भारतात दर महिन्याला एक नवीन इलेक्ट्रिक व्हेईकल लाँच होतेय. टाटा, महिंद्रा, हिरो, बजाजसह BYDसारख्या दिग्गज चिनी कंपन्याही भारतात विजेवर चालणारी गाडी विकू लागल्यात. या गाड्यांमध्ये असतात लिथियम आयन बॅटऱ्या, ज्या आपल्या फोन आणि लॅपटॉपमध्येही असतात, आणि ज्या पुन्हा-पुन्हा चार्ज केल्या जाऊ शकतात.

आज अनेक देश पेट्रोल आणि डिझेल सोडून ग्रीन एनर्जीकडे वाटचाल करू पाहत आहेत. त्यामुळे भविष्यात लिथियम बॅटरींचा वापर आणखी वाढेल, यात शंका नाही. पण लाकडापेक्षाही हलक्या अशा लिथियम धातूच्या किमती गेल्या दीड-दोन वर्षांत चार पटींनी वाढल्या आहेत. अशात जगात लिथियमचा साठा पुरेसा आहे का, हा प्रश्न विचारला जातोय.

तर आज गोष्ट दुनियेची ऐकताना आपण याच प्रश्नाचं उत्तर शोधणार आहोत की, भविष्याच्या गरजा पाहता आपल्याकडे पुरेसं लिथियम आहे का?

मूळ निर्मिती - द इन्क्वायरी, बीबीसी न्यूज