Viru genee 400 Joer koum e Grupp vun englesche Calvinisten an Amerika un. D'Kolonie, déi si gegrënnt hunn, war net déi éischt vun hirem Hierkonftsland op där anerer Säit vum Atlantik. Si hat awer en enormen Impakt op déi spéider Vereenegt Staaten. D'Ironie vun der Geschicht ass, datt déi Kolonisten just duerch d'Hëllef vun de lokalen Indianer hiren éischte Wanter iwwerlieft hunn - an de gréisste Coup de Théâtre, wéi si et iwwerhaapt fäerdegbruecht hu mateneen ze kommunizéieren. Eng Chronik vum Vincent Artuso.

Mär wëssen et zenter eiser Schoulzäit, wa mer hu missen en Exposé virbereeden a virun der Klass halen : Am meeschte léiert een, wann een dat wat ee geléiert huet, wat ee recherchéiert huet, wat ee geschriwwen huet, anere Leit, de Matschüler, dem Enseignant, engem Publikum presentéiert an dozou Feedbacker kritt. Wann een dono op Froen a Remarquen kann äntweren, déi een zu weiderem Recherchéieren, also zu weiderem Léieren ureegen.

D'lescht Joer huet Lëtzebuerg den honnertste Joresdag vun enger wesentlecher Demokratiséierung vun eiser Verfassung gefeiert: der Aféierung vum allgemenge Stëmmrecht - fir groussjäreg Lëtzebuerger Bierger a Biergerinnen - duerch d'Verfassungsrevisioun vun 1919.

D'Fokusséieren, och bei den Historiker, op d'Aféierung vum allgemenge Stëmmrecht huet awer déi, virun 100 Joer geféiert generell Debatten iwwer d'Verfassungsrevisioun an den Hannergrond gedréckt.

Den Zäithistoriker Jacques Maas geet op d'Ëmstänn an d'Bedeitung vun den Ausenanersetzungen ëm déi konstitutionell Monarchie 1918-1919 an.

Den éischte Streik wäerend der däitscher Besatzung am 2. Weltkrich huet schon am Hierscht 1940 stattfonnt. D'Aarbechter hu géint d'Ugläichung vun de Léin a vun de Präiser zu Lëtzebuerg un deenen an Däitschland protestéiert. Déi Moossnam war supposéiert hir Kafkraaft ze verbesseren, mee huet genau de Géidendeel bewierkt. Den Zouwuess vum Enthusiasmus fir de Nazi-Regimm, deen an de Woche virdrun zu Lëtzebuerg reell war, gouf op eemol gestoppt.

Den 30. Juni huet déi demokratesch Republik Kongo de 60. Anniversaire vun der Onofhängegkeet vun der Belsch gefeiert an de belsche Kinnek huet seng Regrete fir d'Kolonialzäit presentéiert.

An deene leschte Wochen gouf bei der Debatt iwwer de Rassismus hei am Land, am Kontext vum weltwäite Mouvement Black Lives Matters, och ëmmer nees d'Roll vun der kolonialer Geschicht ervirgehuewen. Eng Geschicht déi anscheinend a Vergiessenheet gerode wier. Den Zäithistoriker Régis Moes iwwer déi Lëtzebuerger Kolonialgeschicht am belsche Kongo

Mir liewen zu Conflans-Saint-Honorine, zu Medvezhegorsk, zu Addis Abeba, zu Bagdad, zu Medellin an enger Welt, an där Idealer wéi Fräiheet a Gerechtegkeet mat Féiss getrëppelt ginn, mee Bierger a Biergerinnen ëmmer nees de Courage hu sech dofir anzesetzen. Dozou den Zäithistoriker Denis Scuto

De 15. Oktober huet de franséische Soziolog an Historiker Pierre Birnbaum, am Neimënster, säi lescht Buch presentéiert: "La leçon de Vichy". Do erzielt hie fir d'éischte Kéier och seng eege Geschicht - hien, deen als jüddescht Kand vu franséische Bauere virun de Polizei vum Vichy-Regimm geschützt gouf, an dee spéiderhin de franséische Staat a senge Recherchë verherrlecht huet. Et ass eng spannend a schmäerzhaft Konfrontatioun tëschent perséinlechen Erënnerungen a Geschichtsschreiwung, fënnt de Vincent d'Artuso.

Den 2. August 1980 um 10:25 Auer explodéiert am Wartesall vun der Gare zu Bologna eng Bomm, déi 85 Mënschen ëmbréngt. Den Zäithistoriker Denis Scuto kuckt zeréck op d'Attentat, op iwwer 30 Joer Prozesser an op d'Lienen zu Lëtzebuerg.

Virun 80 Joer gouf den Appell "Heim ins Reich" publizéiert, an deem d'Lëtzebuerger dozou opgeruff goufe sech bedéngungslos fir den Nazi-Regimm ze engagéieren. D'Majoritéit vun de Signatairen hat den Text widderwëlleg validéiert. Net well si d'Kollaboratioun mat Nazi-Däitschland refuséiert hunn, mee well de Gauleiter si gezwongen huet d'Doudesurteel vun hirer Natioun ze ënnerschreiwen. Eng Chronik vum Vincent Artuso

Am Februar 2020 huet e Forum Z vum Lëtzebuerger Zenter fir Zäitgeschicht (C2DH) iwwer d'Geschicht an d'Mémoire vum Holocaust sech zu Mondorf ë. a. mat neie Fuerschungen zur Haltung vum Lëtzebuerger Staat zu de Judden an der Nokrichszäit beschäftegt. Dozou den Zäithistoriker Denis Scuto.