Áine Ní Bhreisleáin.

Sa Spáinn, tá ordú tugtha do na clubanna oíche uilig sa gCatalóin in oirthuaisceart na tíre go gcaithfidh siad dúnamh mar gheall ar imní go bhfuil an dara ráig den víreas corónach sa tír.

Chas toscaireacht ó Chumann Feirmeoirí Cnoc agus Natura na hÉireann le Ceannaire Shinn Féin Mary Lou Mc Donald agus le baill shinsearacha eile den pháirtí ar an Teach Dóite Dé hAoine seo caite.

Ní mó ná sásta a bhí cuid de mhuintir na háite i mBaile Bhúirne an tseachtain seo caite, nuair a dúnadh an bóthar ag an Uachtarlann le go bhféadfadh an Chomhairle Contae obair a dhéanamh ar an gcóras séarachais sa gceantar.

Deighilt sa gComhaontas Glas. Grúpa nua eite chlé “Glasaigh na n-Athruithe Córa” tagtha chun cinn sa bpáirtí.

Cuirfidh an tAire Oideachais plean a chosnóidh tuairim’s 300 milliún Euro leis na scoileanna a oscailt ag deireadh na míosa seo chugainn, faoi bhráid an Rialtais inniu.

Ní thuigeann an Rialtas nua na deacrachtaí a bhí ag scolairí meánscoile agus tríú léibhéal le caighdeán an leathanbhanda i nDún na nGall le linn ghéarchéim Covid 19 a deir an Comhairleoir Condae Albert Doherty, ball de Bhord Oideachais agus Oiliúna Dhún na nGall.

Cúrsaí polaitíochta an lae. Tá an Roinn Coimirce Sóisialaí tar éis an t-íocaíocht dífhostaíochta paindéime a stopadh ar 104 duine a seiceáileadh ag na h-aerphoirt. Tabharfaidh an tAire Tithíochta. Darragh O’Brien an bille nua os comhair an rialtais inniu. Ardú pá do na sár-airí sóisearacha.

Áine Ní Bhreisleáin.

Sláine Ní Chathalláin.