In this episode, pag-uusapan nina Jerick, Edge, at Manny ang mga nangyari sa buhay nila noong Season 1 ng ating very own Community Quarantine series. Pakinggan ang kanilang mga experiences before the lockdown, ang mga struggles nila during the lockdown, kung paano sila nahilig sa Dalgona coffee at sa BL series, kung ano ang mga na-postpone nilang mga travel goals, at kung anu-ano pang mga ganap sa buhay nila in the year 2020. 'Yun lang naman!

Paano ba ang magmahal? Paano ba umusad kapag nasaktan? Makipaghugutan ng feelings sina Jerick, Edge, at Manny at makisama sa kanilang usapan tungkol sa kanilang heartbreak experiences at kung paano nila napagtagumpayan ang mga ito. 'Yun lang naman!

At malapit na nga tayong grumadweyt, mga beshy! Pakinggan ang pag-uusap nina Jerick, Edge, at Manny tungkol sa mga panahon at pagkakataong pinagsaluhan nila noong sila ay magkakaklase sa kolehiyo! Sino na naman kaya ang manlalaglag at ilalaglag ngayong episode? 'Yun lang naman!

Mula sa mga unang crush at mga text clan hanggang sa mga quiz bee at iba pang extracurricular activities—samahan sina Jerick, Edge, at Manny na balikan ang kanilang mga most unforgettable experiences noong mga "jeje days" nila. Abangan din ang kanilang mga ekslusibong pasabog tungkol sa mga taong nagkaroon ng malaking bahagi sa kanilang buhay-teenager. 'Yun lang naman!

Nakakain ka na ba ng buhangin? Pinangarap mo rin bang magkaroon ng super powers? Pakinggan ang kwentuhan nina Jerick, Edge, at Manny tungkol diyan at sa iba pa nilang mga hindi malilimutang memories noong kabataan nila (tanders na 'yan?). Babala: Pasintabi po sa mga kakakain lang, kumakain, at kakain pa lang dahil ang episode na ito ay naglalaman ng iba't ibang klase ng mga kalat at sama ng loob na maaaring hindi niyo nais marinig sa hapagkainan. 'Yun lang naman!

Paano mo ipakikilala ang mga kaibigan mo sa ibang tao? Pupurihin mo ba sila, lalaitin, o mumurahin na lang kapag wala ka nang masabi? Samahan sina Jerick, Edge, at Manny sa kanilang bardahan at pakinggan ang kanilang mga kwento tungkol sa mga karanasan nila sa isa't isa. 'Yun lang naman!

Babala: ang programang ito ay may mga tema at lengguwaheng hindi angkop sa mga bata, kaya naman isang munting patikim muna sa kung ano ang maaari niyong mapakinggan sa podcast na 'to. Keri? 'Yun lang naman!