Abbyr Shen Reesht - Say That Again

In 'Shiaght Laa' we hear pieces about Yn Chruinnaght and about the start of the Southern District Agricultural Show. Daniel Quayle presents 'Kiaull as Cooish', of which we hear the cooish but not the kiaull. Nothing for us from 'Goll as Gaccan', though Phil Gawne did tell Simon Clarke the names in the Manx Gaelic of some animals. In 'Claare ny Gael' we have another part of the translation into the Manx Gaelic of Bram Stoker's Dracula. 

Ayns 'Shiaght Laa' ta shin clashtyn meeryn mychione Yn Chruinnaght as mychione toshiaght Show Eirinagh Ard y Jiass. Ta Daniel Quayle chebbal 'Kiaull as Cooish', jeh ta shin clashtyn y chooish agh veg jeh'n chiaull. Veg er nyn son ass 'Goll as Gaccan' y keayrt shoh, agh va Phil Gawne ginsh da Simon Clarke kuse dy enmyn baagh 'sy Ghaelg. Ayns 'Claare ny Gael' ta paart elley ain jeh'n chyndaays 'sy Ghaelg jeh Dracula liorish Bram Stoker.

Ta Maralyn Crellin chebbal 'Shiaght Laa' yn chiaghtin shoh, as t'ee loayrt mychione Yn Chruinnaght. Ta shin clashtyn ny cooishyn ynrican ec Daniel Quayle ayns 'Kiaull as Cooish'. Cha row meer er-lheh 'sy Ghaelg ayns 'Goll as Gaccan' marish Phil Gawne as Simon Clarke, agh va coloayrtyssyn mychione cohirrey eddyr-ashoonagh bentyn da chengaghyn, as mychione yn Chruinnaght. Ayns 'Claare ny Gael' ta meer elley er-nyn-son ass chyndaays 'sy Ghaelg jeh Dracula.

Maralyn Crellin presents 'Shiaght Laa' this week, and she's talking about Yn Chruinnaght. We hear only the 'cooishyn', the chat bits, by Daniel Quayle in 'Kiaull as Cooish'. There wasn't a particular piece in the Manx Gaelic in 'Goll as Gaccan' with Phil Gawne and Simon Clarke, but there were conversations about an international competition associated with languages, and about Yn Chruinnaght. In 'Claare ny Gael' there's another extract for us from the translation into the Manx Gaelic of Dracula.

Ta 'Shiaght Laa' er n'ghoaill toshiaght reesht as ta shin clashtyn Fiona McArdle 'sy chied chlaare, as ish cheet orroosyn daag Nerin, Nalbin as Ellan Vannin, as hie ymmodee jeu gys Steatyn Unnaneysit America. Ta Daniel Quayle ginsh dooin mychione kiaull as kiaulleyderyn as mychione taghyrt ny ghaa ayns 'Kiaull as Cooish'. Ta shin clashtyn Phil Gawne goaill arrane, ga nagh ren eh shen 'sy chlaare hene, 'Goll as Gaccan', agh er yn oyr dy row eh ginsh fockleyn jeh arrane da Simon Clarke as dy row recortys ec Culture Vannin jeh Phil goaill yn arrane shen, v'eh jeeaghyn dy ve cooie. As ayns 'Claare ny Gael' ta shin goll veih thie lheiys gys ruillick, as cuin vees yn traa share dy ve 'sy ruillick agh ayns trimshey ny hoie.

'Shiaght Laa' has made a start again and we hear Fiona McArdle in the first programme, mentioning those who left Scotland, Ireland and the Isle of Man, and many of them went to the United States of America. Daniel Quayle tells us about music and musicians and about a few events in 'Kiaull as Cooish'. We hear Phil Gawne singing, although he didn't do that in the programme itself, 'Goll as Gaccan', but because he was telling the words of a song to Simon Clarke as there was a recording by Culture Vannin of Phil singing that song, it seemed to be appropriate. And in 'Claare ny Gael' we go from a hospital to a graveyard, and when would be the best time to be in the graveyard but in the dead of night.

Shiaghtin ayn va Laa Tinvaal myr v'eh, ta shin clashtyn Phil Gawne ayns 'Goll as Gaccan' lhaih magh slattys myr sampleyr jeh ny vees ry chlashtyn Laa Tinvaal, as eisht, son dhooraght, ta shin clashtyn y Ghaelg veih Cronk Keeill Eoin y laa shen hene. Ayns 'Claare ny Gael' ta shin clashtyn meer elley ass chyndaays 'sy Ghaelg jeh Dracula liorish Bram Stoker.

A week in which was Tynwald Day as it was, we hear Phil Gawne in 'Goll as Gaccan' reading out legislation as an example of what is to be heard on Tynwald Day, and then, as a freebie, we hear the Manx Gaelic from Tynwald Hill on that day itself. In 'Claare ny Gael' we hear another extract from the translation into the Manx Gaelic of Dracula by Bram Stoker.

Ta Daniel Quayle loayrt son y chooid smoo ayns 'Kiaull as Cooish' mychione taghyrtyn ta jeant as harrish hannah, as t'eh loayrt mychione y chiaull nish - she'n chooish ta shinyn dy chlashtyn. Va Phil Gawne ching, myr shoh v'eh er Simon Clarke feddyn recortyssyn jeant echey dy yannoo ymmd jeu ayns 'Goll as Gaccan', agh cha row meer er-lheh 'sy Ghaelg er-nyn-son. 'Syn aght cadjin ain ec y traa t'ayn, ta shin clashtyn meer elley ass chyndaays 'sy Ghaelg jeh Dracula liorish Bram Stoker ayns 'Claare ny Gael'. 

Daniel Quayle is talking for the most part in 'Kiaull as Cooish' about events that are over and done with already, and he's talking about the music as well - it's the chat that we're hearing. Phil Gawne was ill so Simon Clarke had to find recordings he'd made to make use of them in 'Goll as Gaccan', but there wasn't a particular piece in the Manx Gaelic for us. In our customary way at the present time, we hear another extract from a translation into the Manx Gaelic of Dracula by Bram Stoker in 'Claare ny Gael'.

Ta claare Daniel Quayle enmyssit 'Kiaull as Cooish', agh ayns Abbyr Shen Reesht cha nel shin clashtyn agh yn chooish, ga dy vel Daniel loayrt mychione y chiaull nagh vel shin clashtyn ayns shoh. Cha row meer er lheh 'sy Ghaelg ayns 'Goll as Gaccan', choud's va keayrtee ass Beeal Feirshtey marish Simon Clarke as Phil Gawne 'sy teyrlann. Reesht ta shin fosley ny duillagyn jeh chyndaays 'sy Ghaelg jeh Dracula liorish Bram Stoker ayns 'Claare ny Gael'.

Daniel Quayle's programme is called 'Kiaull as Cooish', but in Abbyr Shen Reesht we only hear the 'cooish', although Daniel is talking about the music that we don't hear here. There wasn't a particular piece in the Manx Gaelic in 'Goll as Gaccan', whilst there were guests from Belfast with Simon Clarke and Phil Gawne in the studio. Again we open the pages of a translation into the Manx Gaelic of Dracula by Bram Stoker in 'Claare ny Gael'.

Ta Daniel Quayle ayns shoh reesht cur fys dooin mychione kiaull as kiaulleyderyn, ny t'ad dy yannoo as mychione kuse dy recortyssyn noa-chlouit oc, as shoh ayns y chlaare echey, 'Kiaull as Cooish'. Ta episode elley jeh'n chyndaays 'sy Ghaelg jeh Dracula, yn lioar ard-ghooagh shen va scruit ec Bram Stoker as fys ec yn chooid smoo dy leih urree, foddee, veih ymmodee fillymyn jeant neayr's va'n lioar hene clouit. Ta shin clashtyn episodeyn dagh shiaghtin ayns 'Claare ny Gael'.

Daniel Quayle is here again giving us information about music and musicians, what they're doing as about some of their newly-published recordings, and this is in his programme, 'Kiaull as Cooish'. There's another episode of the translation into the Manx Gaelic of Dracula, that famous book written by Bram Stoker which is perhaps known to the majority of people from many films made since the book itself was published. We're hearing episodes each week in 'Claare ny Gael'.

Shiaghtin ghiare 'sy Ghaelg reesht ee, agh ta caa dooin clashtyn fer jeh ny arraneyn ennoil va scruit son Mooinjer Veggey as vees ry gheddyn 'sy chaglym, Roie Mygeayrt. Ta Phil Gawne soilshaghey magh dooin ny fockleyn as ta shin clashtyn yn arrane hene ayns 'Goll as Gaccan'. Ayns meer elley ass Dracula liorish Bram Stoker, ta Mina Harker feddyn magh veih'n Olloo Van Helsing dy vel dy jarroo reddyn dorraghey 'sy theihll jeh'n lheid ren ee lhaih ayns lioar laa y dooinney sheshey eck, Jonathan, veih'n traa v'eh ayns Cashtal Dracula.

It's a short week in Manx again, but we have an opportunity to hear one of the popular songs that were written for Mooinjer Veggey and which is to be found in the collection, Roie Mygeayrt. Phil Gawne explains to us the words and we hear the song itself in 'Goll as Gaccan'. In another extract from Dracula by Bram Stoker, Mina Harker finds out from Professor Van Helsing that there are indeed dark things in the world of the sort which she read in the journal of her husband, Jonathan, from the time he was in Castle Dracula.

Ga dy vel Radio Vannin goaill stiagh meeryn 'sy Ghaelg ooilley yn traa, cha row monney meeryn s'lhiurey er y chiaghtin shoh chaie - veg, dy jarroo, agh episode elley jeh Dracula liorish Bram Stoker 'sy chyndaays 'sy Ghaelg vees ry chlashtyn ayns 'Claare ny Gael'. Cha row 'Traa dy Liooar' ny 'Kiaull as Cooish' goll er coontey Radio TT, cha nel 'Shiaght Laa' goll ec y traa t'ayn, as cha row meer er-lheh 'sy Ghaelg ayns 'Goll as Gaccan', myr shoh son dhooraght ta shin clashtyn recortys jeant jeh Ned Maddrell 'sy thie echey tra v'eh 84 bleeaney dy eash (ec y toshiaght t'eh jannoo marran, gra dy row eh ruggit (18)87, agh ayns rieughid v'eh '77.

Although Manx Radio includes pieces of the Manx Gaelic all the time, there weren't many longer pieces during last week - nothing, indeed, but another episode from Dracula by Bram Stoker in the translation into the Manx Gaelic that can be heard in 'Claare ny Gael'. 'Traa dy Liooar' and 'Kiaull as Cooish' weren't on because of Radio TT, 'Shiaght Laa' isn't on at the present time, and there wasn't a particular piece in the Manx Gaelic in 'Goll as Gaccan', and so for something extra we hear a recording made of Ned Maddrell in his house when he was 84 years of age (at the beginning he makes a mistake, saying that he was born in (18)87, but actually it was '77).

Er yn chiaghtin va'n Cohaglym Celtiagh Eddyr-Ashoonagh goll er cummal ayns Nerin, agh gyn chaghter Vannin y cheayrt shoh. Ny yeih, va recortys jeant jeh lessoon ass y Vible son shirveish, as ta shin clashtyn shen. Ayns 'Kiaull as Cooish', she'n kiaull ta'n chooish vees Daniel Quayle cheet er son y chooid smoo choud's t'eh loayrt mychione kiaull noa-chlouit as mychione ny kiaulleyderyn hene. 'Sy chyndaays ain 'sy Ghaelg jeh Dracula liorish Bram Stoker ayns 'Claare ny Gael', ta shin clashtyn meer ass pabyr naight ayns Lunnin, as eisht ta chaghteraghtyn goll eddyr yn Olloo Van Helsing as Mina Harker. 

On the week the International Celtic Congress was being held in Ireland, but without a Manx delegate on this occasion. Despite that, a recording was made of a lesson out of the Bible for a service, and we hear that. In 'Kiaull as Cooish', it's the music that's the subject matter that Daniel Quayle is referring to for the most part as he talks about newly-published music and about the musicians themselves. In our translation into the Manx Gaelic of Dracula by Bram Stoker in 'Claare ny Gael', we hear a piece out of a newspaper in London, and then there are messages going between Professor Van Helsing and Mina Harker.