Electronic Arts. Fyrirtækið sem svífist einskis við að plokka peningana af þér.

Í þessum lokaþætti þríleiks Tölvuleikjaspjallsins um “The Evil Empire” fara Arnór Steinn og Gunnar yfir sögu EA frá sirka 2010. Star Wars samningurinn, ævintýralegur gróði, skuggalegir viðskiptahættir, Battlefront fíaskóið og margt, MARGT fleira.

Eins og ef til vill sést, þá er af nægu að taka. Þessi áratugur var sérstaklega áhugaverður og Electronic Arts hefur þróast mikið – það er undir ykkur komið að ákveða hvort þróunin sé jákvæð eða neikvæð.

Í lokin reyna drengirnir að slá á létta strengi og segja eitthvað jákvætt um eitt stærsta tölvuleikjafyrirtæki jarðar. Það hlýtur nú að vera eitthvað, ekki satt?

Ef þið eruð ekki þegar búin að því, þá mælum við eindregið með því að þið hlustið á hina tvo þættina í þríleiknum. Fyrsti þátturinn heitir „Skrýmslið fæðist“ og annar heitir „Skrýmslið nærist.“

Hvað finnst þér um EA? Misskilið snilldar fyrirtæki eða réttilega gagnrýnd ill samsteypa?

Þátturinn er í boði Elko Gaming og Hringdu.