Teastaíonn ón gComhairleoir Contae go mbunódh Comhairle Contae Chiarraí scéim ina n-oibreodh úinéirí foirgnimh tréigthe agus an Chomhairle as lámha a chéile le ealaíontóirí áitiúla a fhostú le roinnt foirgnimh atá tréigthe, i gceantar Bardasach Chorca Dhuibhne/Oileán Chiarraí a mhaisiú.

Tá 1,543 duine básaithe a raibh Covid 19 orthu sna tithe altranais. Bhásaigh 369 acu le linn na míosa seo caite. Tiocfaidh ionadaithe na hearnála ós comhair an chomhchoiste Sláinte inniu.

'Sé rogha Chumann Meánmhúinteoirí Éireann go ngabhfadh na scrúduithe stáit chun cinn an samhradh seo ach go bhféadfaí mionathraithe a dhéanamh ar na páipéir scrúduithe.

Pléifidh Comhairle Slándála na Náisiún Aontaithe an coup míleata a tharla i mBurma inniu. Tá an tAontas Eorpach, Meiriceá agus an India ag iarraidh ar an arm ómós a thaispeáint don daonlathas.

Tá an Breatimeacht ag cur isteach go mór ar ghnóthanna ar an teorann, dar le hÚinéir Ionad Bia Gasta "Ocras" i mBaile Úr Uí Chuinneagáin agus níl rudaí go maith faoi láthair.

Tá Ollscoil na hÉireann Gaillimh le tús a chur le togra nua teicneolaíochta ionas go mbeidh fhios acu cé chomh réitithe a bheadh an Eoraip dá dtarlódh géarchéim eile cosúil leis an víreas Corónach.

Ón tseachtain seo chugainn tosnóidh 16,000 páistí le riachtanais speisialta ag filleadh ar ranganna scoile. Beidh siad ar an gcéad dream a fhillfidh ar an seomra ranga ón Nollaig.

Gearóidín Nic an Iomaire.

Gormfhlaith Ní Thuairisg.

Micheál Ó Tuathail.