የአማራ ብሄራዊ ንቅናቄ (አብን) 4ኛው የህዝብና ቤቶች ቆጠራ መራዘሙ ተገቢ ቢሆንም፤ በ3ኛው ህዝብና ቤቶች ቆጠራ የተሳተፉ አመራሮች እንዲጠየቁ፣ መንግስት ይቅርታ እንዲጠይቅ፣ ውጤቱም በይፋ እንዲሰረዝ እና ካሳ ለሚገባቸው እንዲከፈል ጠየቀ።

የኢትዮጵያ ክፍላተ-ሃገራት ኅብረት ኢትዮጵያን የሚመለከት ዐሥር ነጥቦችን አንጥሮ በማውጣት የጋራ ዓላማዎቹን ይፋ አደረገ። ኅብረቱ የጎሣ ፖለቲካ እና ጎሠኝነት ከስሞ አንድነት እንዲጠናከር አበክሮ እንደሚሠራ ገልጧል።

መጋቢት 1 ቀን የኢትዮጵያ  ውስጥ ተከስክሶ ለ157 ሰዎች ሞት ምክንያት የኾነው አሜሪካ ሠራሹ ቦይንግ 737 ማክስ 8 አውሮፕላን ችግር ቀድሞውኑም ይታወቅ ነበር ተባለ።

የኢትዮጵያ አውሮፕላን አብራሪዎች ማህበር በኢትዮጵያ አየር መንገድ የአውሮፕላን መከስከስ አደጋ ህይወታቸውን ላጡ የበረራ ሰራተኞች የሀዘን መግለጫ ስነ ስርዓት አካሂዷል። አደጋው ስለ ደረሰበት የአውሮፕላን አይነት ከኢትዮጵያ አየር መንገድ አንድ የበረራ ባለስልጣን ጋር የተደረገ ቃለ ምልልስ ይዘናል። ስለ በረራ መረጃ መመዝገቢያ ሳጥን ከአንድ የአውሮፕላን አብራሪ ጋርም ቆይታ አድርገናል። የቀይ መስቀል የአደጋ ጊዜ ሰራተኞች አደጋው በደረሰበት ቦታ ስለሚያደርጉት ፍለጋም የሚመለከታቸውን አነጋግረናል። እስክንድር ነጋ ትላንት በአዲስ አበባ ጉዳይ ከተደረገ ህዝባዊ ስብሰባ በኋላ ስለታሰሩ ወጣቶች ለDW ቃለ ምልልስ ሰጥቷል።