【阿门粤语课第300期】

今日句子：

不知不觉做到300期，第1-100期其实我觉得好攰。因为万事起头难，播音、写文字、搞气氛其实都唔系我擅长嘅事。所以如果有由头听到落尾嘅同学都知，其实一开始嘅内容真系冇咩方向，亦都唔排除有错误。到咗而家300期，其实我已经好熟手，形成习惯。我惗，每个人坚持做一样嘢，好难做唔好。所以理智嘅我，其实冇咩太大嘅喜悦。识我嘅人都知道，其实我份人，好安静，我根本就唔想讲嘢。

本质上我内心觉得世界上大部分人系弱X冇脑嘅存在，其中大半喺中国。我就系一个咁样，非常孤傲，傲慢，冷酷嘅人，甚至不近人情。世界上太多笑面虎，太少真老虎。

我嘅严格，孤傲其实系一种一视同仁。我唔会因为你系咩背景，咩收入就区别对待。你首先要过咗我把称，得到我嘅认可，我先会睇得起你。我觉得呢种其实系更高等嘅仁慈，博爱，甚至浪漫。

我嘅阿门粤语课，同我一样，对学生，听众一样有要求。佢嘅内容就决定咗，全中国大部分人系冇办法坚持去学嘅，好大一部分人系会半途而废嘅，就好似佢哋做其他嘢一样。因为难度会越嚟越高，涉及嘅内容会越嚟越多。其实呢个亦都系一种考验，对你嘅思维可唔可以去不断进化嘅考验。因为每个人都有偏见，我讲嘅都可能只系偏见，我嘅偏见同你唔同嘅时候，你会唔会趁机去进化自己嘅偏见？

阿门粤语课第四季嘅内容模式唔会有改变，目前7分钟左右嘅内容时长，我大概要用30分钟准备，系比较适合嘅。我相信，你跟住我，一路行落去，你会比绝大部分人优秀。因为呢个系理所当然嘅。

暂停更新两日。

第四季阿门粤语课，再见。

历史的今天：

1998年8月31日深夜，中关村海淀剧场前的广场上，丝毫没有夜半应有的宁静。从午夜零点开始，微软的Window98中文版在这里首发。一大批记者和部分国内软件公司的员工在人群后静静观望。

首发式还没有正式开始，在绚烂灯光照耀的台前，心急似火的电脑爱好者已经排起了长队，一时间，已看不出到底有多少人。站在远处的人，望着这突如其来的热闹场面，恍忽间，浮起一种不太真实的感觉。

今日俗语：

郇 

 解释：音笋，上佳、绝好、优质。 
 起源：唐代韦陟袭封郇国公，喜欢吃，穷奢于找美味食物，有“郇公厨”之美号。郇由此变成美、好形容词