بيقولك روح العزا ومتروحش فرح

ودي حقيقه وجودك جمب الناس في وقت الفرح عمره ما هيبقي باهميه وجودك مع نفس الشخص في عزا قطه حتي ليه

وقت الفرح بنكون شخص منتج للطاقه

تخيل بتقول نكته انت مش فارق معاك حد يضحك او لا في الواقع قد ما فارقلك انك من جواك تضحك وتحس بسعاده. انت الشخص المنتج لدا

اما وقت الزعل تخيل لو حبيب ليك حزين

انت كل تفكيرك منصب حول حضن كبير ودواي جروحه بمليون حاجه

محتاجين وقت الحزن اكتر بكتير لانا بنكون الناس المستقبله للطاقة

بيكون صعب فيها نحس اننا وحدنا

صعب لدرجه ان الموت بيكون سهل

عادي جدا تسافر اخر العالم لوحدك.. في الاغلب هتلاقي طريقه ما تنبسط فيها

بس انك تعد وحدك وانت مضايق. بتبقي تقيله جدا

احنا كبشر  وصلنا لمرحله ان بين اي نقيضين شعره

الثقة والغرور بينهم شعره

الصح والغلط احيانا بيكون بينهم شعره

الحب والكره في مواقف بتخليهم اقرب للشعره دي

بطيبعتها كبشر احنا ضعاف لوحدنا فا بنستقوي بحد

وبنتسند عليه وقت ضعفنا

بنحاول نحب ونتحب معاه

وقت وطاقه وفرح

بس وقت حزني بتكون فين ؟! وقت تعبني

وقتها بنركز اوي في كل حد جه وكل حد مجاش

ومره ورا التانيه

بيكون ملهوش قيمه وجوده من عدمه

لانه عمره ما هيكون في صف الناس الي بتاخد خاطر المرحوم

بنتمني نتحضن اكتر لما بنقول اه مش بعد جمله قد اي بحبك

بنتمني حد يطبط عليها بعد كل موقف موتر مش بعد لعب سوا

ياتري انت ميت وسط ناس عايشه

ولا انت عايش وسط الاموات

هل انت الي ماتت مشاعرك

ولا هما الي ماتت مشاعرهم

مين الصح ومين الغلط

مين الي يعاتب ومين متعاتب

انت حالا بتمسع مشكلتي

ولا بتسمع مشكله نفسك  بصوتي

في الاخر مش هيتغير حاجه

كده كده انا وانت هنفضل نعاني من احساس اننا بناخد عزا اموات مشاعرك لوحدنا

بقولك اي ؟؟ هو بيحبونا فعلا

ولا احنا الي بنحبهم

اصل لو كده

يعني احنا هنا لوحدنا بنحكي لبعض ليه.!! وهما فين ؟؟ فاهمني