یوه موضوع، څو زاویې - Voice of America

د اپرېل اوومه په غزه کې د اسرائیل او حماس ډلې ترمنځ چې د امریکا متحد ایالتونه او اروپايي ټولنه یې تروریستي سازمان ګڼي روانه جګړه شپږمیاشتنۍ شوه. دا جګړه وروسته له هغه پیل شوه چې لومړی حماس ډلې د اکتوبر په اوومه پر اسرائیل په برید کې ۱۱۷۰ کسان ووژل او ۲۴۰ تنه نور یې یرغمل کړل. د روانې جګړې له کبله د غزې تړانګې اکثریت اوسېدونکي بېځایه شوي او اکثره فلسطینیانو جنوبي رفح ښار ته پناه وړې ده.

د ملګرو ملتونو سازمان وایي چې په نړۍ کې شاوخوا دوه اعشاریه دوه میلیارد کسان د څښاک صحي اوبو ته لاسرسی نلري. د یوه موضوع څو زاویې په دې اونیزه خپرونه کې، د نړۍ په ځنیو برخو کې د اوبو کموالي ته کتنه شوې ده.

نوی لمریز کال پداسې حال کې پیل شوی چې په افغانستان کې بزګران او په تېره بیا هغه بزګران چې د کوکنارو کر پرې د طالبانو د حکومت له خوا بند شوی له ستونزو او اقتصادي ننګونو سره مخ دي. بزګران دا نوی کال هم د تېر کال په څېر ګڼي خو د طالبانو د حکومت د کرنې وزارت بیا د ژمنې په حد کې پدغه کال کې د اوبو د مدیریت او د بندونو د جوړولو خبره کوي.

د منځني ختیځ لپاره د واشنګټن د پالیسیو په وجه، ځني امریکایي مسلمانان په پام کې لري چې د سپینې ماڼۍ د روژه ماتي او د اختر لمانځلو په غونډه کې ګډون ونکړي. له بلې خوا اذربایجان هڅه کوي چې روژه ماتۍ د یونسکو لخوا د مسلمانانو د اسلامي او فرهنګي میراث په توګه په رسمیت وپېژندل شي.

د امریکا ولسمشر جوبایډن د دموکرات ګوند او پخواني ولسمشر ټرمپ د جمهوري غوښتونکي ګوند د نوماندۍ د لازمو ګوندي استازو شمیر پوره او په رسمي توګه له نوماند کیدو وروسته به دغه دواړه کاندیدان د نومبر په عمومي ټاکنو کې سره مخامخ شي. خو په غزې او اوکراین کې د جګړو دوام په ټاکنو باندې اغیز ولري؟

پر اوکراین د روسیې د یرغل دریم کال پداسې حال کې پیل شوی چې د پای ته رسېدو هېڅ څرک یې نه ښکاري. په ورته وخت کې د اروپایي هېوادونو د پارلمانونو غړي د متحده ایالتونو له کانګرس څخه غوښتنه کړې ترڅو اوکراین ته د اضافي مرستو وړاندیز تصویب کړي. د یوه موضوع څو زاویې په دې اونیزه خپرونه کې پر اوکراین د روسیې د یرغل دوام ته کتنه شوې ده.

په افغانستان کې د ملګرو ملتونو د نشه‌يي توکو او جرمونو پر وړاندې د مبارزې دفتر په دې هیواد کې د نشه‌يي توکو د کرکیلی او تولید پر دوام اندېښنه ښودلې ده. بلخوا په افغانستان کې د طالبانو حکومت وايي، هغه بزګر چې په خپلو ځمکو کې له نیم جریب څخه په زیاته ځمکه کوکنار وکري، نو د شپږو میاشتو نه تر یوه کاله پورې به د بند سزا ورکول کیږي.

په افغانستان کې د خبریالانو د نیول کېدو او بندي کېدو په دوام، افغان حقوق پوهانو ویلي چې د افغانستان په قوانینو کې د رسنیز یا مطبوعاتي جرم په توګه هېڅ عمل نشته. دغه راز په کشمیر کې د رسنیو پروړاندې بندیزونه د دې لامل شوي چې یوه خبریاله خپل مسلک پرېږدي او د پخلي کاروبار پیل کړي. د یوه موضوع څو زاویې په دې اونیزه خپرونه کې، په افغانستان او د نړۍ په ځینو برخو کې د رسنیو ازادي ته کتنه شوې ده.

د روان کال د فبرورۍ په ۱۸ او ۱۹ د قطر په پلازمینې دوحه کې د افغانستان د وضعیت د ارزولو او د ملګرو ملتونو د ځانګړي همغږي کوونکي او خپلواک ارزونکي د سپارښتنو په تړاو د ملګرو ملتونو د عمومي منشي په کوربتوب، افغانستان لپاره د یو شمیر هیوادونو د ځانګړو استازو او نړیوالو سازمانونو د استازو په ګډون یوه غونډه جوړیږي.

د امریکا متحدو ایالتونو خبرداری ورکړی چې په منځني ختیځ کې د ایران پلوه اورپکو ډلو پر ضد به خپل بریدونو ته دوام ورکړي. په ورته وخت کې، ناټو سازمان خپل ترټولو لوی پوځي تمرینونه پیل کړي دي. د یوې موضوع څو زاویو په دې اونیزه خپرونه کې، په نړۍ کې پوخې شخړو ته کتنه شوې ده.