Clár Iomlán.

Ghlac feisirí parlaiminite i Westminster aréir le reachtaíocht chun an Tionól a choinneáil ag imeacht go dtí go reachtálfar na toghchán ó Thuaidh I mí Bhealtaine.

Seachtain ón lá inniu, foilsíodh cuid de na torthaí ó fhiosrúchán Sue Gray maidir leis na cóisireacha a bhí i sráid Downing agus in ionaid rialtais eile le linn srianta Covid. Ach in ainneoin na himeachtaí seo agus cúrsaí eile, shílfeá nach bhfuil Boris Johnson réidh le himeacht fós.

An tseachtain seo caite, thug An Bord Pleanála cead don gcomhlacht Wingleaf seacht gcinn de thuirbíní a thógaint i gcomharsanacht Ghúgán Barra agus Chéim an Fhia i gCorcaigh, ceantar atá fíor álainn ó thaobh tírdheacha de. Ní mó ná sásta atá muintir na háite le cinneadh seo an bhoird.

Deir Ciarán Mac Ruairí, Príomhoide Gairmscoil Chú Uladh sa Ghaeltacht Lár, gur cheart don Roinn Oideachais córas iompar scoile a chur ar fáil do na Bunscoiltacha atá páirteach sa Scéim Aitheantais le cur ar a gcumas leanstan lena gcuid oideachais tré mheán na Gaeilge.

Beidh cruinniú inniu ag Uachtarán na Fraince Emmanuel Macron le Uachtaráin an Ruise Vladimir Putin i Moscó chun cúrsaí sa réigiún a phlé. Deir Macron go bhfuil sé ag súil le réiteach a fháil maidir leis an ngéarchéim.

Gormfhlaith Ní Thuairisg.

Dáithí de Mórdha.

Gheall an Taoiseach, Micheál Martin, inné go rachaidh an Rialtas i ngleic leis an ngéarchéim chostais mhaireachtála - agus níor chuir sé as áireamh ardú sa phinsin agus íocaíachtaí eile leasa shóisialaigh.

Den dara huair taobh istigh de sé mhí, níor chuir aon chomhlacht comhairliúchán isteach ar chomórtas tairisceana le haghaidh athbhreithniú ar Údarás na Gaeltachta.