ምሁራንና ባለሙያዎች መድረክ ሃገራዊ ብሔራዊ ምክክሩን አስመልክቶ ያዘጋጀው ጉባኤ ተጀመረ። የመድረኩ ተጠባባቂ ኘሬዚዳንት ኘሮፌሰር ሚንጋ ነጋሽ በተለይ ለዶቼ ቬለ እንዳስታወቁት፤ ጉባኤው የተዘጋጀው በአዲስ አበባ ዩኒቨርሲቲ የኢትዮጵያ ተቋም ጋር በመተባበር ነው።

ሰሞኑን የተካሄደው የብልፅግና ፓርቲ ጉባዔ ሁሉንም ያሰተፈና ዴሞክራሲያዊ እንደነበር አንዳንድ የአማራ ክልል ነዋሪዎች ተናገሩ፣ ሰላምን በክልሉ ለማስፈን ወደ ተግባር በፍጥነት ከመግባት አኳያ ግን አሁንም ጥርጣሬ አላቸው፡፡ ዶይቼ ቬሌ የገንዳውሀ፣ የደሴ፣ የላሊበላና የባሕርዳር ከተሞች ነዋሪዎችን አስተያየት ጠይቋል።

በአንጋፋው የአዲስ አበባ ዩኒቨርሲቲ ትናንት ሌሊት በተማሪዎች መካከል በተፈጠረው ብሔርን መሰረተ ያደረገ ግጭት በርካታ ተማሪዎች መጎዳታቸውን የአይን እማኝ ተማሪዎች ለዶይቼ ቬለ ገለፁ፡፡ አስተያየታቸውን የሰጡን ተማሪዎቹ እንደሚሉት ችግሩ ከተፈጠረ ቀናት ቢቆጠሩም በትናንትናው እለት ግን ወደ አካላዊ ግጭት መሸጋገሩን ተናግረዋል።

ከአክሱም፣ ከመቀሌና ከቆቦ ከተማ ዙሪያ አካባቢዎች የተፈናቀሉ ተፈናቃዮች የቆቦ ከተማን እያጥለቀለቋት እንደሆነ የቆቦ ከተማ ነዋሪዎችና ባለስልጣናት አመለከቱ፡፡ በሰሜን ወሎ የቆቦ ከተማ ከአካባቢውና ከትግራይ በሚመጡ ተፈናቃዮች እጅግ መጨናነቋን ነዋሪዎችና ባለስልጣናት እየተናገሩ ነው፣ በየቀኑ እስከ 5ሺህ ተፈናቃዮች እየገቡ እንደሆነ ተመልክቷል።

በአፋር ክልል የህወሓት ተዋጊዎች በገቡባቸው አምስት ወረዳዎች ውስጥ በየእለቱ ይካሄዳል በተባለው ጦርነት ዜጎች መፈናቀላቸው መቀጠሉን የአከባቢው ተፈናቃዮች ገለጹ፡፡ አስተያየታቸውን ለዶይቼ ቬለ የሰጡት የክልሉ ወረዳዎች ተፈናቃዮች በአከባቢው በየእለቱ የጦርነቱ ዳፋ የሚያፈናቅላቸው ዜጎች ህይወት አደጋ ላይ ነው ብለዋልም፡፡

በአማራ ክልል ዋግኽምራ ብሔረሰብ አስተዳደር የተወሰኑ ወረዳዎች ከህወሓት ሙሉ በሙሉ ነፃ ባይሆኑ፣ በሌሎች አካባቢዎች ትምህርት መጀመሩን የትምህርት ባለሙያዎችና ተማሪዎች አመልክተዋል፣ ሁኔታው የክፍል ጥበት ቢፈጥርም ነፃ ያልወጡ አካባቢ ተማሪዎችም በሰቆጣና በሌሎች የብሔረሰብ አስተዳደሩ ትምህርት ቤቶች ገብተው እየተማሩ መሆኑም ታውቋል፡፡

ኢሰመኮ በአፋር እና አማራ ክልሎች የተፈጸሙ የሰብዓዊ መብቶች እና ዓለም አቀፍ የሰብዓዊነት ሕግ ጥሰቶች ላይ ያደረገውን ምርምራ ዘገባ ዛሬ መጋቢት 2፤ 2014 ይፋ አደረገ። በ153 ገጾች በተዘጋጀው የምርመራ ሪፖርት ኮሚሽኑ በአማራና በአፋር ክልል አካባቢዎች ባሰማራው የሰብዓዊ መብቶች የምርመራ ቡድን የደረሰባቸውን ግኝቶች የሚያሳይ ነዉ።