Abbyr Shen Reesht - Say That Again

Ayns 'Goll as Gaccan' ta Phil Gawne lhaih magh er-nyn-son chyndaays t'er ve jeant ec eear studeyr y Vunscoill Ghaelgagh, Sophia Taylor, jeh skeeal ard-ghooagh ennoil liorish Beatrix Potter.

Cha nel skeeal ain ayns 'Claare ny Gael' y cheayrt shoh, agh ta shin clashtyn mychione ny bioleyderyn 'goll er yn unnysup', dy gheddyn ny v'ad toilchin 'sy Chegeesh Ommidjagh; ta chyndaays 'sy Ghaelg jeh'n arrane cochianglt rish Shelg yn Dreain; as ta shin jeeaghyn er carval ny Nollick, as ta faaue ayn dy row eh chyndaait 'sy Ghaelg liorish Mona Inney Ghoolish mysh 1960, Tra va ruggit Creest.

In 'Goll as Gaccan' Phil Gawne reads out for us a translation that's been made by a former student of the Bunscoill Ghaelgagh, Sophia Taylor, of a well-known, popular story by Beatrix Potter.

We don't have a story in 'Claare ny Gael' this time, but we hear about the fiddlers 'going on the unnysup', to get their 'deserving' for the Foolish Fortnight; there's a translation into Manx of a song associated with Hunting the Wren; and we look at a Christmas carol, and there's a suggestion that it was translated into Manx by Mona Douglas about 1960, Tra va ruggit Creest.

Atreih, cha nel monney er-nyn-son y cheayrt shoh. Cha row 'Jamys Jeheiney' ayn, myr shoh cha row Jamys Kinry cur feyshtyn orrin. Ayns 'Goll as Gaccan' ta Phil Gawne jannoo bit beg ass Lessoonyn Toshee 'sy Ghaelg liorish Edmund Goodwin, as va Simon Clarke as Phil cheet er yn imbagh shoh neesht. Shenn tradishoon y Nollick eh dy vel skeealyn as spyrrydyn as scaanjoonyn ayndaue goll er insh as, ga nagh vel ennym yn ughtar ry gheddyn, ta shin clashtyn lheid y skeeal shen ayns 'Claare ny Gael'.

Unfortunately, there's not much for us this time. 'Jamys Jeheiney' wasn't on, so James Harrison wasn't putting any questions to us. In 'Goll as Gaccan' Phil Gawne does a brief extract from First Lessons in Manx by Edmund Goodwin, and Simon Clarke and Phil refer to this season as well. It's an old tradition of the Christmas that stories with spirits and ghosts in them are told and, although the name of the author isn't available, we hear just such a story in 'Claare ny Gael'.

Ta daa eysht jeig er-nyn-son reesht ayns 'Jamys Jeheiney', as she Jamys Kinry ta dyn gur, mychione Duillagyn, Coraaghyn, Skeeraghyn as arrane goll er cloie gour e ghrommey. Ta lessoon giare ec Phil Gawne ass Lessoonyn Toshee 'sy Ghaelg liorish Edmund Goodwin mychione marenmyn, ta goll lurg yn ennym son y chooid smoo, er-lhimmey jeh shenn as drogh. Ta shoh ry chlashtyn ayns 'Goll as Gaccan'. Ta chyndaays ain 'sy Ghaelg jeh skeeal scruit ec ben Afro-Americanagh, Kesia Alexandra, ayns 'Claare ny Gael', mychione ben aeg enmyssit Leilani. Ayns 'Traa dy Liooar' ta shin clashtyn Radio Vunscoill 'sy Nollick, as ta shin clashtyn recortys liorish Juan y Geill jeh meer ass Pargys Caillt.

There are twelve questions for us again in 'Jamys Jeheiney', and it's James Harrison who poses them, about Leaves, Voices, Parishes and a song being played backwards. Phil Gawne has a short lesson out of First Lessons in Manx by Edmund Goodwin about adjectives, that go after the noun for the most part, except for old and bad. This is to be heard in 'Goll as Gaccan'. We have a translation into Manx of a story written by an Afro-American woman, Kesia Alexandra, in 'Claare ny Gael', about a young woman called Leilani. In 'Traa dy Liooar' we hear Radio Vunscoill in the Christmas time, and we hear a recording by Jack Gell of an extract from Pargys Caillt.

Ta Martha marish Jamys Kinry 'sy teyrlann dy hebbal 'Jamys Jeheiney', as t'ee jannoo dy mie neesht lesh ny feyshtyn currit liorish. Ayns 'Goll as Gaccan' ta Phil Gawne aa-loayrt fockleyn jeh drane cochianglt rish cliaghtey va goll er cummal Shenn Laa'l Catreeney (ta jeeaghyn dy ve'n 6oo Mee ny Nollick rere yn eaillere noa-emshiragh) as ta shin clashtyn Caarjyn Cooidjagh goaill yn arrane. Lurg shen, ta lessoon elley ass Lesoonyn Toshee 'sy Ghaelg ain - as she'n ard-Ghaelg t'ayn neesht. Ta'n skeeal ain ayns 'Claare ny Gael' enmyssit Yn Gioal, as v'ee scruit hoshiaght 'sy Vaarle ec Simon J Wood. Ta shey neenyn aegey y Vunscoill Ghaelgagh goaill arrane er-nyn-son ayns 'Traa dy Liooar', eisht ta shin clashtyn coloayrtys eddyr Juan y Geill as Ned Maddrell, roish dooin clashtyn meer elley ass Pargys Caillt 'sy recortys jeant ec Juan y Geill 'sy vlein 1980.

Martha is with James Harrison in the studio to present 'Jamys Jeheiney', and she also does well with the questions put by him. In 'Goll as Gaccan' Phil Gawne recites the words of a rhyme associated with a custom that was held on St Catherine's Day by the old style (that appears to be 6th December on the modern calendar) and we hear Caarjyn Cooidjagh singing the song. After that, there's another lesson from First Lessons in Manx for us - and it's advanced Manx as well. We have a story in 'Claare ny Gael' called Yn Gioal (The Wager), and it was written originally in English by Simon J Wood. Six young girls from the Bunscoill Ghaelgagh sing a song for us in 'Traa dy Liooar', then we hear a conversation between John (Jack) Gell and Ned Maddrell, before we hear another extract from Pargys Caillt (a paraphrase in Manx of Paradise Lost) in the recording made by John (Jack) Gell in 1980.

Ta shin goaill toshiaght liorish cur doolane fo nyn inchyn lesh daa eysht jeig reesht ayns 'Jamys Jeheiney' marish Jamys Kinry. Ayns 'Goll as Gaccan' ta Phil Gawne jannoo lessoon ass lioar Edmund Goodwin, Lessoonyn Toshee 'sy Ghaelg, mychione yn art neu-hoilshaghey as yn art soilshaghey, as eisht t'eh ginsh dooin skeeal ghiare liorish Colin y Jerry. She eear ven ynsee Americanagh, Theresa Cecilia Newbill, ren screeu y skeeal ain ayns 'Claare ny Gael', as 'sy chyndaays shoh t'ee enmyssit Cabbil Vaney. Ta shin er jeet gys yn art s'jerree jeant ec Radio Vunscoill 'syn Ouyr, as she paart dy aittys ta shin clashtyn ayns 'Traa dy Liooar', as lurg shen meer elley ass Pargys Caillt, as shen goll er lhaih magh er-nyn-son liorish Juan y Geill.

We get going but setting a challenge for our brains with twelve questions again in 'Jamys Jeheiney' with James Harrison. In 'Goll as Gaccan' Phil Gawne gives a lesson from Edmund Goodwin's book, First Lessons in Manx, about the indefinite article and the definite article, and then he tells us a short story by Colin Jerry. It's a former American school teacher, Theresa Cecilia Newbill, who wrote our story in 'Claare ny Gael', and in this translation it's called Cabbil Vaney (White Horses). We've come to the final article made by Radio Vunscoill 'syn Ouyr, and it's a bit of comedy we hear in 'Traa dy Liooar', and after that another extract from Pargys Caillt (Paradise Lost), and that's read out for us by John Gell. 

Ta Jamys Kinry cur doolane foin reesht lesh daa eysht jeig ayns 'Jamys Jeheiney'. 

Ayns 'Goll as Gaccan' ta Phil Gawne cur cooidjagh breearyn as pro-enmyn ass lioar Edmund Goodwin, Lessoonyn Toshee 'sy Ghaelg. 

Er-yn-oyr nagh vel chyndaays jeh skeeal liorish Sherwood Anderson liauyr dy liooar dy lhieeney 'Claare ny Gael', ta shin clashtyn chyndaays 'sy Ghaelg jeh skeealyn falleayssagh neesht liorish Bruce Gunther, Pamela Kennedy, I M Cameron as Noriko Jayasekera. 

Ta art elley jeant ec studeyryn y Vunscoill Ghaelgagh ry chlashtyn ayns 'Traa dy Liooar', chammah's meer elley jeh Pargys Caillt 'sy recortys jeant ec Juan y Geill.

James Harrison sets us a challenge again with twelve questions in 'Jamys Jeheiney'.

In 'Goll as Gaccan' Phil Gawne is putting together verbs and pronouns from Edmund Goodwin's book, First Lessons in Manx.

Because a translation of a story by Sherwood Anderson isn't long enough to fill 'Claare ny Gael', we hear a translation into Manx of flash fiction as well by Bruce Gunther, Pamela Kennedy, I M Cameron and Noriko Jayasekera.

There's another article made by students of the Bunscoill Ghaelgagh to be heard in 'Traa dy Liooar', as well as another extract from Pargys Caillt [a Manx paraphrase of Paradise Lost] in the recording made by John Gell.

Dy yannoo caghlaa, ta shin goll ergooyl trooid ny claareyn y cheayrt shoh. 

Ayns 'Traa dy Liooar' ta shin clashtyn studeyryn y Vunscoill Ghaelgagh ginsh dooin mychione loayrt 'sy Ghaelg, as meer elley jeh Pargys Caillt 'sy recortys liorish Juan y Geill.

Cha row un skeeal ain, agh hoght skeealyn falleayssagh ayns 'Claare ny Gael'.

Gyn veg er-lheh 'sy Ghaelg ayns 'Goll as Gaccan', ta shin goll dy jeeragh gys 'Jamys Jeheiney', as ta daa ghoaldagh marish Jamys Kinry 'sy teyrlann y cheayrt shoh.

In 'Traa dy Liooar' we hear students of the Bunscoill Ghaelgagh telling us about speaking Manx, and another portion of Paradise Lost in the recording by John Gell.

We had not just one story, but eight pieces of flash fiction in 'Claare ny Gael'.

With nothing particular in Manx in 'Goll as Gaccan', we go straight to 'Jamys Jeheiney', and there are two guests with James Harrison in the studio this time.

Va daa whestion jeig elley er-nyn-son ayns 'Jamys Jeheiney', as Jamys Kinry cur orrin dredjal magh meeryn follit dy dowin ayns nyn inchyn reesht.

Ta Phil Gawne jannoo ymmyd jeh Lessoonyn Toshee 'sy Ghaelg liorish Edmund Goodwin (aa-reaghit ec Robert Thomson) ayns 'Goll as Gaccan', agh dy feer, s'goan ta shin er n'ghoaill toshiaght foast.

Ta chyndaays jeh skeeal liorish Americanagh, Samuel Barnhart, ayns 'Claare ny Gael', as yn sheiltynys echey jeh fer ynsee tammyltagh goll roish brastyl yn chied cheayrt. Ta'n skeeal shoh enmyssit Dagh Laa Myr Caggey.

Ayns 'Traa dy Liooar' ta cloie liorish studeyryn y Vunscoill Ghaelgagh, jeant son Radio Vunscoill, as duillag 10 neesht jeh Pargys Caillt, ta'n paraphrase liorish yn Arrymagh Thomas Christian jeh Paradise Lost, ta goll er lhaih woish Lioar XX y Heshaght Vanninagh liorish Juan y Geill.

There were twelve more questions for us in 'Jamys Jeheiney', and James Harrison forcing us to dredge out bits hidden deep in our brains again.

Phil Gawne is making use of First Lessons in Manx by Edmund Goodwin (re-arranged by Robert Thomson) in 'Goll as Gaccan', but to be truthful, we've hardly started yet.

There's a translation of a story by an American, Samuel Barnhart, in 'Claare ny Gael', and his imagining of a supply teacher going in front of a class for the first time. This story is called Every Day is a War.

In 'Traa dy Liooar' there's a play by the students of the Bunscoill Ghaelgagh, made for Radio Vunscoill, and also page 10 of Pargys Caillt, the paraphrase by Rev Thomas Christian of Paradise Lost, read from Vol XX of the Manx Society by John Gell.

Ayns 'Jamys Jeheiney' ta daa eysht jeig er-nyn-son, as caa da Jamys Kinry loayrt mychione cooishyn jeh dy chooilley horch. 

Gyn veg noa ayns 'Goll as Gaccan', lhig dooin goll er oai beggan, as ta shin clashtyn satire ayns chyndaays 'sy Ghaelg son 'Claare ny Gael' jeh red ennagh scruit hoshiaght 'sy Vaarle ec Americanagh enmyssit Elizabeth Eve - E E - King, Yn Chlaare Choloayrtyssagh. 

Ayns 'Traa dy Liooar' ta art mychione cabbil jeant ec studeyryn y Vunscoill Ghaelgagh son Radio Vunscoill, as ny s'anmee ta shin clashtyn meer elley jeh Pargys Caillt 'sy recortys jeant daeed blein er dy henney ec Juan y Geill.

In 'Jamys Jeheiney' there are twelve questions for us, and an opportunity for James Harrison to talk about all sorts of topics.

Without anything new in 'Goll as Gaccan', let's go forward a bit, and we hear a satire in a translation into Manx for 'Claare ny Gael' of something written originally in English by an American called Elizabeth Eve - E E - King, Yn Chlaare Choloayrtyssagh (The Chat Show).

In 'Traa dy Liooar' there's an article about horses done by students of the Bunscoill Ghaelgagh for Radio Vunscoill, and later we hear another part of Pargys Caillt (Paradise Lost) in the recording made forty years ago by John Gell.

Ayns 'Shiaght Laa' s'jerree y straih shoh, ta Fiona McArdle loayrt mychione Illiam Dhone as y Ven-Eearley Derby, as mychione seshoonyn Bree stiurit ec Culture Vannin. Ta Jamys Kinry cur daa eysht jeig elley orrin ayns 'Jamys Jeheiney'. Ta shin clashtyn fockleyn Robert Mac Homysh ayns 'Goll as Gaccan', as yn imnea echey mychione lhiasaghey Lessoonyn Toshee 'sy Ghaelg liorish Edmund Goodwin. Lurg shen ta Phil Gawne as Simon Clarke goaill ayrn ayns lessoon. Ta'n skeeal scaanjoonagh ain ayns 'Claare ny Gael' liorish Americanagh ta gobbraghey da Olloo-Scoill Ghlascoe, Alexandra Grunberg, as t'ee enmyssit Ta Cuirrey Creeoil Erriu. As fy yerrey ta meer elley jeh Pargys Caillt ry chlashtyn ayns 'Traa dy Liooar', as ta'n meer shen goll er lhaih magh er-nyn-son liorish Juan y Geill.

In the final 'Shiaght Laa' of this series, Fiona McArdle talks about Illiam Dhone and the Countess of Derby, and about Bree sessions run by Culture Vannin. James Harrison asks us twelve questions in 'Jamys Jeheiney'. We hear the words of Robert Thomson in 'Goll as Gaccan', and his concern about amending First Lessons in Manx by Edmund Goodwin. After that Phil Gawne and Simon Clarke take part in a lesson. We have a ghost story in 'Claare ny Gael' by an American who works for the University of Glasgow, Alexandra Grunberg, and it's called You Are Cordially Invited. And finally there's another bit of Pargys Caillt to be heard in 'Traa dy Liooar, and that part is read out for us by John Gell.