Abbyr Shen Reesht - Say That Again

Beggan anmagh, agh share anmagh na arragh, foddee! Agh son shen as ooilley, cha nel agh meeryn ass daa chlaare ain y cheayrt shoh. Cha nel shin dy cadjin clashtyn veg ass 'Traa dy Liooar', claare jeant eddyr yn BBC as Radio Vannin, vees goll er skeayley-magh er Radio Vannin AM1368 fastyr Jelune eddyr 5.00pm as 6.00pm, as cha nel 'Shiaght Laa' goll ec y traa t'ayn. Chammah's shen, cha row meer er-lheh 'sy Ghaelg ayns 'Goll as Gaccan' fastyr Jedoonee eddyr 4.00pm as 6.00pm. Agh ta Daniel Quayle cur doolane foin lesh Kianglaghyn Kiaullee ayns 'Jamys Jeheiney', as claare elley ee jeant eddyr yn BBC as Radio Vannin, as eisht ta meer elley ass chyndaays 'sy Ghaelg jeh Dracula liorish Bram Stoker, as shinyn bunnys yn lieh-raad trooid yn lioar shen nish ayns 'Claare ny Gael'.

A little late, but better late than never, perhaps! But for all that, there are only excerpts from two programmes this time. We don't usually hear anything from 'Traa dy Liooar', a co-production between the BBC and Manx Radio, which is broadcast on Manx Radio AM1368 on Monday afternoon between 5.00pm and 6.00pm, and 'Shiaght Laa' is not going at the present time. As well as that, there wasn't a particular piece in the Manx Gaelic in 'Goll as Gaccan' on Sunday afternoon between 4.00pm and 6.00pm. But Daniel Quayle sets us a challenge with Kianglaghyn Kiaullee (Musical Connections) in 'Jamys Jeheiney', which is another co-production between the BBC and Manx Radio, and then there's another extract from the translation into the Manx Gaelic of Dracula by Bram Stoker, and we're almost half way through that book in 'Claare ny Gael'.

Ta Daniel Quayle cur doolane foin lesh un ghamman y cheayrt shoh ayns 'Jamys Jeheiney', as she Kianglaghyn Kiaullee ta ry chlashtyn, lesh three arraneyn 'sy ghamman shen. Ta arrane er-nyn-son ayns 'Goll as Gaccan' neesht, fer jeusyn va reaghit son Mooinjer Veggey, as ta Phil Gawne soilshaghey magh ny fockleyn da Simon Clarke 'sy teyrlann as dooinyn ayns nyn dhieyn hene. 'Sy veer ain jeh'n chyndaays 'sy Ghaelg jeh Dracula ayns 'Claare ny Gael', ta'n Fer Lhee John Seward as yn Olloo Van Helsing boirit mychione Lucy Westenra, as t'ad er hiyraghey gys y thie eck. Agh cha nel freggyrt erbee ry gheddyn, as myr shoh t'eh orroo brishey stiagh ayn. 

Daniel Quayle challenges us with one game this time in 'Jamys Jeheiney', as it's Kianglaghyn Kiaullee (Musical Connections) that can be heard, with three songs in that game. There's a song for us in 'Goll as Gaccan' as well, one of those that was arranged for Mooinjer Veggey, and Phil Gawne explains the words to Simon Clarke in the studio and to us in our own homes. In our extract from the translation into the Manx Gaelic of Dracula in 'Claare ny Gael', Dr John Seward and Professor Van Helsing worried about Lucy Westenra, and they've hurried to her house. But there's no reply to be had, and so they have to break in.

Shoh yn chlaare s'jerree 'sy straih shoh jeh 'Shiaght Laa', as she Fiona McArdle vees dy chebbal. Ta Daniel Quayle cur cuirrey er sleih freggyrtyn y chur stiagh da ny gammanyn echey, Cre'n Vlein? as Kianglaghyn Kiaullee ayns 'Jamys Jeheiney'. Ayns 'Goll as Gaccan' ta shin clashtyn shenn raaghyn creeney vees goll er lhaih magh ec Phil Gawne as eisht ta shin clashtyn arrane jeant son Mooinjer Veggey as ta Phil goll trooid ny fockleyn er-nyn-son. Ta meer elley ass yn chyndaays 'sy Ghaelg jeh Dracula liorish Bram Stoker ayns 'Claare ny Gael'.

This is the final programme in this series of 'Shiaght Laa', and it's Fiona McArdle who is presenting it. Daniel Quayle is issuing an invitation to people to send in answers to his games, Cre'n Vlein? (What's the Year?) and Kianglaghyn Kiaullee (Musical Connections) in 'Jamys Jeheiney'. In 'Goll as Gaccan' we hear old wise sayings which are read out by Phil Gawne and then we hear a song produced for Mooinjer Veggey and Phil goes through the words for us. There is another extract from the translation into the Manx Gaelic of Dracula by Bram Stoker in 'Claare ny Gael'.

She Maralyn Crellin vees chebbal 'Shiaght Laa' er-nyn-son y cheayrt shoh. Ta Daniel Quayle ny lomarcan 'sy teyrlann choud's t'eh chebbal 'Jamys Jeheiney' yn shiaghtin shoh, agh ta daa ghamman echey as cuirrey er sleih goaill ayrn ayndaue. Ayns 'Goll as Gaccan' ta shin clashtyn bit beg elley jeh oraid Adrian Cain tra v'eh lhunney chyndaays 'sy Ghaelg jeh lioar liorish Tom Palmer, as ta arrane 'sy Ghaelg ry chlashtyn neesht, as ta Phil Gawne goll trooid ny fockleyn er-nyn-son. Ta chaghteraght cheet dy anmagh son yn Er Lhee John Seward veih'n charrey as shenn vainshtyr echey, yn Olloo Van Helsing. Ta shin clashtyn mychione ny haghyr veih penn Lucy Westenra, choud's ta shin geaishtagh rish meer elley ass chyndaays 'sy Ghaelg jeh Dracula, vees ry chlashtyn ayns 'Claare ny Gael'.

It's Maralyn Crellin who presents 'Shiaght Laa' for us this time. Daniel Quayle is alone in the studio as he presents 'Jamys Jeheiney' this week, but he has two games and there's an invitation for people to take part in them. In 'Goll as Gaccan' we hear a bit more of Adrian Cain's address when he was launching a translation into the Manx Gaelic of a book by Tom Palmer, and there's a song in Manx to be heard as well, with Phil Gawne going through the words for us.  A message has come late for Dr John Seward from his friend and erstwhile master, Professor Van Helsing. We hear about what happened from the pen of Lucy Westenra, as we listen to another extract from the translation into the Manx Gaelic of Dracula, which is to be heard in 'Claare ny Gael'.

Ayns 'Shiaght Laa' ta shin clashtyn mychione Fiona McArdle cheet dy ve Reih Bleeaney Vanannan as mychione yn aght ta schleiyn ass tradishoonyn elley cheet as goll ayns cultoor bio. Cha nel Daniel Quayle ny lomarcan y cheayrt shoh ayns 'Jamys Jeheiney', agh ta shin foast cloie daa ghamman marish. Shiaghtin ny ghaa er dy henney, ren Adrian Cain lhunney yn chyndaays echey 'sy Ghaelg jeh lioar liorish Tom Palmer. Ta shin clashtyn tooilley jeh shen ayns 'Goll as Gaccan'. Ass lioar elley, Dracula liorish Bram Stoker, as ayns chyndaays 'sy Ghaelg j'ee neesht, ayns 'Claare ny Gael' ta shin clashtyn mychione moddey oaldey ren scapail as mychione surransagh yn Er Lhee John Seward 'sy thie baanrit echey.

In 'Shiaght Laa' we hear about Fiona McArdle becoming Reih Bleeaney Vanannan and about the way that skills from other traditions come and go in a living culture. Daniel Quayle isn't alone this time in 'Jamys Jeheiney', but we still play two games with him. A week or two ago, Adrian Cain launched his translation in the Manx Gaelic of a book by Tom Palmer. We hear more of that in 'Goll as Gaccan'. From another book, Dracula by Bram Stoker, and in a translation into the Manx Gaelic as well, in 'Claare ny Gael' we hear about a wolf that escaped and about a patient of Dr John Seward in his mental home.

She Fiona McArdle vees chebbal 'Shiaght Laa' yn shiaghtin shoh, choud's ta Daniel Quayle 'sy teyrlann keayrt elley dy hebbal 'Jamys Jeheiney', lesh daa ghamman er-nyn-son. She Custal Lewin ta keayrtagh Phil Gawne as va coloayrtys liauyr as feer anaasagh eddyr oc, agh veg agh faaishnys ny hemshyr 'sy Ghaelg, myr shoh er oaie gys 'Claare ny Gael', aynjee ta shin clashtyn foddee nagh vel y freilleyder gennal ayns ny Garagheyn Baagh-Oayllagh, Thomas Bilder, cho gennal as v'eh jeeaghyn dy ve, agh ta shin clashtyn mychione scapail y voddey oaldey lheeah ass yn Norlann, Bersicker, as mychione yn dooinney quaagh va 'syn ard. 

It's Fiona McArdle who presents 'Shiaght Laa' this week, whilst Daniel Quayle is in the studio once again to present 'Jamys Jeheiney', with two games for us. Phil Gawne's guest is Christopher Lewin in 'Goll as Gaccan' and there was a long and very interesting conversation between them, but only the weather forecast in the Manx Gaelic, so on to 'Claare ny Gael', in which we hear that the amiable keeper in the Zoological Gardens, Thomas Bilder, is perhaps not as amiable as he seemed to be, but we hear about the escape of the grey wolf from Norway, Bersicker, and about the strange man who was in the area.

Mastey ny meeryn ass 'Shiaght Laa', ta Maralyn Crellin ginsh dooin beggan mychione ennym y valley beg cheerey, Purt Chiarn. Ta caa dooin cloie Kianglaghyn Kiaullee as Cre'n Vlein? marish Daniel Quayle ayns 'Jamys Jeheiney'. Chammah's coraa Phil Gawne y cheayrt shoh ayns 'Goll as Gaccan', ta shin clashtyn Adrian Cain as eh loayrt mychione lioar t'eh kiart er hyndaa. Ta moir Lucy Westenra smooinaghtyn dy row ee cooney lesh e 'neen, agh ta'n Olloo Van Helsing boirit dy mooar, as ta'n meer shoh jeh chyndaays 'sy Ghaelg jeh Dracula liorish Bram Stoker vees ry chlashtyn ayns 'Claare ny Gael'.

Amongst the pieces from 'Shiaght Laa', Maralyn Crellin tells us a little about the name of the village, Port Erin. We have an opportunity to play Kianglaghyn Kiaullee (Musical Connections) and Cre'n Vlein? (What's the Year?) with Daniel Quayle in 'Jamys Jeheiney'. As well as the voice of Phil Gawne in 'Goll as Gaccan', we hear Adrian Cain talking about a book he's just translated. Lucy Westenra's mother thinks that she was helping her daughter, but Professor Van Helsing is greatly concerned, and this extract from a translation into the Manx Gaelic of Dracula by Bram Stoker which is to be heard in 'Claare ny Gael'.

Ta strane noa jeh 'Shiaght Laa' er n'ghoaill toshiaght, lesh meeryn giarey 'sy Ghaelg. Ta caa dooin cloie Kianglaghyn Kiaullee as Cre'n Vlein? marish Daniel Quayle ayns 'Jamys Jeheiney'. Ayns 'Goll as Gaccan', ta shin clashtyn arrane beg son paitchyn as ta Phil Gawne soilshaghey magh ny fockleyn jeh da Simon Clarke (as dooinyn). Ta meer elley jeh chyndaays 'sy Ghaelg jeh Dracula liorish Bram Stoker ayns 'Claare ny Gael', as yn Olloo Van Helsing as yn Fer Lhee John Seward cur eab er cooney lesh Lucy Westenra.

A new series of 'Shiaght Laa' has begun, with short sections in the Manx Gaelic. We have an opportunity to play Kianglaghyn Kiaullee (Musical Connections) and Cre'n Vlein? (What's the Year?) with Daniel Quayle in 'Jamys Jeheiney'. In 'Goll as Gaccan', we hear a little song for children and Phil Gawne explains the words to Simon Clarke (and to us). There's another piece from the translation into the Manx Gaelic of Dracula by Bram Stoker in 'Claare ny Gael', and Professor Van Helsing and Dr John Seward trying to help Lucy Westenra.

Ta Daniel Quayle aa-vioghey gamman va goll er cloie roish nish ayns 'Jamys Jeheiney', myr shoh chammah's Kianglaghyn Kiaullee, ta caa dooin cloie Cre'n Vlein? Ayns 'Goll as Gaccan' ta shin clashtyn arrane scruit ec Mooinjer Veggey son ny paitchyn, ta Phil Gawne ginsh dooin ny fockleyn jeh, as eisht ta shin clashtyn eh keayrt elley. 'Syn chyndaays ain 'sy Ghaelg jeh Dracula liorish Bram Stoker, ta shin goll gys thie Lucy Westenra reesht, as ta'n Olloo Abraham Van Helsing as yn Fer Lhee John Seward cur eab er goaill kiarail j'ee.

Daniel Quayle revives a game that used to be played previously in 'Jamys Jeheiney', so as well as Kianglaghyn Kiaullee (Musical Connections), we have an opportunity to play Cre'n Vlein? (What's the Year?). In 'Goll as Gaccan' we hear a song written by Mooinjer Veggey for the children, Phil Gawne tells us the words of it, and the we hear it one more time. In our translation into the Manx Gaelic of Dracula by Bram Stoker, we go to the home of Lucy Westenra again, and Professor Abraham Van Helsing and Dr John Seward are trying to take care of her.

Va 'Goll as Gaccan' ry chlashtyn Laa ny Nollick, as ta shin clashtyn Phil Gawne as Simon Clarke cur bannaght yn imbagh er y cheilley, as ta shin clashtyn daa ghoo cochianglt rish yn imbagh neesht. Va earroo y chlaare shen ry chlashtyn laa toshee ny bleeaney noa neesht, as ass y chlaare shen ta shin clashtyn Ian Cottier. Ta Daniel Quayle cur doolaneyn foin ayns 'Jamys Jeheiney', dy gheddyn magh Kianglaghyn Kiaullee as cur cheb er Cre'n Cheer? Ta meer elley ass chyndaays 'sy Ghaelg jeh Dracula liorish Bram Stoker ayns 'Claare ny Gael'.

'Goll as Gaccan' was to be heard on Christmas Day, and we hear Phil Gawne and Simon Clarke exchange season's greetings, and we hear two sayings associated with the season as well. There was another edition of that programme to be heard on the first day of the new year as well, and from that programme we hear Ian Cottier. Daniel Quayle challenges us in 'Jamys Jeheiney, to work out Kianglaghyn Kiaullee (Musical Connections) and to offer an answer to Cre'n Cheer? (What's the Country?). There's another extract from a translation into the Manx Gaelic of Dracula by Bram Stoker in 'Claare ny Gael'.