በኬንያ፣ ኢትዮጵያ እና ሶማሊያ ዝናቡ በመዘግየቱና በቂ ምርት ባለመኖሩ በሚሊዮን የሚቆጠር ሕዝብ ረሃብ ተጋልጠዋል። የርዳታ ድርጅቶች አስቸኳይ ርምጃ እንዲወሰድ ሲሉ አስጠንቅቀዋል። እንደ መንግሥታቱ ድርጅት ግምት በኬንያ፣ ኢትዮጵያ፣ ኤርትራ እና ሶማሊያ ወደ 13 ሚሊዮን ህዝብ በከፋ ረሃብ እየተሰቃየ ነዉ።

በሶማሌ ክልል ከወራት በፊት በተከሰተው ድርቅ ሳቢያ ሶስት መቶ ሺህ የሚጠጉ እንስሳት ሲሞቱ የመኖ ድጋፍ የሚያስፈልጋቸው እንስሳት ሶስት ሚሊየን ደርሰዋል። በሌላ መልኩ 2.4 ሚሊየን የሚጠጋ ህብረተሰብ ለተረጂነት እንዲጋለጥ ማድረጉን መረጃው ያመለክታል። ለጋሽ አካላት የድርቁ ጉዳት ወደ ከፋ ደረጃ እንዳይሸጋገር የተለያየ ጥረት በማድረግ ላይ ናቸው።