Hlaðvarps stjörnurnar og drauga sérfræðingarnir Stefán John Stefánsson og Katrín Bjarkadóttir mættu til mín í virkilega einlægt og skemmtilegt spjall nú á dögunum.
Katrín og Stefán byrjuðu árið 2020 með podcast þáttinn Draugasögur og hefur verið vægast sagt brjálað að gera hjá þeim í hlaðvarpsframleiðslu en gefa þau út samtals þrjá podcastþætti, Draugasögur, Sannar íslenskar draugasögur og Mystík. En hafa þau bæði brennandi áhuga á yfirnáttúrulegum málefnum.
Stefán og Katrín kynntust fyrst þegar Stefán sendi Katrínu fyrirspurn um að koma í nokkurs konar samstarf við sig fyrir fatalínu sem hann var að framleiða og selja. Þau eyddu miklum tíma tvö saman í fundi og annað slíkt og fundu fljótt að þau væru bara nokkuð skotin í hvort öðru og gerðust hlutirnir hratt hjá þeim í kjölfarið, enda bæði á þeim stað að nenna ekki einhverjum leikjum.
Í dag eru þau gift og eiga samtals fjögur börn sem öll fylgdu þeim úr fyrri samböndum.
Í þættinum ræddum við meðal annars um hlaðvarpið og hvernig það ævintýri hófst allt saman, næmni Katrínar sem hún erfði frá móður sinni, draugaransóknarleiðangra sem þau stunda, fjölskyldulífið, rómantíkina og margt fleira ásamt því að heyra fullt af skemmtilegum sögum úr þeirra sambands tíð þar á meðal ansi óhefðbundum brúðkaupsdegi.

Þátturinn er í boði:

RÓ-CBD - https://www.rocbd.is/

Dominos  -  https://www.dominos.is/

Smitten  - https://smittendating.com/

Augað - https://www.augad.is/