یوه موضوع، څو زاویې - Voice of America

د ولسمشر جوبایډن مرستیالې کاملا هریس د پنجشنبې په شپه اګست ۲۲ (سنبله لومړۍ) د ایلینوای ایالت په شیکاګو ښار کې د دیموکرات ګوند په کنوانسیون کې د ۲۰۲۴ کال د ولسمشرۍ په ټاکنو کې د خپل ګوند نوماندي په رسمي ډول ومنله.

په تېرو شاوخوا لسو ورځو کې په متحده ایالتونو او ترکیه کې د ځنګلي اورونو څخه نیولي بیا په پاکستان او د پورتوریکو په ټاپو کې تر سېلابونو پورې، نړۍ د اقلیمي بدلون جدي اغېزې تجربه کړې. د یوه موضوع څو زاویې په دې اونیزه خپرونه کې په نړۍ او افغانستان کې د اقلیم د بدلون اغېزو ته کتنه شوې ده.

درې کاله وړاندې په افغانستان کې د امریکا په مرسته رامنځته شوی جمهوري نظام سقوط او طالبان کابل ته ننوتل.د بشري حقونو نقضول یو له هغو مهمو لاملونو ګڼل کېږي چې تر اوسه په نړیواله کچه د طالبانو حکومت په رسمیت نه ‌دی پېژندل شوی. په افغانستان کې د طالبانو د حاکمیت پرمهال د بشري حقونو څځه سرغړونې پر طالبانو له جدي نیوکو او تورونو څخه ګڼل کېږي.

د ډونالډ ټرمپ او کاملا هرېس ټآکنیزو کمپاینونو زور اخیستی دی. ټرمپ د هرېس نژادي هویت تر پوښتنې لاندې راوستی دی او مېرمن هرېس وایي چې رقیب یې ورڅخه له مناظرې کولو وېره لري. د یوه موضوع څو زاویې په دې اونیزه خپرونه کې د متحده ایالتونو د ولسمشرۍ ټاکنیزو هلو ځلو ته کتنه شوې ده.

په افغانستان او نړۍ کې د تودو پيښو تحلیل او څیړنه د امریکا غږ په "یوه موضوع، څو زاویې" ځانګړې خپرونه کې هره شنبه د امریکاغږ د سپوږمکۍ او د ډیجیټلي شبکو له لارې وګورئ.

د جمهوري ریاست له ټاکنیز بهیر څخه د جو بایډن په شا کېدل او په راتلونکو ټاکنو کې له خپل مرستیالې څخه د ډموکرات ګوند د کاندیدې په توګه د ملاتړ اعلان، د پخواني ولسمشر ډونالد ټرمپ د وژلو ناکامه هڅه او د نومبر میاشتې په ټاکنو کې د جمهوري غوښتونکي ګوند د نوماندۍ ترلاسه کولو په ګډون د امریکا وروستیو سیاسي بدلونونو ته د یوه موضوع څو زاویې په دې اونیزه خپرونه کې کتنه شوې ده.

د شمالي اتلانتیک تړون (ناټو) سازمان په واشنګټن ډي سي کې خپله کلنۍ سرمشریزه بشپړه کړه. دغه پوځي سازمان سږکال خپله ۷۵ کلیزه ونمانځله. د ناټو غړو هیوادونو د اوکراین سره د اوږده مهال نظامي ملاتړ او په راتلونکې کې دې تړون کې د غړیتوب د ورکولو ژمنې وکړلې او په چین، ایران او شمالي کوریا یې انتقادونه وکړل چې په اوکراین باندې یرغل کې د روسیې سره مرسته کوي.

په افغانستان او نړۍ کې د تودو پيښو تحلیل او څیړنه د امریکا غږ په "یوه موضوع، څو زاویې" ځانګړې خپرونه کې هره شنبه د امریکاغږ د سپوږمکۍ او د ډیجیټلي شبکو له لارې وګورئ.

د متحده ایالاتو د برحال جمهور رئیس جو بایډن او مخکيني جمهور رئیس ډونالډ ټرمپ ترمنځ د جمهوري ریاست د لومړنۍ انتخاباتي مناظرې وروسته چې ډیرو د ښاغلي بایډن "مایوسوونکې اجرا" بللې، یو شمیر دیموکراتان پدې بحث کوي چې آیا د ۸۱ کلن بایډن پر ځای یو بل کس د جمهوري ریاست سیالیو ته ور وپیژنې که نه.

که څه هم په افغانستان کې د کوکنارو په کښت او د تریاک په تولید کې د پام وړ کمښت راغلی، خو له یو میلیون څخه تر دوه میلیونه خلک په دې هېواد کې په مخدره توکو روږدي دي. د یوه موضوع څو زاویې په دې اونیزه خپرونه کې د کوکنارو د کښت کمښت او بدیل معیشت ته کتنه شوې ده.