Eit svensk og finsk Nato-medlemskap vil få reaksjonar, seier russisk UD i dag. Det er ei spennande helg for våre nordiske naboar, som ønsker å bli våre allierte.

Krigen i Ukraina har flytta seg austover i landet. Betyr det at det er eit snev av kvardag i hovudstaden Kyiv? Me har snakka med ei som har flytta tilbake.

Noreg vart nyleg rangert som verdas tryggaste land for journalistar. Andre stader er verklegheita heilt annleis. Me skal til både Mexico og Vestbreidda, der journalistdrap pregar nyheitene.

Regjeringa kom med eit rekordstort bistandsbudsjett denne veka, men likevel haglar kritikken.

Kva er det regjeringa har funne på, og får bistandsbransjen svar på sine spørsmål når utviklingsministeren besøker Urix på laurdag?

Også skal me innom ei paradisøy i djup politisk krise, og ei fersk lov i Frankrike som er meint å hjelpe kristne homofile. Hør episoden i appen NRK Radio