Nan menm sousi pou nou fouye zo nan kalalou, nou te fè yon chita pale avèk Doktè Joël Dumas, ki non selman renmen peyi li men tou ki se yon devwe pou kominote li. Pandan ke li pataje ak nou eksperyans li nan domèn nan, nou te gade avèk li sijè eske medsin tradisyonèl la ak syantifik la kapab genyen yon enpak youn sou lòt. E si li posib ekse l'ap pozitif ou negatif? Mwen swete ou pran plezi nan koute ak aprann nan epizòd sa.

Nou te fè yon ti chita pale ak Wilson Louis (Houngan Yabofè) kote ke nou pale de gagè, pou nou fouye zo nan kalalou konnen kisa ke li ye tout bon. E nou menm arive gade enpak li kapab genyen sou ekonomi peyi an nan ki jan li kapab ba li yon bourad. Nou swete ou pran plezi koute ak aprann nan epizòd sa.

Nou te fè yon ti chita pale ak Wilson Louis (Houngan Yabofè) kote ke nou pale de gagè, pou nou fouye zo nan kalalou konnen kisa ke li ye tout bon. E nou menm arive gade enpak li kapab genyen sou ekonomi peyi an nan ki jan li kapab ba li yon bourad. Nou swete ou pran plezi ak aprann nan epizòd sa.

Ou te pran plezi nan koute 1er pati a?
Kote Inka Oumael Moshe te pase de moman kote li t'ap ini li plis a Vodou a moman kote jounen jodiya se reyalizasyon ak angajman li pran pou Vodou a. Mwen swete ou kontinye pran menm plezi sa nan koute epizòd sa.

Fè eksperyans nan Vodou, ke ou te yon moun ki te deja ladan li oubyen yon moun ki apènn ap fè konesans ak li, renmen chaje ak istwa ki chaje leson ladan li. E souvan se toujou avèk yon plezi ki ap melanje ak seziman k'ap travèse w lè w'ap tande moun k'ap rakonte w eksperyans yo fè yo.
Jean Michel Clermont ke w souvan ka tande sou non Inka Oumael Moshe se youn nan vodouyizan ki genyen anpil pou li rakonte. Se poutèt sa nan podcast sa, epizòd 5, ribrik yon ti zanmi yon ti pale, li se envite nou kote ke li pral pataje ak nou kèk eksperyans li fè, de reyalizasyon li pou avansman Vodou a pami ladan yo Lakou Dantò.

Zanmitay se yon lyen sakre. Se sa anpil moun toujou renmen repete men nan menm koze sa se pa tankou tout moun te respekte oubyen egzikite mo sakre nan sans li ye a vre. Nan epizod sa mwen eseye pale de divès kalite zanmitay ki genyen sitou sou sa ke mwen viv pèsonèlman, sa ke moun nan lantouraj mwen viv tou.

Nou, gen pafwa, konn gen yon defo ou kalite lakay nou, nou anvi chanje. Bezwen chanjman sa konn soti sou divès rezon pami ladan yo swa poutèt ou santi li deranje oubyen moun ap pwofite de ou. Gen yon ensatisfasksyon kèlkonk. Nan epizod sa jodiya nou eseye wè etap oubyen eske li posib pou yon moun fè sa. E si wi kijan?

Depi nou gen yon pwoblèm ki vini anfas nou ki twop pou nou nou renmen vire do bay mèt nou. Nou dwe toujou rete konekte ak mèt nou sitou si w se ougan oubyen manbo.Kelkeswa pwoblèm ki vinn anfas ou a se toujou kenbe pye Lwa ou la. Meditasyon sa se pou ou menm ki renmen vire do bay Bondjè w la lè w santiw pèdi nan pwoblèm ou yo.

Mwen konnen ke depi lè nou leve yo toujou aprann nou pou nou fè bèl enpresyon deyò, kay moun, nan fèt elatriye. Tout sa se yon fason pou nou kapab eseye pa deranje moun ki bo kote nou yo ak moun n'ap fonksyone yo. Men se pa bagay la. Se pa sèlman fè sa deyò, e ou menm? Eske si gen bagay ou te tou genyen li nan ou menm eske w t'ap oblije se lè w deyò pou w'ap chache aji konsa?