Ljósmyndarinn, athafnamaðurinn, hlaðvarpsstjarnan og áhrifavaldurinn Helgi Ómarsson mætti til mín í virkilega skemmtilegt spjall ásamt sínum betri helmingi athafnamanninum Pétri Björgvin Sveinssyni.
Helgi hefur verið áberandi undanfarin ár á samfélagsmiðlunum en hefur hann meðal annars lengi verið bloggari á einni vinsælustu bloggsíðu landsins Trendnet ásamt því að stjórna podcast þættinum Helgarspjallið en er hann einnig vinsæll tísku ljósmyndari og fyrirsæta.
Pétur hefur unnið lengi í kringum tískugeirann en þó aðalega séð um viðskiptafræðilegu hliðina. Þessa dagana eru þeir síðan að fara saman af stað í verkefni sem ætti að fá að líta dagsins ljós allra næstu daga en tala þeir einmitt um það í þættinum.
Helgi og Pétur kynntust fyrst fyrir fimmtán árum síðan og voru þeir lengi vel miklir vinir áður en þeir fóru að stinga saman nefjum. Helgi var þó alltaf mjög skotinn í Pétri en Pétur tók lengri tíma í að átta sig á þessu svo Helgi seldi sjálfum sér þá hugmynd að hann hlyti bara að vera heimskur sem var þó meira til að setla sjálfan sig ein eitthvað annað. Það var síðan eitt örlagaríkt kvöld í partýi á Söngvakeppninni sem hlutirnir fóru að gerast og hafa þeir verið saman allar götur síðan og eru í dag trúlofaðir og eiga saman hundinn Nóel.
Í þættinum ræddum við meðal annars um áhuga þeirra á stjörnuspeki, langan aðdraganda sambandsins, reksturinn sem þeir eru að fara saman útí, virðinguna, vináttuna, rómantíkina og margt fleira ásamt því að heyra fullt af skemmtilegum sögum úr þeirra sambandstíð, þar á meðal þegar Helga tókst að finna tvífara Péturs á ljósbláu síðunum.

Þátturinn er í boði:

RÓ-CBD - https://www.rocbd.is/

Dominos  -  https://www.dominos.is/

Smitten  - https://smittendating.com/

Augað - https://www.augad.is/