Sláine Ní Chathalláin.

Cáit de Bhailís.

Clár Iomlán.

Tá foinse maoinithe á lorg faoi láthair ag an gcoiste AM SPRAOI, a bhíonn ag plé le Páirc Bhaile an Daingin, atá ar Lána Ghrae, chun an áit a athfhorbairt, tá cead pleanála faighte, ach tá roinnt daoine ar mhalairt tuairime fé cad is cirte a dhéanfaí leis an spás oscailte.

Tá sé iarrtha ag an gcomhairleoir Contae Pádraig Mac an Iomaire ar fheidhmeannaigh Chomhairle Contae na Gaillimhe áiseanna páirceála a chur ar fáil do veaineanna campála agus do charbháin i gCeantar Chonamara, mar gheall ar an éileamh atá ar an gcineál seo turasóireachta anois.

Beidh cruinniú inniu ag Conradh na Gaeilge agus ag grúpaí pobail a fhaigheann maoiniú faoin Scéim Pobail Gaeilge SPG le plé a dhéanamh ar an maoiniú a chuirtear ar fáil dóibh atá an-easnamhach a deir siad, tráth a dtuigtear farasbarr a bheith ag Foras Na Gaeilge de bharr nár caitheadh cistí le linn Covid19.

Caithfidh bunús ceart a bheith le roinnt cumhacht, le go mbeidh aon rath ar an bpáirtíocht idir an DUP agus Sinn Féin i Stormont. Beidh cruinniú ag Sinn Féin le ceannaire nua an DUP Jeffery Donaldson an tseachtain seo chugainn.

Is é an leagan Delta den víreas Covid19 a bheidh i 90% de na cásanna i dtíortha an Aontais Eorpaigh faoi mhí Lunasa a deir an ECDC ionad galair na hEorpa. Tá méadú ar líon na gcásanna DELTA i dTuaiscert Éireann.

Thug an rialtas le fios go ndéanfar an cinneadh deireanach faoi athoscailt na tíre an tseachtain seo chugainn, agus go mbeidh seo bunaithe ar chomhairle ó NPHET.

Gearóidín Nic an Iomaire.