Leikarinn Hjörtur Jóhann Jónsson mætti til mín í virkilega skemmtilegt og einlægt spjall ásamt sínum Betri helmingi listakonunni og leikmynda hönnuðinum Brynju Björnsdóttur.
Hjörtur hefur nú verið fastráðinn leikari við borgarleikhúsið síðan 2016 og hefur leikið fjöldan allan af hlutverkum og vann til að mynda grímuna árið 2019 fyrir leik sinn í Ríkharði III. Ásamt því að standa vaktina á sviðinu er hann líka búinn að vera áberandi í kvikmyndaheiminum nú síðast í Napoleon skjölunum og hrollvekjunni Óráð.
Brynja er listmálari í grunninn en ákvað hún að sameina ástríðu sína á myndlist og leikhúsi og skellti sér í meistaranám til London og lærði þar leikmyndahönnun árið 2013 og hefur hún síðan þá hannað og unnið að gerð leikmynda fyrir öll helstu leikhús landsins.
Hjörtur og Brynja kynntust fyrst í stúdentaleikhúsinu þar sem þau voru að leika hjón og voru þeirra fyrstu kynni myndataka þar sem þau þurftu að taka brúðkaupsmynd af sér fyrir sviðsmun. Það var þó ekki fyrr en ári síðar að þau fóru að stinga saman nefjum og hafa þau verið saman allar götur síðan eða í rúm 13 ár og giftu sig síðasta sumar, en eiga þau saman tvö börn.
Í þættinum ræddum við meðal annars um leikhúslífið og hvar áhugi þeirra kviknaði á því, fjölskylduna og hvernig það er að samtvinna vinnu og heimili, brúðkaupið, trúlofunina, rómantíkina og margt fleira, ásamt því að heyra margar skemmtilegar sögur úr þeirra sambandstíð, þar á meðal þegar Hjörtur gubbaði bókstaflega af hlátri.

Þátturinn er í boði:

RÓ-CBD - https://www.rocbd.is/

Dominos  -  https://www.dominos.is/

Smitten  - https://smittendating.com/

Augað - https://www.augad.is/