Beidh ionad tástála Covid-19 do phaisinéirí agus don phobal ar fáil ag Aerfort Dhún na nGall ón Luan an 7ú lá de mhí na Nollag.

Tá an t-Aire Oideachais Norma Foley ag tabhairt an ghrúpa comhairleach ar na scrúdaithe stát le chéile aríst le socraithe a dhéanamh faoin gcaoi a reachtáilfear scrúdaithe na hArdteistinéireachta agus an Teastais Shóisirigh I 2021.

Tá post mar Oifigeach Forbartha a thairiscint ag Lár Chomhairle Paróiste Ghleann Cholm Cille le cuidiú leis an lár chomhairle plean oibre an choiste a chur i bhfeidhm. Teastóidh Gaeilge Líofa agus suim sa bhforbairt Pobail.

Téastaíonn polasaí pleanála Gaeltachta láithreach le go mbeidh pobail Ghaeltachta in ann cónaí ina gceantair fhéin. Tá CNAG ag cur tacaíocht ar fáil anois do dhaoine atá i bponc ag an gcóras atá ann.

Níl aon rogha ag daoine atá ar liosta feithimh tithíochta Chomhairle Contae Chiarraí i gCorca Dhuibhne, ach fanacht nó go bhfaighidh duine a bhaineann leo bás, ionas go mbeadh tig cónaithe dá gcuid féin acu, a deir an Comhairleoir Breandán Mac Gearailt ón nDaingean, agus is rud gránna é sin.

Bheadh an-imní air fhéin a deir ball d’fhóram sláinte an iarthair John Connolly nach bhfuil aon spás breise d’othair síciatracha a mbeadh leaba ag teastáil uathu san aonad ina bhfuil leath chead leaba atá ag an ospidéal i nGaillimh.

Tá suirbhé déanta ag an gcomhlacht FRS recruitment a léiríonn go bhfuil triúr as chuile dheichniúr atá thar lear ag pleanáil a theacht abhaile faoi Nollaig.

Déanfaidh an rialtas plé arís inniu ar mhaolú srianta ó Léibheal a 5,. Beidh an -Aire Dlí agus Cirt Helen McEntee ag teacht os comhair na Dála le ceisteanna a fhreagairt faoi cheapúcháin an Bhreithimh Séamus Woulfe.

Gearóidín Nic an Iomaire.

Clár Iomlán.