願聞奇詳｜Hear the Weird 廣東話Podcast

1995年，日本發生震驚全球嘅東京地鐵沙林毒氣事件，造成13人死亡、超過6,000人受傷。但喺呢場恐怖襲擊背後，究竟係一個點樣嘅組織？

今集《願聞奇詳》，我哋會由頭講起，帶大家了解日本史上最臭名昭著嘅邪教——奧姆真理教。

一個自稱擁有超能力嘅男人，點樣由開設瑜伽班開始，一步步建立自己嘅宗教帝國？又點樣利用末世預言、精神控制同殘酷懲罰，令無數高學歷精英甘願奉獻金錢、身體，甚至生命？

由創教、洗腦，到建立絕對服從嘅信仰體系，呢一切都為日後震驚世界嘅恐怖襲擊埋下伏線。

🎙️ 本集內容：• 麻原彰晃嘅崛起之路• 奧姆真理教嘅洗腦手法• 教團點樣由宗教變成恐怖組織

⚠️ 本集涉及邪教、精神操控及暴力內容，部分聽眾可能感到不安。

《願聞奇詳》係一個以廣東話講述真實奇案、懸案、犯罪事件與心理操控案件的 True Crime Podcast。我哋每個星期二都會更新一集，希望透過呢啲真實案件，大家唔止係聽故事，而係學識提高警覺，保護自己。如果你想繼續聽落去，記得 follow 我哋。歡迎留言話俾我地知你想聽啲咩如果想支持我地，可以買罐罐俾我地既主子🐱https://buymeacoffee.com/heartheweird更多平台：linktr.ee/Heartheweird

#願聞奇詳 #奧姆真理教 #東京地鐵毒氣事件 #麻原彰晃 #TrueCrime #廣東話Podcast #邪教 #日本奇案 #都市傳說 #真實犯罪

一個喺北歐出世、但喺法律上完全『唔存在』嘅細路，究竟係被政府『非法綁架』，定係喺危險入面被救出？當『Save Lily』呢個口號響遍香港網絡，大家見到嘅係一對絕望父母嘅控訴；但翻開英國同瑞典嘅法庭文件，背後隱藏嘅竟然係另一單細路夭折案，同埋一段長達兩年、喺私家車入面『避世』嘅流浪生活。今日我哋就由芬蘭講到瑞典，再講到英國高等法院，拆解呢單震驚移民圈嘅奪女羅生門。

《願聞奇詳》係一個以廣東話講述真實奇案、懸案、犯罪事件與心理操控案件的 True Crime Podcast。我哋每個星期二都會更新一集，希望透過呢啲真實案件，大家唔止係聽故事，而係學識提高警覺，保護自己。如果你想繼續聽落去，記得 follow 我哋。歡迎留言話俾我地知你想聽啲咩如果想支持我地，可以買罐罐俾我地既主子🐱https://buymeacoffee.com/heartheweird更多平台：linktr.ee/Heartheweird#SaveLily #兒童保護 #疏忽照顧 #BNO #育兒爭議 #香港父母 #兒童權利

2015年，一具男浮屍喺南丫島海面被發現。

警方最初以為死者係一名「禿頭中年男人」，但真正身份，竟然係一位只有17歲嘅DSE考生——Wesley。

佢失蹤前聲稱去長洲宿營，但CCTV只拍到佢獨自登島；
原本背住哥哥借出嘅背囊，最後卻變成一個裝有石頭嘅神秘名牌袋；
而佢手機內嘅通訊紀錄，更被離奇刪除。

#香港奇案 #長洲孭石少年案 #TrueCrime #都市傳說 #高登 #懸案 #Podcast

第三集會講松永太點樣一步步摧毀緒方一家。

由最初嘅心理操控、孤立家人、互相監視，到利用恐懼同罪惡感，慢慢將一家人變成只懂服從嘅「奴隸」。最後，甚至發展成親人互相虐待、互相殺害。

點解一個普通家庭，會淪落到如此地步？
人喺極端控制之下，究竟可以被扭曲成點？

今集將深入北九州監禁殺人事件最黑暗、亦最令人不寒而慄嘅部分。

上回講到，恭子成功逃離宮崎（松永太）嘅控制，並向警方供出多年來佢親眼目擊到嘅恐怖畫面。

今集，我哋會講下松永太點樣透過羞辱、暴力、恐懼同精神控制，將佢間公司變成一個令人窒息嘅地獄，慢慢摧毀身邊所有人嘅人格同反抗能力。

而清志既故事更加令人不寒而慄。

2002年，17歲嘅恭子逃去祖父母屋企求救，佢身上嘅傷同異常行為，慢慢揭開一段被隱藏多年的黑暗。

當佢講出事件真相後，警方開始發現，一個充滿控制、監禁同虐待嘅恐怖世界。

今集會由呢場逃亡開始，簡單帶你了解呢宗震驚日本嘅連續監禁虐殺事件。

喺 90 年代位於美國嘅達拉斯，街頭出現咗一個令全城女性陷入瘋狂恐慌嘅「挖眼殺人魔」。受害者全部都係性工作者，佢哋唔單止被奪去生命，連對眼，都被人以外科等級嘅精準度完美挖走。

當所有線索指向嗰個溫文儒雅、博學多才嘅模範鄰居 Charles Albright 嗰陣，大家先發現，原來最殘忍嘅暴力，往往隱藏喺最體面嘅生活入面。