、沒有法律效力的民間初選
會視為能顛覆國家？
香港二二八，47位參與民主派初選的人士，
以「串謀顛覆國家政權罪」被起訴，
最高刑罰是終身監禁。
然而這個「何解」，還須解釋嗎？
只是往後，香港的民主與自由，
還剩下多少空間？
窗櫥式民主？
隙縫的自由？
你還是有言論自由，
不過後果自付。
你還是有行動自由，
只須處處安心出行。
教會還是有傳教自由，
只須只談幸福不談公義。
每一集都可能是最後一集，
辛福台與你憂戚與共，
想像那不敢想像的未來，
想像那還可以想像的未來。
...more
1h 24min
March 01, 2021 [2020-03-01] 香港教牧網絡 - 守望香港祈禱會/ 主席：洪國謙牧師講員：麥衛華會吏、孫寶玲牧師
守望香港祈禱會
日期：2021年3月1日
時間：2000-2130
網上直播
主席：洪國謙牧師
講員：麥衛華會吏
經文：馬太福音 5章3-12節
講題：禍福生死的選擇
講員：孫寶玲牧師
經文：路加福音24章48節
題目：你們就是這些事的見證人
...more
1h 9min
February 23, 2021 [2021-02-23] 當大齋期遇上大劑香港 / 嘉賓主持：袁天佑牧師、李恩添博士、洪國謙牧師
大齋期又叫預苦期，
整個節期從大齋首日（聖灰星期三/塗灰日）開始至復活節止，
一共四十天（不計六個主日）。
叫得預苦期，即係叫你要效法基督，
預備受苦，預咗受苦。
聖灰日仲會將去年棕枝主日的棕枝燒成灰，
在教友的額頭上塗個十字，作為悔改的象徵；
又提醒我們不過是塵土。
咁灰咁苦的節期，
真係襯唔起我們個安定繁榮又幸福的社會。
到底又幸福又成功的信徒，
在大齋期除了行禮如儀打打卡，
係唔係真係有乜又灰又苦的反省？
呢集辛福台向非禮儀教會的信徒介紹下大齋期，
又挑戰下禮儀教會的信徒對大齋期的實踐。
而當大齋期遇上大劑香港，
到底只能無能為力，
還是能在又灰又苦中產生信仰能量？點樣產生法？
同樣的禮儀，同樣的舉手投足，
到底在不同的時、空、人、事間，
迴盪出甚麼的信仰關懷？
...more
1h 27min
February 09, 2021 [2021-02-09] 當新媒體遇上新新媒體 / 嘉賓主持：春麗、黃岳永、Rita P.
正所謂「長江後浪推前浪，前浪死在沙灘上」，
有一日有人跟春麗說：
「喂，最近好多人去Clubhouse，
那邊好熱鬧，你有冇去玩玩。」
春麗這位基督教傳媒大亨竟然說：
「吓？我無夜蒲好耐囉噃。」
唔好話玩，連聽都未聽過。
每次有新媒體興起，
就有人向教會揚言：
「仲唔跟上時代，
教會就玩X完！」
正是教會立在堅固磐石上，
驚都未驚過，繼續不動如山。
當然，總有一批人努力發展媒體事工，
咁多年落來，略有成就。
但係，佢地解決咗教會的問題多啲，
定係製造咗問題多啲，
又或者根本唔關媒體事，都係因人而異？
十年前，你用Facebook叫潮，
而家Facebook叫長者媒體，
人地落Club呀，春麗你返屋企慰妻啦！
當新媒體遇上新新媒體，
新媒體就變咗舊媒體，
當初寸人的人，今日可能畀人寸返轉頭。
原有的新媒體事工，在軟件與硬件的既有設定下，
係唔係話轉身就轉身？
同埋，教會唔識落Club，
係唔係又要玩完？
到底要玩完幾多次先至真係玩完？
會唔會原有的新媒體事工先玩完？
...more
1h 12min
February 02, 2021 [2021-02-02] 沒有贊助的贊助人，不是BB的BB / 嘉賓主持:陳建榮傳道、謝志堅牧師、楊樹榮先生、Teddy先生
BB不是Baby
BB是基督少年軍The Boys' Brigade的簡稱
雖然話係boys，但有男有女，
而且仲有句非正式但好厲害的口號：
「一日BB，一生BB。」
可想而知，
歷史有幾咁攸久，
傳統有幾咁深厚。
但BB們最近鬧交，
因為佢地有個當然贊助人叫林鄭，
嘩，咁你就知乜事。
有啲BB話要開特別會員大會，
停止邀請林鄭做贊助人；
但有啲大隻啲嘅BB話，
咁會引致「不良後果」，
而且是「政治表態」。
嘈咗好耐啦，
仲會繼續嘈落去。
到底BB想DQ林鄭，
是信仰表態，定政治表態？
而唔DQ林鄭，
又係唔係另一種政治表態？
至於「不良效果」，到底有幾不良？
BB保你大，
呢次搵咗批唔係一生，都半生係BB嘅人，
上來講下BB嘅初心，
當初決定屆屆邀請特首做贊助人，
又有乜嘢動機？
係唔係又變咗一日贊助人，一世贊助人？
到底佢贊助咗啲乜？
點解呢批人咁想DQ林鄭？
你DQ林鄭，
林鄭又會唔會倒過來DQ你呢？
你地想DQ林鄭，
有冇諗清楚後果先？
BB係教會青少年福音宣教事工？
BB係學校課外活動？
BB係政府國民教育的伙伴(工具)？
嘉賓主持
陳建榮傳道、謝志堅牧師、楊樹榮先生、Teddy先生
...more
1h 25min

FAQs about 辛福台:

How many episodes does 辛福台 have?

The podcast currently has 95 episodes available.