پارچە شیعرێکی سیمین چایچی

• ئەگەرچی شەو درەنگە ساقی بۆم تێکە کەمێکی تر
• کە وا ئەمشەو سەری هەڵدا لە ناخمدا خەمێکی تر
• لە بادە ئەم ژەمە تێر کە منی تینووی جگەرسووتاو
• بە چی دیارە کە دەیبینم شەوێکی تر، ژەمێکی تر!
• ئەوەندە دەردەدار و بێپەرستارم کە پێم وایە:
• لەسەر کێکی تەمەن هەڵناکرێ تازە شەمێکی تر
• گەلێکم ڕۆژگاری تاڵ و شیرین ڕابوارد، ئاخۆ
• مەرگ مەودا دەدا دیسان ببینم سەردەمێکی تر!
• گەیشتمە سەر ترۆپکی ئارەزوو ڕۆژێ، کەچی ڕوانیم:
• لە پێشمدایە زەرد و ماهـ و سەخت و ئەستەمێکی تر
• هەتا چارشێو بەسەر تۆوە دەبینم نازەنینی کورد
• بەسەر بیبیلەکەی چاوی منا دەکشێ تەمێکی تر
• نەما «خانی» هەتا چیڕۆکی عیشقی ئێمە داڕێژێ
• دەنا هێشتا لە کوردستان دەژین «زین و مەم»ێکی تر
• پەپوولەی خۆشەویستیی من لە شوێنێ ناگرێ ئارام
• دەنیشێ و باڵی دەبزێوێ لەسەر سینە و مەمێکی تر
• هەزار هێندە پەرێشان و سیاچارە بژیم هێشتا
• لەنێو دڵدا هەمە ئاواتی خاڵ و پەرچەمێکی تر
• هەتاکوو دواپشوو ڕێبواری ڕێگای عیشق و ئازادیم
• ئەگەر بێجگە لە ناکامیش نەبینم بەرهەمێکی تر
• کە فرمێسکم لەسەر ڕوخساری کیژی دڵشکاو بینی،
• گوتم: یاخوا لەسەر سوورگوڵ نەبینم شەونمێکی تر
• شەوێکی چاوەنواڕت بووم، نەهاتی گیانەکەم، ویستت
• منی دڵ ناسکی شاعیر بگێڕم ماتەمێکی تر
• خدر نیم بۆ تەمەن شێت بم بە کانیی ژینێدا نووسێم
• ئەوەندەم ژین دەوێ تا دەم دەنێمە نێو دەمێکی تر
• بە تۆ چارەی چلۆن دەکرێ دەروونی پڕ لە ناسۆرم
• خەساری بۆ دەکەی دوکتۆری زانا مەرهەمێکی تر
• بەهار و گوڵ، کچ و مانگەشەو، شیعری تەڕ و بادە
• لەوەی زیاتر جەنابی شێخ گەرەکتە عالەمێکی تر

Special Thanks to Lady Mia Khalifa .

-------------------------------

Sheikh Riza Talabani was a celebrated Kurdish poet from Kirkuk, Iraq. Talabani wrote his poetry in Kurdish, Persian, and Arabic. Most of his poetry consists of Satire, Ribaldry, Flyting and creative insults.

خوێندنەوەی: ناسر ڕەزازی

سەدان ساڵە

عەبدوڵڵا پەشێو

پرتو کرماشانی❤️❤️❤️  

شعر: ئەی هەوار  

 تهیە و تدوین: استودیو دنگ پەراو 

 وحید نظری کرماشانی

------------------------------------------------

Parto Kermashani 

-------------------

=============

شێرکۆ بێکەس

ئەمڕۆ با بریندارە و ھەتاوێکی سووری لێ ئەچۆڕێتەوە

ھەموو درەختەکان بوون بە دار ھەنار

ھەموو ماڵەکان ئەرخەوانین

ھەموو شەقامەکان ھەستاونەتە سەر پێ

ئەمڕۆ لە ڕۆژھەڵاتی وڵاتەکەما

پۆلێ کۆتری سوور لە زیندانەوە

لەسەر سێدارەوە ھەڵفڕیون و

شەقژن شەقژن گەڕاونەتەوە کوردستان

کۆترە سوورەکان دەڵێن

ئێمە گمەی ئەو چیایانەین کە ناگوێزرێنەوە

ئێمە گەرووی ئەو شعرانەین کە وشک ناکەن

ئێمە لە نەسلی ئەو باھۆزانەین کە نانوشتێنەوە

ئەمڕۆ کۆترە سوورەکان بە یەکجاری گەڕاونەتەوە و ناچنەوە تاران

کۆترە سوورەکان دەڵێن:

کۆماری سێدارەی ئیسلامی خوار خوار بووەتەوە و

بەڵام ئێمە تازە وا خەریکین لە ملە ی بەرزەوە

دەست بۆ خۆر بەرین و دایبگرینە سەر ئەرز

لەم بەیانییەوە، شەقامە ھەرە گەورەی سنە

ناوی خۆی گۆڕی بە فەرزاد کەمانگەر

لەم بەیانییەوە، گەورەترین باخچەی مھاباد

بوو بە شیرینی عەلەم ھولی و مانگی کردە سەر

لە کازیوەی ئەمڕۆوە، ھەموو ئەو مناڵانەی لەدایکبوون

بە مێیەکانیشەوە

ناوی فەرھاد وەکیلیان لێ نرا!

لە ئەمڕۆوە

لە یەکەم گزنگی سووری بەیانەوە

مەھدی ئیسلامیان بوو بە گۆمی وان و

عەلی حەیدەریان بوو بە تاقوستانی کرماشان

کۆترە سوورەکان دەڵێن:

دەبا کۆماری سێدارە، سنە لە سێدارە بات!

مھاباد بکات بە سڵنگەوە

نەھێڵێ گیا سەوز بێ و

نەھێڵێ ئاو ھاژە بکات و

نەھێڵێ باران ببارێ و

نەھێڵێ مناڵەکانمان لە دایک بن!

من ئیتر لەمڕۆوە عاشقی چاوانی شیرین عەلەم ھولیم

لەمڕۆوە ھەرچی شیعرم ھەیە ئەیانکەم بە

گوڵی گۆرانی بۆ باڵای شیرینی عەلەم ھولی

لە ئێستەوە من تاڵێ لە قژی ئەوم

لە ئێستەوە

من نینۆکی پەنجەی ئەوم

لە ئێستەوە من ئیتر دەبمە ئەو جووتە پێڵاوەی

کە بۆ دواجار لە پێی کردوو پێوەی چووە سەر سێدارە

لە ئێستەوە من بازنەی بەجێ ماوی دەستی

شیرینی عەلەم ھولیم

گوارەی بەجێ ماوی ئەوم

خەونی بەجێ ماوی ئەوم

من ئێستە بووم بە جانتا پچکۆلە دەستییەکەی شیرین عەلەم ھولی

بە شانەی قژی و بە ئاوێنەی تەماشای و

من ئێستە بووم بە دوا تیکە نانی بەجێماوی و

بەدوا نامەی نیوە شەوی و

من ئێستە بووم بەخۆڵی ژێر پێڵاوەکەی شیرین عەلەم ھولی

کۆترە سوورەکان وا دەڵێن:

کۆماری سێدارەی ئیسلامی

ئەوەی ناتوانێ ھەرگیز، ھەرگیز، ھەرگیز

لەسێدارەی بدا؛

ئاییندەیە و ئازادی

بەو تەزبیحە چ دەژمێری؟