Þórarinn ræðir við Sigríði Mogensen, sviðsstjóri iðnaðar- og hugverkasviðs SI og formaður ráðgjafarnefndar EFTA, um iðnað á Íslandi.
 
- Hvernig skaðaði Halla Hrund Logadóttir, fyrrum orkumálastjóri, umræðuna um orkumál?
- Er Íslandi betur borgið innan ESB?
- Mun Valkyrjustjórnin vera stjórn verðmætasköpunnar?
- Afhverju er erlend fjárfesting álitin tortryggileg?


Þessum spurningum, og fjölmörgum fleirum, er svarað hér.

Þórarinn ræðir við Björn Berg Gunnarsson, ráðgjafa, rithöfund og fyrirlesara, um jólahagfræði, ábyrgð foreldra, stjórnmálin og margt fleira.

- Ætla foreldrar að bíða eftir því að kerfið kenni börnunum að reima skóna?
- Er skynsamlegt að taka Netgíró lán?
- Mun Valkyrjustjórnin leggja grunn að verðmætasköpun?

Þessum spurningum er svarað hér.

Halldór Armand skrifaði nýlega bók sem að heitir Mikilvægt rusl og fjallar um sorphirðufólk á tímum hrunsins. Í upphafi hlaðvarpsins er rætt stuttlega um bókina en þorri hlaðvarpsins fer í að ræða listamannalaun, hugmyndafræði og stjórnmálin.


- Er maður líklegri til að fá listamannalaun ef maður skrifar um loftslagskvíða á Gaza?
- Eru stjórnmálaflokkar raunverulega femínískir?
- Er fyrirtækjum á Íslandi raunverulega annt um fjölbreytileikann?
- Voru hvítir karlar afhöfðaðir við úthlutun listamannalauna?


Þessum spurningum er svarað hér.

Guðmundur Hafsteinsson, eða Gummi, hefur gefið út bók sem ber heitið Gummi. Í bókinni fjallar hann um litríkan feril í tæknigeiranum en hann kom að vinnslu Siri, Google Maps og fjölda annarra smáforrita í vinnu sinni fyrir stærstu fyrirtæki heims í tæknigeiranum, bæði Apple og Google. Í þessum þætti er farið yfir vítt svið og Guðmundur spurður eftirfarandi spurninga:


- Verður Evrópa eftirbátur framþróunar vegna takmarkanna á gervigreind?
- Hefði Google getað orðið til á Íslandi?
- Er Ísland í sóknartækifæri til þess að verða frumkvöðull á sviði gervigreindar?

Til að styrkja þetta framtak má fara á www.pardus.is/einpaeling

Þórarinn og Jakob Birgisson fara um víðan völl. Í upphafi er rætt um stjórnmálin og úrslit kosninganna, trúverðugleika flokkanna, símanotkun barna, kulnun, bakslagið og margt fleira.

Erna Mist, listmálari, mætir til þess að ræða hina ýmsu hluti er varðar list. Fjallað er um stjórnmálin, rétttrúnaðinn, menningarminni, athyglishagkerfið, listamannalaun og margt fleira.


- Hvað þýðir það þegar höfuðborgin hættir að vera íslensk?
- Er list nútímans trójuhestur hugmyndafræði?
- Geta unglingar höndlað farsíma athygliskerfisins?

Þórður Gunnarsson er hlustendum kunnugur, hagfræðingur sem hefur marga hatta. Að þessu sinni er rætt um niðurstöður kosninga, orkumál, vinstrið, borgarlínu og margt fleira.


- Er loftslagsiðnaðurinn innihaldslaus kjaftaklúbbur?
- Mun Dagur B. taka við Samfylkingunni?
- Hver verður næsti formaður Sjálfstæðisflokksins?


Þessum spurningum er svarað hér.

Til að styrkja þetta framlag má fara á www.pardus.is/einpaeling

Björgvin Ingi Ólafsson er meðeigandi hjá Deloitte á Íslandi og sinnir hinum ýmsum verkefnum sem ráðgjafi hjá hinu opinbera og víðar. Í þessum þætti ræðir Þórarinn við hann um úrslit kosninganna, ráð til næstu ríkisstjórnar, Willum Þór og árangur í heilbrigðiskerfinu, ESB, gervigreind, nýsköpun og skólakerfið.

Þórarinn ræðir við Þorstein V. Einarsson, frumkvöðul á sviði kynjamála og hlaðvarpsstjórnandi. Fjallað er um hina ýmsu hluti er varðar kosningarnar en stór hliðarskref einnig tekin. Rætt er um Miðflokkinn, Vinstri Græna, hvaða flokkar geti talist femíniskir, og:

• Er kynjafræði vísindagrein?
• #MeToo
• Vísindaleg vinnubrögð
• Hvernig horfir búrkan við Þorsteini
• Rasismi
• Rétttrúnaður
• Woke
• Margt fleira.

Njótið!

Þórarinn ræðir við Víði Reynisson, oddvita Samfylkingarinnar í Suðurkjördæmi um:

- Útlendingamál og landamærin
- Ferðaþjónustuna 
- Stjórnmálin og jafnaðarmennsku
- ESB
- Flugvöllinn í Reykjavík
- Margt fleira.

Njótið!