ጀርመንና የተለያዩ የአዉሮጳ ሃገራት በየሃገራቸዉ ላይ ሁለተኛ ዙር የኮሮና ወረርሽኝ ስርጭት እንዳይነሳ ስጋት አሳድሮአል። ስጋቱ የመጣዉ ወቅቱ የበጋ መዝናኛ ወቅት በመሆኑ ነዉ። ጀርመንን ጨምሮ የተለያዩ የምዕራብ ሃገራት ለኮሮና በሽታ ፍቱን ነዉ የተባለ ክትባት ሙከራ ላይ እንደሆኑ ቢገልፁም እስካሁን ግን ጥቅም ላይ አልዋለም።

የአርቲስት ሃጫሉ ሁንዴሳ ህልፈት ከተሰማ እነሆ 31 ቀናት ተቆጠሩ፡፡ ግድያውን ተከትሎም በተለይ በቤተሰቦቹ ቤት ዘንድ ከፍተኛ የሃዘን ድባብ አሁንም አንዣቦ አለ፡፡ የአርቲስቱ አባትና እናት ያለፈው አንድ ወር ለመላው ቤተሰቦቻቸው ከባድ እንደሆነ ይናገራሉ። እስካሁንም  እውነታውን ለመቀበል እንደተቸገሩ ነዉ፡፡

የፌደራል የመጀመርያ ደረጃ ምድብ ችሎት አራዳ ምድብ የግዜ ቀጥሮ ችሎት ፖሊስ በሕወሓት ከፍተኛ አመራሮች ላይ የ 14 ቀናት የምርመራ ጊዜ ብይን ለመስጠት ተለዋጭ ቀጠሮ ይዞአል። በኢንጂኔር ይልቃል ጌትነት እንዲሁ ፖሊስ የጠየቀዉን ተጨማሪ የ 14 ቀናት ጊዜ ለመወሰን ተለዋጭ ቀጠሮ ሰጥቶአል።