Dómarinn, Eftirlitsmaðurinn, Fyrrum stjórnarmaður KKÍ og formaður dómaranefndar en umfram allt körfubolta áhugamaðurinn Rúnar Birgir Gíslason var gestur vikunnar á Endalínunni. Rúnar Birgir er Skagfirðingur sem er flestum kunnugur í körfuboltaheiminum hér á landi þó svo að hans tími sem leikmaður í körfubolta sé ekki viðamikill. Hann hefur verið viðloðinn dómgæslu frá árinu 1994 og verið í mörgum störfum innan körfuboltahreyfingarinnar síðustu 25 árin. Rúnar fer með okkur í gegnum þetta ferðalag og talar við okkur um dómgæsluna , fyrsta leikinn í flauelsbuxunum , gráu gallana, framfarirnar, ritaraborðin og hvernig það er að vera dómari og hvaða vinna liggur þar að baki. Einnig er Rúnar hafsjór af fróðleik um íslenskan körfubolta og er mikill grúskari sem á tölfræði yfir ótrúlegustu hluti sem við förum aðeins yfir , sem dæmi tölfræði um tæknivillur og U-Villur sem er virkilega áhugaverð og svo hvaða leikmaður hefur fallið oftast úr úrvalsdeild karla. Við fáum hann svo að lokum til að segja okkur frá bókinni sem hann er að vinna að ásamt félaga sínum Gunnari Frey Steinssyni, en þeir eru að kryfja sögu íslensks körfubolta og við fáum smá innsýn inní þessa vinnu. Allt þetta og meira til í frábæru spjalli beint úr WhiteFox stofunni  í boði Podcast Stöðvarinnar , BudLight og WhiteFox.