Leikkonan og langhlauparinn María Thelma Smáradóttir mætti til mín í stórskemmtilegt og einlægt spjall ásamt sínum betri helmingi boxaranum, Íþrótta og viðskiptafræðingnum Steinari Thors.
María er leikkona að mennt og hefur unnið fjölbreytt verkefni innan þess geira en fyrsta verkefnið hennar var að stærri gerðinni þar sem hún lék eitt tveggja hlutverka í myndinni Arctic á móti leikaranum Mads Mikkelssen. Þar fyrir utan hefur hún leikið í mörgum íslenskum þáttaröðum sem og starfað við Þjóðleikhúsið en mun hún einmitt stíga þar á svið á næsta leikári.
Steinar er íþróttafræðingur að mennt en var hann um langt skeið yfirþjálfari Mjölnis en var hann einmitt einn fremsti boxari landsins um á sínum tíma. Í dag vinnur hann hjá sprotafyrirtækinu Straumi ásamt því að stunda meistaranám í viðskiptafræði.
Bæði vinna þau svo hörðum höndum í framkvæmdum en eru þau þessa stundina að koma íbúð sinni í stand.
María og Steinar hafa ólíka sýn á þeirra fyrstu kynnum en höfðu leiðir þeirra legið saman af og til í gegnum tíðina bæði í kringum líkamsrækt en svo einnig á kvikmyndasetti en var Steinar áhættuleikari í seríu sem María var að leika í. Það var svo eitt kvöldið að María laumaðist inná Tinder og sá Steinar þar og ákvað hún þá og þegar að þessum manni ætlaði hún að giftast. Hún sendi honum skilaboð og fóru þau að deita í kjölfarið. Eftir langt deittímabil og smá hikst náðu þau svo að stilla strengi sína og hafa þau verið saman allar götur síðan, eru trúlofuð og spennandi tímar framundan.
Í þættinum ræddum við meðal annars framkvæmdirnar og málamiðlanir, lífið í leiklistinni og hvernig það var að fá svona stórt verkefni í byrjun ferilsins, boxið og viðskiptalífið, snilldina við sambandsráðgjöf, rómantíkina og margt fleira ásamt því að heyra fullt af skemmtilegum sögum úr þeirra sambandstíð þar á meðal þegar María strauk Steinari í svefn í upphafi sambandsins.

Þátturinn er í boði:

Góu - http://www.goa.is/

RÓ-CBD - https://www.rocbd.is/

Dominos  -  https://www.dominos.is/

Smitten  - https://smittendating.com/