Sláine Ní Chathalláin.

Marion Ní Shúilleabháin.

Séamus Ó Scanláin.

Máirín Ní Ghadhra.

Bhí an bhliain seo le bheith ar an mbliain ba ghnóthaí ag Campas Ollscoile an Chroí Ró Naofa ó Chonnecticut Mheiriceá atá lonnaithe sa Díseart sa Daingean, ach mar gheall ar ghéarchéim Covid 19, b-éigean mic léinn a chur abhaile i mí an Mhárta, agus ní thiocfaidh an chéad dream eile scoláirí , do sheimeastar an Fhómhair ach an oiread.

Tá tuilleadh eolais iarrta ag Comhairle Chontae na Gaillimhe ar Údarás na Gaeltachta faoin iarratas pleanála do thogra Pháirc na Mara i gCill Chiaráin.

Cén chaoi a bhfuil cúrsaí i Meirceá i bhfianaise Covid 19 agus cén chaoi bhfuil an saol ag imircigh nach bhfuil na cáipéisí acu le bheith ag fanacht sa tír agus atá ina gcónaí ansin go mídhleathach.

Táthar tar éis an tréimhse ama a gcaithfidh daoine féin-aonarú de bharr Covid 19 a mhéadú ó 7 lá go dtí 10 lá, leis an mbaol go méadóidh líon na gcásanna ansin a sheachaint. Cosc ar dhaoine cuairt a thabhairt ar thithe a chéile in áiteacha i dTuaisceart na Breataine.

Tá cúrsaí thar a bheith doiléir go fóill faoin gcaoi a bhfuil sé beartaithe ag an mBreatain imeacht as Aontas na hEorpa, a dúirt Tom Ó Muirí, ón ngrúpa Pobail ar an Teorainn i gcoinne an Bhreatimeachta.

Pléifidh an Taoiseach Micheál Martin na srianta taistil difriúla atá sna 6 contae agus sna 26 contae ag cruinniú na seachtaine seo den Chomhairle Aireachta Thuaidh-Theas, i gCaisleán Bhleá Cliath ar maidin inniu. Tá Breatimeacht le plé chomh maith. Seo é an chéad chruinniú den Chomhairle le 3 bliana go leith.