Á tónsviðinu

Á tónsviðinu

By RÚVMusic
Download on the App Store

All Á tónsviðinu episodes

  • Lög við ljóð Byrons
    Á þessu ári eru liðin 200 ár frá andláti Byrons lávarðar, eins frægasta skálds Breta, en hann dó í apríl 1824. Í tilefni af því verður þátturinn "Á tónsviðinu" helgaður lögum við ljóð Byrons. Byron var afar umtalaður meðan hann lifði, ekki aðeins fyrir skáldsnilld, heldur líka fyrir fjöllyndi í ástum og vafasamt líferni. Margir dýrkuðu hann sem skáld og hann hafði mikil áhrif á íslensk skáld, til dæmis samdi Grímur Thomsen meistaraprófsritgerð um hann við Kaupmannahafnarháskóla árið 1845 og Steingrímur Thorsteinsson þýddi mörg ljóð eftir hann. Meðal tónskálda sem sömdu lög við ljóð Byrons voru Robert Schumann, Felix Mendelssohn, Fanny Mendelssohn Hensel, Nikolai Rimskí-Korsakov og Maude Valerie White. Umsjón með þættinum hefur Una Margrét Jónsdóttir og lesari er Gunnar Hansson.
    49 min
  • Sorglegir atburðir árið 1847
    Í þættinum verður fjallað um ár í tónlistarsögunni sem verður að teljast að mörgu leyti sorglegt, að minnsta kosti settu sorglegir atburðir svip á þetta ár þegar litið er til fjögurra merkra tónskálda. Tónskáldin eru systkinin Felix og Fanny Mendelssohn og hjónin Robert og Clara Schumann, og árið er 1847. Öll tónlist sem flutt verður í þessum þætti er samin það ár eða tengist því. Þar á meðal eru þættir úr píanótríóum eftir Clöru Schumann og Fanny Mendelssohn, konsertþáttur í f-moll eftir Clöru Schumann, sönglagið "Auf der Wanderschaft" (Á veginum) eftir Felix Mendelssohn og söngdúettinn "Wiegenlied am Lager eines kranken Kindes" (Vögguljóð við rúmstokk hjá veiku barni) eftir Robert Schumann. Umsjón með þættinum hefur Una Margrét Jónsdóttir og lesari er Þorgerður E. Sigurðardóttir.
    52 min
  • Matur og drykkur í óperum
    Í þættinum er fjallað um óperuatriði þar sem matur og drykkur kemur við sögu. Meðal annars verður flutt atriði úr óperunni "Don Giovanni" eftir Mozart, þar  sem aðalpersónan situr að snæðingi, atriði úr "Hans og Grétu" eftir Humperdinck, þar sem Hans og Gréta gæða sér á kökunum af kökuhúsi nornarinnar, og atriði úr "Þrymskviðu" eftir Jón Ásgeirsson þar sem Þór er dulbúinn sem Freyja og þykir borða grunsamlega mikið.
    52 min
  • Draugar og vofur
    Í þessum þætti fá draugar og vofur að láta til sín heyra, en það eru yfirleitt fremur meinlausir draugar. Meðal annars verður leikinn Draugadans sem Karl O. Runólfsson samdi fyrir leikritið "Skugga-Svein", píanóverkið "Ærsladraugurinn" eftir William Bolcom og söngurinn "Skrämd spökvisa" (Vísa hrædda draugsins), lag eftir Ernu Tauro við texta eftir Tove Jansson. Einnig verður fluttur 2. kafli úr píanótríói í D-dúr ópus 70 nr.1 eftir Ludwig van Beethoven, en verkið er kallað Vofutríóið. Það nafn er samt ekki frá Beethoven komið, heldur fannst nemanda hans, Czerny, annar þáttur verksins hafa draugalegan blæ. Umsjón með þættinum hefur Una Margrét Jónsdóttir.
    51 min
  • Hugleiðingar í tónum
    Í þættinum verða leiknar hugleiðingar í tónum, en ekki er óalgengt að tónsmiðir kalli verk sín hugleiðingar. Á erlendum málum er oftast notað orðið "meditation" og meðal þeirra tónsmíða sem fluttar verða í þættinum er "Méditation" úr óperunni "Thaïs" eftir franska tónskáldið Jules Massenet. Sú tónsmíð er sérlega vinsæl og oftast leikin á einleiksfiðlu með hljómsveit, en í þættinum verður hún leikin í sinni upprunalegu gerð, eins og hún hljómar í óperunni, og þar er kór með. Einnig verða fluttar "hugleiðingar" eftir Claude Debussy, Antonio Carlos Jobim, Jórunni Viðar, Önnu Þorvaldsdóttur og fleiri. Umsjón með þættinum hefur Una Margrét Jónsdóttir og lesari er Björn Þór Sigbjörnsson.
    49 min