Micheal Ó Tuathail.

Máire de Bhailís.

Clár Iomlán.

Fostaithe ag filleadh ar na hoifigí théis na dianghlasála, ní raibh an oiread borradh faoin margadh fostaíochta le scór bliain de réir na bhfigiúirí atá foilsithe ag an gcomhlacht earcaíochta Sigmar ar maidin.

Tá grúpa feirmeoirí i nGaeltacht Mhúscraí tar éis comharchumann roinnte innealra a bhunú, gníomh a thug ugach don Roinn Talmhaíochta, Bia agus Mara, leasú a dhéanamh ar scéim deontais chun freastal orthu.

Aontaíodh d’aon ghuth ag an gcruinniú a bhí ag ionadaithe ó Choiste Bóithre Chonamara agus ag Comhairleoirí Condae na Gaillimhe le feidhmeannaigh na Comhairle gur cheart plean fad téarmach a chur i dtoll a chéile le go leathnófar na droichid i gceantar na nOileán.

Múinteoir meánscoile i gCill Orgaln ag aontú leis an méid a dúirt Tomás Ó Niadh, bhall do Bhord Oideachais agus Oiliúna na Gaillimhe & Ros go bhfuil sé tábhachtach go mbeadh an meas céanna ar dhaoine a bhfuil ceird acu le daoine a bhfuil oideachas tríú leibhéal orthu.

Uinéir Tigh Taaffe i nGaillimh - cruthúnas vacsaíne agus an earnáil an fháilteachais - cén uair agus cén chaoi a n-osclóidh na tithe ósta arís?

Pléifear athoscailt tithe ósta, bialanna agus cruthúnas vacsaíne ag an gcruinniú rialtais inniu.

Dúirt an Dr. Ciarán Ó Fearraigh atá lonnaithe i Srath an Urláir, gur cheart do dhaoine nach bhfuil an vacsaín faighte acu fanacht ina gceantar féin agus nár chóir dóibh a bheith ag taisteal i ngrúpaí.