Ou menm ki jodiya gen yon bagay ke w'ap chache reyalize men ou gen feblès ou yo ki anpechew avanse? Meditasyon sa se pou ou. Feblès ou ak fason ou ye kapab bloke w nan sa w vle fè. Mwen swete ke apre w finn koute meditasyon sa ou pral reflechi sou nouvo fason ou pral mete sou pye pou w ka avanse.

Li toujou bon pou nou fè efò nan kontwole sa n'ap di, sa n'ap fè. Se poutèt sa nan meditasyon sa nou eseye pale de sa ak ou paske li kapab gen konsekans sou lavi w li te mèt jodiya oubyen demen.

Pafwa yon moun konn fè w yon bagay ki mal se yon fason pou w ka grandi. Se ou menm anko ki ap ka pèmèt evolisyon w fèt daprè fason ou reaji fas a sa moun nan fè w la.

Nan dezyèm epizòd sa jodiya nan ribrik on ti zanmi, yon ti pale mwen pataje ak nou eksperyans mwen avèk cheve natirèl mwen. Sitou an tan ke yon fanm nwa ki gen cheve grenn oubyen cheve krepi. Nou imajine deja tout dilèm mwen pase ak yo sitou depi nan anfans mwen avan mwen resi aksepte yo,aprann konnen yo, renmen yo jan yo ye a.

Epizòd sa mwen pale de moun ki kenbe tout sa yon moun di li oubyen fè li e mwen konseye yo ke gen bagay yon moun fè w oubyen di w se pou w pa twò kenbe sa pou w pa kouri enkrimine moun nan twò rapid.

Nan epizòd sa nou medite sou renmen tèt ou, aprann bay tèt ou valè paske pa gen moun ki ap ka fè sa pou ou.

Nan meditasyon jodiya mwen pale de lè nou ap liminen oubyen lapriyè ak Bondjè a nou ta sipoze prezante devan li ki tip de moun nou ye( defo ak kalite). Gen chanjman nou vle pote nan nou menm se li ki ap ka ede nou fè sa.

Si ou bezwen viv ansanm byen ak yon moun gen tout yon pakèt ti detay, yon pakèt sitiyasyon lè yo parèt devan nou fòk nou kapab aprann jere yo avèk sajès.

Eske vreman gen yon diferans ant abitid ak sitirans? Nan epizòd sila mwen fè yon ti bat bouch sou de seri de abitid nou konn bay men ki pi devan vinn tounen yon aksyon toksik pou ni ou menm ni moun ke w te bay abitid la. Pafwa se pa sa ou konn vle, se pat sa w te gen nan lide ou men kanmenm paske li vinn dejenere fòk ou jwenn yon solisyon.

Genyen diferans lè w kite lanmou mennenw ak lè ou kite santiman w mennen w. Li toujou bon pou w kenbe ekilib la.