Abbyr Shen Reesht - Say That Again

Ta'n chlaare s'jerree 'sy strane shoh jeh 'Shiaght Laa' er ny chebbal liorish Fiona McArdle. Ayns 'Kiaull as Cooish' keayrt elley ta shin clashtyn ny cooishyn ta Daniel Quayle cheet er, agh cha nee yn kiaull hene. Ta Phil Gawne cur dooin yn chied ronney jeh vershoon neu-chadjin jeh arrane tradishoonagh Vannin er ny haglym liorish Sophia Morrison veih Elizabeth Crone, as eisht ta shin clashtyn y nah ayrn jeh skeeal liorish Dora Broome chyndaait 'sy Ghaelg ec Brian Mac Stoyll. Shoh ass 'Goll as Gaccan' vees goll er chebbal ec Phil marish Simon Clarke. Ta shin cheet gy jerrey lesh 'Claare ny Gael' as paart elley ass chyndaays 'sy Ghaelg jeh Dracula liorish Bram Stoker.

The final programme in this series of 'Shiaght Laa' is presented by Fiona McArdle. In 'Kiaull as Cooish' once again we hear the topics Daniel Quayle is talking about, but not the music itself. Phil Gawne gives us the first verse of an unusual version of a Manx traditional song collected by Sophia Morrison from Elizabeth Crone, and then we hear the second part of a story by Dora Broome translated into the Manx Gaelic by Brian Mac Stoyll.  This is from 'Goll as Gaccan' which Phil presents with Simon Clarke. We finish with 'Claare ny Gael' and another part from a translation into the Manx Gaelic of Dracula by Bram Stoker.

Ta peeshyn 'sy Ghaelg ass kiare claareyn er-nyn-son y cheayrt shoh: hoshiaght she 'Shiaght Laa' t'ayn; ta Daniel Quayle chebbal 'Kiaull as Cooish'; ta Phil Gawne lhaih magh yn chied ayrn jeh skeeal er-nyn-son ayns 'Goll as Gaccan'; as ta meer elley ass Dracula liorish Bram Stoker ayns chyndaays 'sy Ghaelg ry chlashtyn ass 'Claare ny Gael'.

There are pieces in the Manx Gaelic from four programmes for us this time: first of all it's 'Shiaght Laa'; Daniel Quayle presents 'Kiaull as Cooish'; Phil Gawne is reading out the first part of a story for us in 'Goll as Gaccan'; and there's another part from Dracula by Bram Stoker in translation into the Manx Gaelic to be heard from 'Claare ny Gael'. 

Ta shin clashtyn 'Shiaght Laa', lesh fockleyn ass kuse dy charvalyn scruit ayns ny bleeantyn jeieanagh. Ta Daniel Quayle chebbal 'Kiaull as Cooish' er-nyn-son, as eisht ta shin clashtyn tooilley raaghyn cochianglt rish yn imbagh veih Phil Gawne ayns 'Goll as Gaccan'. Ta 'Claare ny Gael' cur-lesh dooin episode elley ass chyndaays 'sy Ghaelg jeh Dracula liorish Bram Stoker.

We hear 'Shiaght Laa', with words from several carols written in recent years. Daniel Quayle presents 'Kiaull as Cooish' for us, and then we hear more sayings associated with the season from Phil Gawne in 'Goll as Gaccan'. 'Claare ny Gael' brings another episode from the translation into the Manx Gaelic of Dracula by Bram Stoker.

She Maralyn Crellin ta'n leeideilagh ain ayns 'Shiaght Laa' yn shiaghtin shoh, ta shin clashtyn Daniel Quayle loayrt mychione kiaull as kiaulleyderyn ayns 'Kiaull as Cooish',  as ta meer elley ass yn chyndaays 'sy Ghaelg jeh Dracula liorish Bram Stoker rishyn ta shin geaishtagh ayns 'Claare ny Gael'. 

Our guide in 'Shiaght Laa' this week is Maralyn Crellin, we hear Daniel Quayle talking about music and musicians in 'Kiaull as Cooish', and there's another extract for us from the translation into the Manx Gaelic of Dracula by Bram Stoker that we're listening to in 'Claare ny Gael'.

Ta shin clashtyn meeryn 'sy Ghaelg ass, cha nee ass un, agh ass daa earroo jeh 'Shiaght Laa', roish my vees Daniel Quayle chebbal 'Kiaull as Cooish,' j'eeish ta shin clashtyn y chooish agh cha nee'n kiaull. Ta Phil Gawne cur-lesh dooin caghlaa dy veeryn ayns 'Goll as Gaccan', as eisht ayns 'Claare ny Gael' ta episode elley ain ass yn chyndaays 'sy Ghaelg jeh Dracula liorish Bram Stoker.  

We hear pieces in the Manx Gaelic from not one, but from two editions of 'Shiaght Laa', before Daniel Quayle presents 'Kiaull as Cooish', of which we hear the cooish but not the kiaull. Phil Gawne brings us a variety of pieces in 'Goll as Gaccan', and then in 'Claare ny Gael' we have another episode from the translation into the Manx Gaelic of Dracula by Bram Stoker. 

Ta Daniel Quayle chebbal 'Kiaull as Cooish' er-nyn-son veih fastyr Jeheiney, as eisht ta shin clashtyn Phil Gawne ayns 'Goll as Gaccan', vees goll er skeayley-magh fastyr Jedoonee. Fastyr beg y Doonee ta 'Claare ny Gael' ry chlashtyn.

Daniel Quayle presents 'Kiaull as Cooish' for us from Friday afternoon, and then we hear Phil Gawne in 'Goll as Gaccan', which is broadcast on Sunday afternoon. On Sunday evening 'Claare ny Gael' is to be heard. 

Ta shin clashtyn Ruth Keggin Gell loayrt mychione y cheayrt eck da'n eailley Daahghyn Celtiagh marish Rachel Hair as mychione claare chellveeish CBS aynjee v'ee goaill ayrn, as v'adsyn recortit son 'Traa dy Liooar'. Ta Daniel Quayle loayrt mychione ny cloiederyn as y chiaull nagh vel shin ayns rieughid clashtyn ayns 'Kiaull as Cooish', as ayns 'Goll as Gaccan' ta Phil Gawne cur-lesh shin trooid arrane elley jeant son ymmyd liorish Mooinjer Veggey. Ta 'Claare ny Gael' cur-lesh dooin episode elley ass yn chyndaays 'sy Ghaelg jeh Dracula liorish Bram Stoker.

 We hear Ruth Keggin Gell talking about her visit to the Celtic Colours festival with Rachel Hair and about a CBS television programme she was involved in, and these were recorded for 'Traa dy Liooar'. Daniel Quayle talks about the performers and the music whom we don't actually hear in 'Kiaull as Cooish', and in 'Goll as Gaccan' Phil Gawne takes us through another song composed for use by Mooinjer Veggey. 'Claare ny Gael' brings us another episode from the translation in the Manx Gaelic of Bram Stoker's Dracula.

Va recortys jeant son 'Traa dy Liooar', agh cha row caa dooin clashtyn eh ec y traa shen. Agh shoh dooin eh nish. Cha row 'Kiaull as Cooish' goll y cheayrt shoh, myr shoh hooin roin gys 'Goll as Gaccan', as aynjee ta shin clashtyn Simon Clarke as Phil Gawne. Ayns 'Claare ny Gael' ta meer elley ass yn chyndaays 'sy Ghaelg jeh Dracula liorish Bram Stoker.

There was a recording made for 'Traa dy Liooar', but we didn't have a chance to hear it at that time. But here it is for us now. 'Kiaull as Cooish' wasn't on this time, so off we go to 'Goll as Gaccan', and in it we hear Simon Clarke and Phil Gawne. In 'Claare ny Gael' there's another piece from the translation into the Manx Gaelic of Dracula by Bram Stoker.

Meeryn ass daa chlaare er-nyn-son y cheayrt shoh. Hoshiaght ta shin clashtyn ny cooishyn ta Daniel Quayle cheet er ayns 'Kiaull as Cooish'. Lurg shen ta shin lheimmey er oaie dy chlashtyn episode elley ass Dracula liorish Bram Stoker 'sy chyndaays 'sy Ghaelg vees ry chlashtyn shiaghtin er shiaghtin ayns 'Claare ny Gael'.

Pieces out of two programmes for us this time. First we hear the topics that Daniel Quayle refers to in 'Kiaull as Cooish'. After that we jump ahead to hear another episode from Dracula by Bram Stoker in the translation into the Manx Gaelic which is to be heard week on week in 'Claare ny Gael'.

Gow shiu my leshtal, my sailliu: va mee smooinaghtyn dy row shoh jeant hannah, agh cha row. Shoh diu 'Kiaull as Cooish' marish Daniel Quayle, as ta shin clashtyn ny cooishyn, gyn yn chiaull. As ta meer elley ass yn chyndaays 'sy Ghaelg jeh Dracula ayns 'Claare ny Gael'.

Please accept my apologies: I was thinking this was done already, but it wasn't. Here for you is 'Kiaull as Cooish' with Daniel Quayle, and we hear the cooishyn, without the kiaull. And there's another piece out of the translation into the Manx Gaelic of Dracula in 'Claare ny Gael'.