ഇക്കഴിഞ്ഞ ദിവസം കെംപ്റ്റണ്‍ പ്രെസ്ലി എന്നു പേരുള്ള ഒരു അമേരിക്കക്കാരന്‍ കൗതുകമുണര്‍ത്തുന്ന ഒരു കാര്യം അദ്ദേഹത്തിന്റെ ട്വിറ്റര്‍ ഹാന്‍ഡിലില്‍ പങ്കു വെച്ചു. സംഭവം അയാളുടെ ഒന്‍പതു വയസ്സുള്ള മകന്‍ എഴുതിയ ഒരു കത്താണ്. പ്രിയപ്പെട്ട ഇലോണ്‍ മസ്‌കിനെഴുതിയ ആ കത്തിന്റെ വിശേഷങ്ങള്‍ കേള്‍ക്കാം. തയ്യാറാക്കി അവതരിപ്പിച്ചത് മേഘ ആന്‍ ജോസഫ്. എഡിറ്റ് ദിലീപ് ടി.ജി

പാരീസിലെ പ്രസിദ്ധമായ ലാ സാന്റെ ജയിലില്‍ 1947-ല്‍ ഒരു ജയില്‍ചാട്ട ശ്രമം നടന്നു. ഏതാനും കുറ്റവാളികള്‍ ചേര്‍ന്ന് തടവറയുടെ തറതുരന്ന് തുരങ്കം നിര്‍മിച്ച് പുറംലോകത്തെത്താന്‍ ശ്രമിച്ചതായിരുന്നു ആ സംഭവം. ജയിലില്‍ നിത്യം ഉപയോഗിക്കുന്ന വസ്തുക്കളുപയോഗിച്ചായിരുന്നു തുരക്കല്‍. വിജയത്തോടടുത്തുവെങ്കിലും ആ ശ്രമം പരാജയത്തിലാണ് കലാശിച്ചത്. ഈ സംഭവത്തെ അടിസ്ഥാനമാക്കി 1960-ല്‍ ജാക്ക് ബേക്കറുടെ സംവിധാനത്തില്‍ ഒരു ചിത്രം പുറത്തിറങ്ങി. ലേ ത്രൂ എന്ന ആ ചിത്രത്തില്‍ മുഖ്യവേഷത്തിലെത്തിയത് അന്നത്തെ ആ ജയില്‍ചാട്ടം ആസൂത്രണം ചെയ്ത ജീന്‍ കെറൗഡിയായിരുന്നു. 1957-ല്‍ ജോസ് ജിയോവാനി എഴുതിയ ദ ബ്രേക്ക് എന്ന പുസ്തകത്തെ അടിസ്ഥാനമാക്കിയായിരുന്നു തിരക്കഥ. തയ്യാറാക്കി അവതരിപ്പിച്ചത് അഞ്ജയ് ദാസ് എന്‍.ടി

ഒരു സാധാരണ സര്‍ക്കാര്‍ സ്‌കൂളിലാണ് പത്മനാഭന്‍ പഠിച്ചത്, കരമന ഗവണ്‍മെന്റ് സ്‌കൂളില്‍. 1963-1972 കാലത്ത് അവിടെ പഠിക്കുമ്പോള്‍, ആ കുട്ടി ഗണിതത്തില്‍ മറ്റുള്ളവരെക്കാള്‍ മുന്നിലായിരുന്നു എന്നത് ഒഴിച്ചാല്‍, മറ്റ് കാര്യങ്ങളിലൊന്നും വലിയ കഴിവ് പ്രകടിപ്പിച്ചില്ല.തയ്യാറാക്കിയത് ജോസഫ് ആന്റണി, അവതരണം റെജി പി ജോര്‍ജ് എഡിറ്റിങ് ടി.ജി ദിലീപ്

ആയുധ ധാരികളായ നാല് ഫെഡറല്‍ മാര്‍ഷലുകളുടെ അകമ്പടിയില്‍ റൂബി ബ്രിഡ്ജസ് എന്ന കറുത്തവര്‍ഗക്കാരിയായ ആറു വയസ്സുകാരി സ്‌കൂളിന് മുന്നിലെത്തി. ഒരു കറുത്ത വര്‍ഗ്ഗക്കാരിയെ സ്‌കൂളില്‍ പ്രവേശിപ്പിക്കരുതെന്ന് ആവിശ്യപ്പെട്ട് തടിച്ചുകൂടിയ നൂറുകണക്കിന് വെള്ളക്കാര്‍ ഇളകി മറിഞ്ഞു. അവരെ നിയന്ത്രിക്കാന്‍ പോലീസ് പാടുപെട്ടു. അവര്‍ അവള്‍ക്ക് നേരെ കാര്‍ക്കിച്ച് തുപ്പി.

നമ്മുടെ പൊതുജനആരോഗ്യസംവിധാനങ്ങള്‍ ശക്തമായ പൊളിച്ചെഴുത്തിന് വിധേയമാക്കണമെന്ന് ഒരിക്കല്‍കൂടി ഓര്‍മിപ്പിക്കുകയാണ് നിപ വൈറസ്. പകര്‍ച്ചവ്യാധികളെകുറിച്ചുള്ള തുടര്‍പഠനത്തിലും രോഗജാഗ്രതാസംവിധാനം കാര്യക്ഷമമാക്കുന്നതിലും നാം ഒരിക്കലും പിന്നാക്കം പോയിക്കൂടാ എന്ന വലിയ പാഠമാണ് നിപ നല്‍കുന്നത്

ഐ.എം.എ. സംസ്ഥാന വൈസ് പ്രസിഡന്റും മാഹി ജനറല്‍ ആശുപത്രിയിലെ കണ്‍സള്‍ട്ടന്റ് പീഡിയാട്രീഷ്യനുമയ ഡോ.എം മുരളീധരന്‍ എഴുതിയ ലേഖനം | അവതരണം അഞ്ജയ് ദാസ് എന്‍.ടി

രണ്ടര വര്‍ഷം മുമ്പ് മൊട്ടക്കുന്നില്‍ ഒരു ഏഴിലം പാല നട്ട് തുടങ്ങിയതാണ് കോഴിക്കോട് പടനിലത്തെ വി.മുഹമ്മദ് കോയയുടെ വനസ്‌നേഹം. ഇന്നിവിടെ രണ്ടരയേക്കറില്‍ പടര്‍ന്ന് പന്തലിച്ച് നില്‍ക്കുന്നത് മുന്നൂറ് തരം മരങ്ങളുടെ വലിയ കാടാണ്. വി.എം.കെ ബോട്ടാണിക്കല്‍ ഗാര്‍ഡന്‍. ഒറ്റയാള്‍ പോരാട്ടത്തിലൂടെ ഒരു കാടിന്റെ നാഥനായി അങ്ങനെ വി.മുഹമ്മദ് കോയമാറി. സംസ്ഥാന സര്‍ക്കാര്‍ ഇത്തവണ ഹരിത വ്യക്തി പുരസ്‌കാരം നല്‍കി ഇദ്ദേഹത്തെ ആദരിക്കുകയും ചെയ്തു. കാടൊരുക്കിയ മുഹമ്മദ് കോയ മാതൃഭൂമി ഡോട്ട്‌കോമിനോട് പങ്കുവയ്ക്കുന്നു. | തയ്യാറാക്കി അവതരിപ്പിച്ചത്; അഞ്ജയ് ദാസ്

അവിശ്വസനീയം... മൈസൂര്‍ രാജവംശത്തിലെ ഇളമുറക്കാരി വിശാലാക്ഷി ദേവിയും ബുള്ളി, ബേബി എന്നീ പുള്ളിപ്പുലികളും തമ്മിലുള്ള ബന്ധത്തെ ഇങ്ങനെ വിശേഷിപ്പിക്കാം. ആകസ്മികമായി കാട് സമ്മാനിച്ച ആ രണ്ട് പുലിക്കുഞ്ഞുങ്ങളാണ് ഈ കഥയിലെ നായകന്മാര്‍. ഒപ്പം വിശാലാക്ഷി ദേവിയും അവരുടെ ഭര്‍ത്താവ് ?ഗജേന്ദ്ര സിംഗും. മലയാളികളുടെ പ്രിയ സംവിധായകന്‍ രഞ്ജിത് ആ കഥ പറയുകയാണ് ഇവിടെ.