ཨ་རིའི་རླུང་འཕྲིན་ཁང་།

ཐེངས་འདིའི་རྩོམ་སྒྲིག་པའི་གཏམ་ཚོགས་ནང་ཉེ་དུས་ཨ་རིའི་ནང་ཡུལ་བསྐོར་གྱི་གུང་གསེང་དུ་བསྐྱོད་པའི་ཉམས་མྱོང་ངོ་སྤྲོད་བྱས་པ་དང་ཆབས་ཅིག དེ་སྔོན་རྒྱ་གར་ནང་དུ་ནང་པའི་གནས་ཆེན་ཁག་ལ་གནས་བསྐོར་བསྐྱོད་པའི་ཚོར་སྣང་གཉིས་སྡུར་ཚད་བྱས་པ་དེ་གསན་རོགས་གནང་།

ཉིན་ལྟར་ཐོན་བཞིན་པའི་བོད་དང་ཨ་རིའི་གསར་འགྱུར་ཁག་དང་། འཛམ་གླིང་གསར་འགྱུར་ཁག་རྒྱང་སྲིང་ཞུས་པ་ཕུད། དེ་མིན་དམིགས་བསལ་ལེ་ཚན་ཁག་ཅིག་རྒྱང་སྲིང་ཞུ་བཞིན་ཡོད།

༄༅།། ཨུ་རུ་སུས་ཡུཀ་རེན་ལ་བཙན་འཛུལ་བྱས་ནས་རྒྱལ་ཁབ་དེའི་ཤར་ཕྱོགས་ས་ཁུལ་གྱི་སི་ཝེ་རོ་ཌོ་ནེ་ཛིཀ་གྲོང་ཁྱེར་འཕུར་མདེལ་གྱིས་གཏོར་རྒོལ་དྲག་པོ་བྱེད་བཞིན་ཡོད་ཅིང་། ད་ལྟ་གྲོང་ཁྱེར་དེའི་སྲང་ལམ་ཁག་དང་ཁང་ཆེན་རེ་རེ་བཞིན་གཏོར་བཤིག་གཏོང་གི་ཡོད་ཀྱང་ཡུཀ་རེན་གྱི་དམག་གིས་འགོག་རྒོལ་གང་ཐུབ་བྱེད་བཞིན་ཡོད་པའི་སྐོར།

༄༅།། ཨུ་རུ་སུས་རྒྱ་གར་དང་རྒྱ་ནག་གཉིས་ལ་རྡོ་སྣུམ་ཕྱིར་ཚོང་བྱ་རྒྱུ་སྔར་ལས་ཇེ་མང་དུ་བཏང་ཡོད་ཅིང་། ཡུ་རོབ་མཉམ་འབྲེལ་གྱིས་ལོ་མཇུག་བར་དུ་ཨུ་རུ་སུའི་རྡོ་སྣུམ་བརྒྱ་ཆ་༩༠་ནང་འདྲེན་བྱ་རྒྱུ་ཉུང་དུ་གཏོང་འཆར་ཡོད་པའི་སྐོར།

༄༅།། སིངྒ་ལར་བཟའ་འབྲུའི་ཐོན་སྐྱེད་བརྒྱ་ཆ་༥༠་ཉུང་དུ་ཕྱིན་ཡོད་པའི་རྐྱེན་གྱིས་རྒྱལ་ཁབ་དེར་དཔལ་འབྱོར་ཉམས་རྒུད་ཀྱི་དཀའ་ངལ་འཕྲད་བཞིན་པ་དེ་བས་ཀྱང་ཇེ་སྡུག་ཏུ་འགྲོ་ཤས་ཆེ་ཞེས་ཆེད་ལས་པ་ཚོས་ཉེན་བརྡ་བཏང་ཡོད་ཅིང་།

༄༅།། རྒྱ་ནག་གིས་ཧྥི་ལིན་ཕིན་གྱི་ཉ་པ་ཚོར་ཉ་འཛིན་མི་ཆོག་ཅེས་བཀག་སྡོམ་བྱས་ནས་སུན་གཙེས་བྱས་པར་ཧྥི་ལིན་ཕིན་གྱིས་ཁོང་ཁྲོ་དྲག་པོས་ངོ་རྒོལ་བྱས་འདུག

༄༅།། སོག་ཡུལ་ཨུ་རུ་སུ་དང་རྒྱ་ནག་གི་མཉམ་འབྲེལ་མནའ་མཐུན་ཁོངས་སུ་ཞུགས་དགོས་ཞེས་ཁྱིམ་མཚེས་རྒྱལ་ཁབ་གཉིས་ཀས་གནོན་ཤུགས་ཆེན་པོ་སྤྲོད་ཀྱི་ཡོད་པའི་སྐོར། གསར་འགྱུར་བརྒྱུད་ལམ་ཁག་ཏུ་ཐོན་པའི་གནས་ཚུལ་ཁག་ཅིག་རྒྱལ་མཚན་ཚེ་རིང་གིས་ཕྱོགས་བསྒྲིགས་དང་སྙན་སྒྲོན་ཞུ་ཡི་རེད།

ཉིན་ལྟར་ཐོན་བཞིན་པའི་བོད་དང་ཨ་རིའི་གསར་འགྱུར་ཁག་དང་། འཛམ་གླིང་གསར་འགྱུར་ཁག་རྒྱང་སྲིང་ཞུས་པ་ཕུད། དེ་མིན་དམིགས་བསལ་ལེ་ཚན་ཁག་ཅིག་རྒྱང་སྲིང་ཞུ་བཞིན་ཡོད།

༄༅།། ཨ་རིའི་གྲོས་ཚོགས་གོང་མའི་འཐུས་མི་ཊ་མི་ཌག་ཝོར་ཐེ་མཚོ་གླིང་ཡུལ་གྲུ་ཐེ་ཝན་ལ་འཚམས་འདྲིར་ཕེབས་ཏེ་སྲིད་འཛིན་ཚེ་དབྱིན་ཝེན་ལ་ཐུག་འཕྲད་གྲོས་མོལ་བྱས་ཡོད་ཅིང་། ཨ་རིའི་ཡུལ་སྲུང་དམག་དང་ཐེ་ཝན་གྱི་རྒྱལ་སྲུང་དམག་དཔུང་མཉམ་འབྲེལ་བྱ་རྒྱུའི་འཆར་འགོད་བྱེད་ཀྱི་ཡོད་ཅེས་གསལ་བསྒྲགས་སྤེལ་ཡོད་པའི་སྐོར།

༄༅། ཨུ་རུ་སུའི་སྲིད་འཛིན་ཕུ་ཊིན་ལ་ནད་གཞི་ལྗིད་པོ་ཞིག་ཕོག་སྟེ་འཆི་གྲབས་ཡོད་པ་རེད་ཅེས་གནས་ཚུལ་ཞིག་ཡང་ནས་ཡང་དུ་ཁྱབ་ཀྱི་ཡོད་ཀྱང་ཕྱི་སྲིད་བློན་ཆེན་ལཱ་ཝ་རོབ་ཀྱིས་ཕུ་ཊིན་བདེ་ཐང་མིན་པའི་སྦིར་གཏམ་དེ་བདེན་པ་མ་རེད་ཅེས་དག་སྐྱེལ་བྱས་ཡོད་པ་བཅས་ཀྱི་སྐོར།