【阿门粤语课第332期】

今日句子：

#广府中秋味#

相传从前广东，有一个心地善良嘅老人，叫张古老，见穷人冇鞋着，就发明咗草鞋。佢得闲嘅时候就打草鞋送俾啲穷人，深得人们嘅爱戴。当时有个财主，知道咗哩件事，认为系一个生财之路，要张古老帮佢整草鞋嚟卖，而且要将整草鞋嘅技艺交俾佢嘅家丁。张古老一口拒绝，财主一怒之下将张古老打成重伤吐血。8月15号嗰晚，张古老知道自己命不久矣。恐怕整草鞋嘅技艺会失传，就忍住伤痛同埋病痛，担起个拐杖就叫邻居过嚟帮手。佢喺月光之下教大家打草鞋，但系张古老净係教到第一步打鞋底，就吐血身亡喇。从此之后呢，草鞋都系有底冇面，安几隻耳仔，用绳穿上去，绑住隻脚咁就算喇。嗰啲人嘅悲痛万分噉样安葬咗张古老。话张古老升仙，喺月亮度打草鞋，隔离有只玉兔帮佢整中药。人们为咗纪念距就系8月15号佢升仙嗰晚，用佢生前好中意食嘅芋头同田螺去拜祭佢，仲点埋灯笼，恭候张古老回人间。之后呢，挂灯，食芋头，吮田螺就成为咗广州同埋南番顺一带贺中秋嘅独特习俗。

历史的今天：

10月2日系国际非暴力日，圣雄甘地嘅生日。

今日俗语：

胆生毛